Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 144:1-15

NUHE E BẸHẸN LẸ

  • Odẹ̀ awhàngbigba tọn

    • ‘Etẹwẹ gbẹtọ tata yin?’ (3)

    • ‘Gbọ yè ni vúnvún kẹntọ lẹ pé’ (6)

    • Ayajẹnọ wẹ omẹ Jehovah tọn lẹ (15)

Ohàn Davidi tọn. 144  Mì gbọ Jehovah, Osé ṣie,+ ni yin pipà, Ewọ he nọ plọn avùnhiho alọ ṣie lẹ, Podọ awhànfunfun alọvi ṣie lẹ.+   Ewọ wẹ nọ do owanyi nugbo hia mi bo yin figángán ṣie, Yèdọ fibẹtado he tindo hihọ́* de na mi podọ whlẹngántọ ṣie, Awọ̀yinu ṣie podọ Mẹhe yẹn ko yí do basi bẹtẹn ṣie,+ Mẹhe nọ hẹn gbẹtọ lẹ zun mẹmẹglọ to afọ ṣie lẹ glọ.+   Jehovah E, etẹwẹ gbẹtọ yin bọ hiẹ do nọ doayi e go, Podọ etẹwẹ gbẹtọvi tata de yin bọ hiẹ do nọ na ẹn ayidonugo?+   Gbẹtọ taidi gbọfufu tata de poun;+ Gbẹzan etọn taidi oyẹ̀ he to jujuwayi.+   Jehovah E, dẹ́ olọn towe bo jẹte;+ Doalọ osó lẹ go bo hẹn yé tì azọ̀.+   Na abì ni gbòdlán bo gbà kẹntọ do;+ De ogá towe lẹ bo hẹn yé biọ bẹwlu mẹ.+   Dlẹnalọ towe lẹ sọn aga; Whlẹn mi bo yí mi sọn agbówhẹn osin tọn lẹ si, Yèdọ sọn alọ jonọ lẹ tọn mẹ,+   Mẹhe nọ yí onù yetọn do dolalo lẹ Bo nọ ze adusilọ yetọn daga nado yí lalo do whlé.*   Jiwheyẹwhe E, yẹn na jihàn yọyọ de hlan we.+ Yẹn na yí hànjinu he tindo okàn ao do jihàn pipà tọn lẹ hlan we, 10  Yèdọ hlan Ewọ he nọ na awhàngbigba* ahọlu lẹ,+ Ewọ he nọ whlẹn devizọnwatọ etọn Davidi sọn ohí he jlo na hù i nù.+ 11  Whlẹn mi bo yí mi sọn alọ jonọ lẹ tọn mẹ, Yèdọ mẹhe nọ yí onù yetọn do dolalo lẹ Bo nọ ze adusilọ yetọn daga nado yí lalo do whlé. 12  Whenẹnu, visunnu mítọn lẹ na taidi atinvu he nọ yawu whẹ́n lẹ, Bọ viyọnnu mítọn lẹ na taidi dòtin họ̀gosu họ̀nmẹ tọn he yin pipà lẹ. 13  Agbànhọ mítọn lẹ na gọ́ na sinsẹ́n wunmẹ lẹpo; Kanlinpa mítọn lẹ na jideji to ogle mítọn lẹ mẹ whla fọtọ́n, yèdọ whla fọtọ́n donu ao. 14  Ohò ma na gble do oyìn mítọn he to ohò lẹ, mọ yé ma na mọ awugble depope; Awhágbe ayimajai tọn depope ma na yin sisè to tòplitẹn mítọn lẹ. 15  Ayajẹnọ wẹ akọta he nulẹ yì domọ na! Ayajẹnọ wẹ akọta lọ he Jiwheyẹwhe etọn yin Jehovah!+

Nudọnamẹ Odò Tọn

Kavi “ofi yiaga he tindo hihọ́.”
To paa mẹ, “Podọ adusilọ yetọn yin adusilọ oklọ tọn.”
Kavi “whlẹngán.”