Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 146:1-10

NUHE E BẸHẸN LẸ

  • Dejido Jiwheyẹwhe go, e ma yin gbẹtọ

    • Eyin gbẹtọ kú, linlẹn etọn nọ sudo (4)

    • Jiwheyẹwhe nọ jlọ mẹhe dẹ́ dote (8)

146  Mì pà Jah!*+ Mì gbọ yẹn ni nọ yí alindọn ṣie lẹpo do pà Jehovah.+   Yẹn na nọ pà Jehovah to gbẹzan ṣie lẹpo mẹ. Yẹn na nọ jihàn pipà tọn lẹ hlan Jiwheyẹwhe ṣie dile yẹn na togbẹ̀ dẹnsọ.   Mì ze jidide mìtọn do ahọvi* lẹ mẹ blo Kavi do gbẹtọvi depope mẹ blo, na yé ma sọgan whlẹnmẹ gán.+   Eyin gbigbọ* etọn tọ́nyi, ewọ nọ gọ̀ do aigba dè;+ To azán enẹ gbè, linlẹn etọn lẹ nọ sudo.+   Ayajẹnọ wẹ mẹhe yí Jiwheyẹwhe Jakọbu tọn do basi alọgọtọ etọn,+ Yèdọ mẹhe ze todido etọn do Jehovah Jiwheyẹwhe etọn mẹ,+   Didatọ olọn po aigba po tọn, Ohù, gọna nuhe tin to yé mẹ lẹpo tọn,+ Yèdọ Mẹlọ he nọ yin nugbonọ to whepoponu,+   Mẹlọ he nọ dawhẹ dodo na mẹhe yè tafu lẹ, Mẹlọ he nọ na núdùdù mẹhe huvẹ to hùhù lẹ.+ Jehovah to gàntọ* lẹ tundote.+   Jehovah to nukun nukuntọ́nnọ lẹ tọn hùn;+ Jehovah to mẹhe dẹ́ do odò lẹ jlọ dote;+ Jehovah yiwanna dodonọ lẹ.   Jehovah to hihọ́-basina mẹhe to jonọ-gbéji lẹ; Ewọ nọ penukundo tọṣiọvi lẹ po asuṣiọsi lẹ po go,+ Amọ́, e nọ hẹn tito mẹylankan lẹ tọn gble.*+ 10  Jehovah na yin Ahọlu kakadoi,+ Yèdọ Jiwheyẹwhe towe, Ziọni E, sọn whẹndo de mẹ jẹ devo mẹ. Mì pà Jah!*

Nudọnamẹ Odò Tọn

Kavi “Halelujah!” “Jah” yin sándogli yinkọ lọ Jehovah tọn.
Kavi “omẹ nukundeji.”
Kavi “gbọfufu.”
To paa mẹ, “mẹhe yin biblá.”
Kavi “hẹn aliho mẹylankan lẹ tọn gbán.”
Kavi “Halelujah!” “Jah” yin sándogli yinkọ lọ Jehovah tọn.