Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 147:1-20

NUHE E BẸHẸN LẸ

  • Mì pà Jiwheyẹwhe, na owanyi po azọ́n etọn lẹ po

    • E nọ gbọazọ̀nna mẹhe jẹflumẹ (3)

    • E nọ ylọ oyín sunwhlẹvu lẹpo tọn (4)

    • E nọ hẹn osin-agó ja di sekanfun (16)

147  Mì pà Jah!* E yọ́n nado nọ jihàn pipà tọn lẹ hlan Jiwheyẹwhe mítọn; Lehe e vivi bo sọgbe nado nọ pà ẹ do sọ!+   Jehovah to Jelusalẹm gbá;+ E to omẹ Islaeli tọn he vúnvún pé lẹ bẹpli.+   E nọ hẹnazọ̀ngbọna mẹhe ahun yetọn jẹflumẹ lẹ; E nọ blá apà yetọn lẹ.   E nọ hia sọha sunwhlẹvu lẹ tọn; E sọ nọ ylọ oyín yemẹpo tọn.+   Oklunọ mítọn klo bo yin huhlọnnọ taun;+ Nukunnumọjẹnumẹ etọn mayọnjlẹ.+   Jehovah nọ ze homẹmimiọnnọ lẹ ṣite,+ Ṣigba, e nọ zìn mẹylankan lẹ dai.   Mì nọ yí pẹdido do jihàn hlan Jehovah; Mì nọ yí ajalẹn do jihàn pipà tọn lẹ hlan Jiwheyẹwhe mítọn,   Mẹhe yí aslọ lẹ ṣinyọ́n olọn, Mẹhe nọ wleawu jikun tọn na aigba,+ Podọ Mẹhe nọ hẹn ogbé lẹ wujẹgbonu+ to osó lẹ ji.   Ewọ nọ na núdùdù kanlin lẹ,+ Kakajẹ ohọ́n-vú he to núdùdù biọ lẹ ji.+ 10  Homẹhunhun etọn ma tin to huhlọn osọ́ lẹ tọn mẹ;+ Mọjanwẹ afọ huhlọnnọ gbẹtọvi tọn lẹ ma nọ hẹn awuji i do niyẹn.+ 11  Jehovah nọ mọ awuvivi to mẹhe nọ dibusi i lẹ mẹ,+ Yèdọ to mẹhe to tenọpọn owanyi nugbo etọn lẹ mẹ.+ 12  Jelusalẹm E, pagigona Jehovah. Ziọni E, pà Jiwheyẹwhe towe. 13  Ewọ wẹ nọ hẹn dòtin họngbo tòdaho towe tọn lẹ lodo; E nọ dona visunnu towe lẹ to ṣẹnṣẹn towe. 14  E nọ hẹn jijọho wá aigba towe ji;+ E sọ nọ yí likun dagbe hugan* lẹ do hẹn pekọ wá na we.+ 15  Ewọ nọ do gbedide etọn hlan aigba ji; Ohó etọn sọ nọ họ̀nwezun wá po awuyiya po. 16  E nọ hẹn osin-agó ja bọ e nọ taidi sekanfun to aigba ji;+ E nọ vúnvún osin-agó wọ́dọ́wọ́dọ́ lẹ pé taidi afín.+ 17  E nọ hẹn kẹ́njikun* ja di jàjá akla tọn lẹ.+ Mẹnu wẹ sọgan nọte to avivọ etọn nukọn?+ 18  E nọ do ohó etọn hlan bọ osin-agó lẹ nọ yọ́. E nọ hẹn jẹhọn etọn nado yìn+ bọ osin nọ sà. 19  E nọ hẹn ohó etọn zun yinyọnẹn na Jakọbu, Yèdọ aṣẹdai po whẹdida etọn lẹ po na Islaeli.+ 20  E ma yinuwa hẹ akọta devo depope domọ pọ́n;+ Yé ma yọ́n nudepope gando whẹdida etọn lẹ go. Mì pà Jah!*+

Nudọnamẹ Odò Tọn

Kavi “Halelujah!” “Jah” yin sándogli yinkọ lọ Jehovah tọn.
To paa mẹ, “yí ojó likun tọn.”
Kavi “osin-agó.”
Kavi “Halelujah!” “Jah” yin sándogli yinkọ lọ Jehovah tọn.