Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 143:1-12

NUHE E BẸHẸN LẸ

  • Nugbla Jiwheyẹwhe tọn to hùhù mi

    • ‘N’nọ lẹn azọ́n towe lẹ pọ́n’ (5)

    • “Plọn mi nado nọ wà ojlo towe” (10)

    • ‘Gbigbọ towe ni deanana mi’ (10)

Ohàn Davidi tọn. 143  Jehovah E, sè odẹ̀ ṣie;+ Dotoaina ovẹ̀ ṣie na alọgọ. To nugbonọ-yinyin po dodowiwa towe po mẹ, siọ mi.   A pé-whẹ̀ hẹ devizọnwatọ towe blo, Na gbẹtọ depope ma sọgan yin dodonọ to nukọn towe.+   Na kẹntọ nọ dómọna mi;* E ko gbidi mi do aigba. E ko hẹn mi nado gbọṣi zinvlu mẹ di mẹhe ko kú sọn whenu dindẹn die lẹ.   N’jẹflumẹ pete;+ Ahun ṣie kúatli to ohò ṣie mẹ.+   Yẹn nọ flin azán hoho tọn lẹ; N’nọ lẹnayihamẹpọn do azọ́n towe lẹpo ji;+ N’nọ yí jejejininọ do lẹnnupọndo* azọ́n alọ towe lẹ tọn ji.   N’nọ kẹ̀ alọ ṣie lẹ hlan we; N’taidi* aigba-klo de bọ nugbla towe to hùhù mi.+ (Sela)   Yawu siọ mi, Jehovah E;+ Huhlọn* ṣie ko vọ̀ pete.+ A whlá nukunmẹ towe do mi blo,+ E ma yinmọ, yẹn na taidi mẹhe to tejẹ yì odò* lọ mẹ lẹ.+   Dike ma nọ sè gando owanyi nugbo towe go to afọnnu lẹ, Na yẹn dejido gowe.+ Hẹn aliho he yẹn dona gbọn zun yinyọnẹn na mi, Na dè we wẹ yẹn lẹhlan.*   Whlẹn mi sọn kẹntọ ṣie lẹ si, Jehovah E. Yẹn to hihọ́-basinamẹ towe dín.+ 10  Plọn mi nado nọ wà ojlo towe,+ Na hiẹ wẹ Jiwheyẹwhe ṣie. Gbigbọ towe yọ́n; Gbọ e ni nọ deanana mi gbọn aigba jijlọ* ji. 11  Jehovah E, hẹn mi dogbẹ̀, na oyín towe wutu. To dodowiwa towe mẹ, whlẹn mi* sọn ayimajai ṣie mẹ.+ 12  Và* kẹntọ ṣie lẹ sudo, to owanyi nugbo towe mẹ;+ Hù yé he to ogbé ṣie* yàn lẹpo sudo,+ Na devizọnwatọ towe wẹ yẹn.+

Nudọnamẹ Odò Tọn

Kavi “alindọn ṣie.”
Kavi “plọn.”
Kavi “Alindọn ṣie taidi.”
To paa mẹ, “Gbigbọ.”
Kavi “yọdò.”
Kavi “Na yẹn ze alindọn ṣie daga hlan we.”
Kavi “aigba dodowiwa tọn.”
Kavi “alindọn ṣie.”
To paa mẹ, “Bọnùdo na.”
Kavi “alindọn ṣie tọn.”