Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 145:1-21

NUHE E BẸHẸN LẸ

  • Mì pà Jiwheyẹwhe, Ahọlu daho lọ

    • ‘Yẹn na nọ lá kiklo Jiwheyẹwhe tọn’ (6)

    • “Jehovah yọ́n na mẹlẹpo” (9)

    • ‘Nugbonọ lẹ na nọ pà we’ (10)

    • Gandudu madopodo Jiwheyẹwhe tọn (13)

    • Alọ Jiwheyẹwhe tọn nọ hẹn pekọ wá na mẹlẹpo (16)

Ohàn pipà tọn Davidi tọn. א [Alẹfi] 145  Jiwheyẹwhe Ahọlu ṣie E, yẹn na nọ ze we daga,+ Bo nasọ nọ pà oyín towe kakadoi podọ doidoi.+ ב [Bẹti]   Yẹn na nọ pà we to azán lọ pete ji;+ Yẹn nasọ nọ pà oyín towe kakadoi podọ doidoi.+ ג [Gimẹli]   Jehovah klo bo jẹna pipà tlala;+ Kiklo-yinyin etọn yin dinmamọdona.*+ ד [Dalẹti]   Azọ́n towe lẹ na nọ yin pipà sọn whẹndo de mẹ jẹ devo mẹ; Yé na nọ dọho gando azọ́n huhlọnnọ towe lẹ go.+ ה [He]   Yé na nọ dọho gando whanpẹ jiawu gigo daho towe tọn go+ Podọ yẹn na nọ lẹnayihamẹpọn do azọ́njiawu towe lẹ ji. ו [Wau]   Yé na nọ dọho gando azọ́n* dobu towe lẹ go, Yẹn nasọ nọ lá kiklo-yinyin towe. ז [Zayini]   Yé na to ohó túntún jẹgbonu dile yé na to dagbewà susugege towe flin,+ Yé nasọ nọ yí ayajẹ do dawhá, na dodowiwa towe wutu.+ ח [Hẹti]   Jehovah yin awuvẹmẹtọ* podọ lẹblanunọ,+ Mẹhe nọ whleawu nado gblehomẹ bosọ sù to owanyi nugbo mẹ.+ ט [Teti]   Jehovah yọ́n na mẹlẹpo,+ Lẹblanu etọn sọ nọ sọawuhia to azọ́n etọn lẹpo mẹ. י [Yodi] 10  Azọ́n towe lẹpo wẹ na nọ pagigona we, Jehovah E,+ Nugbonọ towe lẹ nasọ nọ pà we.+ כ [Kafi] 11  Yé na nọ lá gigo gandudu towe tọn+ Bo na nọ dọho gando huhlọn towe go,+ ל [Lamẹdi] 12  Nado hẹn azọ́n huhlọnnọ towe lẹ zun yinyọnẹn na gbẹtọ lẹ+ Gọna whanpẹ jiawu gandudu towe tọn.+ מ [Memi] 13  Gandudu madopodo wẹ gandudu towe, Podọ aṣẹpipa towe na gbọṣi aimẹ sọn whẹndo de mẹ jẹ devo mẹ.+ ס [Samẹki] 14  Jehovah nọ gọalọna mẹhe jlo na jai lẹpo+ Bo nọ jlọ mẹhe dẹ́ do odò lẹpo dote.+ ע [Ayini] 15  Nukun lẹpo wẹ nọ lẹhlan dè we po todido po; Hiẹ nọ na yé núdùdù yetọn to osaa sisọ mẹ.+ פ [Pe] 16  Hiẹ nọ hùn alọ towe Bo nọ hẹn pekọ wá na ojlo nutogbẹ̀ lẹpo tọn.+ צ [Tisade] 17  Jehovah yin dodonọ to aliho etọn lẹpo ji+ Bosọ yin nugbonọ to nuhe e nọ wà lẹpo mẹ.+ ק [Kọfi] 18  Jehovah ma dẹn do mẹhe nọ dawhá ylọ ẹ lẹpo,+ Yèdọ mẹhe nọ dawhá ylọ ẹ to nugbo mẹ* lẹpo.+ ר [Lẹṣi] 19  E nọ hẹn pekọ wá na ojlo mẹhe nọ dibusi i lẹ tọn;+ E nọ sè awhágbe yetọn na alọgọ bo nọ whlẹn yé.+ ש [Ṣini] 20  Jehovah nọ basi hihọ́na mẹhe yiwanna ẹn lẹpo,+ Ṣigba, e na sukúndona mẹylankan lẹpo.+ ת [Tau] 21  Onù ṣie na nọ lá pipà Jehovah tọn;+ Mì gbọ nutogbẹ̀* lẹpo ni nọ pà oyín wiwe etọn kakadoi podọ doidoi.+

Nudọnamẹ Odò Tọn

Kavi “zẹ̀ nukunnumọjẹnumẹ go.”
Kavi “huhlọn.”
Kavi “mẹhe gọ́ na ojọmiọn.”
Kavi “po ahundopo po.”
To paa mẹ, “agbasalan.”