Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 148:1-14

NUHE E BẸHẸN LẸ

  • Nudida lẹpo ni pà Jehovah

    • “Mì pà ẹ, mì angẹli etọn lẹpo” (2)

    • ‘Owhè, osun po sunwhlẹvu lẹ po ni pà ẹ’ (3)

    • Yọpọ po mẹho po ni pà Jiwheyẹwhe (12, 13)

148  Mì pà Jah!* Mì pà Jehovah to olọn lẹ mẹ;+ Mì pà ẹ to oji aga.   Mì pà ẹ, mì angẹli etọn lẹpo emi.+ Mì pà ẹ, mì awhànpa etọn lẹpo emi.+   Owhè po osun po ni pà ẹ. Mì pà ẹ, mì sunwhlẹvu he to sisẹ́ lẹpo emi.+   Mì pà ẹ, mì olọn he yiaga lẹ* emi Gọna aslọ he to olọn mẹ lẹ.   Mì gbọ yé ni pà oyín Jehovah tọn, Na ewọ wẹ degbe bọ yé do yin didá.+   Ewọ wẹ do yé ai gligli kakadoi podọ doidoi;+ Ewọ ko de gbedide de tọ́n he ma na juwayi.+   Mì pà Jehovah to aigba ji, Mì nudida daho hùmẹ tọn lẹ gọna osin he siso lẹpo,   Mì abì po kẹ́njikun po, osin-agó po aslọ titli lẹ po, Hiẹ yujẹhọn he nọ hẹn ohó etọn di,+   Mì osó lẹ po okọ́ta lẹpo po,+ Mì atin he nọ sẹ́n lẹ po kedali lẹpo po,+ 10  Mì gbekanlin lẹ+ po kanlin whégbè tọn lẹpo po, Mì nutogbẹ̀ he nọ lìn lẹ po ohẹ̀ awànọ lẹ po, 11  Mì ahọlu aigba ji tọn lẹ po akọta lẹpo po, Mì ahọvi lẹ po whẹdatọ aigba ji tọn lẹpo po,+ 12  Mì jọja sunnu po jọja yọnnu* lẹ po, Yọpọ sunnu po mẹho lẹ po to pọmẹ. 13  Mì gbọ yé ni nọ pà oyín Jehovah tọn, Na oyín etọn kẹdẹ wẹ klohugan.+ Gigo daho etọn yiaga hú aigba po olọn po.+ 14  Ewọ na na huhlọn* omẹ etọn lẹ, Na pipà nugbonọ etọn lẹpo tọn wutu, Yèdọ na visunnu Islaeli tọn lẹ tọn wutu, enẹ wẹ akọta he dọnsẹpọ ẹ lọ. Mì pà Jah!*

Nudọnamẹ Odò Tọn

Kavi “Halelujah!” “Jah” yin sándogli yinkọ lọ Jehovah tọn.
To paa mẹ, “olọn olọn lẹ tọn.”
To paa mẹ, “yọnnu alọji.”
To paa mẹ, “azò.”
Kavi “Halelujah!” “Jah” yin sándogli yinkọ lọ Jehovah tọn.