Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 140:1-13

NUHE E BẸHẸN LẸ

  • Jehovah, Whlẹngántọ huhlọnnọ

    • Mẹylankan lẹ taidi odàn (3)

    • Yè na zìn danuwatọ lẹ dai (11)

Na anademẹtọ hànjitọ lẹ tọn. Ohàn Davidi tọn. 140  Jehovah E, whlẹn mi sọn mẹylankan lẹ si; Basi hihọ́na mi sọn danuwatọ lẹ si,+   Yèdọ yé mẹhe nọ kàn ayiha ylankan to ahun yetọn mẹ+ Bo nọ to avùnda dai to azán lọ pete ji lẹ.   Yé ko gàn odẹ́ yetọn taidi odàn de tọn;+ Adí amàpoe tọn wẹ to nùflo yetọn lẹ glọ.+ (Sela)   Jehovah E, basi hihọ́na mi sọn alọ mẹylankan lẹ tọn mẹ;+ Họ́ mi sọn danuwatọ lẹ si, Yèdọ yé mẹhe nọ kàn ayiha nado zìn mi dai lẹ.   Saklanọ lẹ ko do fẹ́ṣà de dai na mi do nuglọ; Okàn wẹ yé yí do tá odọ̀ de dai do aliji na mi.+ Yé ko do omọ̀ lẹ na mi.+ (Sela)   Yẹn dọna Jehovah dọmọ: “Hiẹ wẹ Jiwheyẹwhe ṣie. Dotoaina ovẹ̀ ṣie lẹ na alọgọ, Jehovah E.”+   Jehovah Oklunọ Nupojipetọ, hiẹ Whlẹngántọ huhlọnnọ ṣie E, Hiẹ wẹ nọ basi hihọ́na ota ṣie to azán awhànfunfun tọn gbè.+   Jehovah E, a dike ojlo mẹylankan tọn lẹ mọ hẹndi blo. A dike sébibla yetọn lẹ tindo kọdetọn dagbe blo, na yé nikaa ze yede daga.+ (Sela)   Gbọ oylan he mẹhe lẹdo mi pé lẹ Yí nùflo yetọn do to didọ lẹ ni wá ota yetọn titi ji.+ 10  Dike miyọ́nkán he to jiji lẹ ni ja do yé ji.+ Na yé ni yin dindọn dlan miyọ́n mẹ, Yèdọ do odò sisosiso* lẹ mẹ,+ bọ yé ma na penugo nado fọ́n gbede. 11  A dike mẹhẹngbletọ mọ otẹn depope to aigba ji blo.+ Gbọ oylan ni dómọna danuwatọ lẹ bo zìn yé dai. 12  Yẹn yọnẹn dọ Jehovah na nọ yiavùnlọna agbátọnọ Bo na nọ mọdọ owhẹ̀ dodo yin didá na wamọnọ.+ 13  Matin ayihaawe, dodonọ na nọ pà oyín towe; Nugbonọ na nọ nọ̀ nukọn towe.+

Nudọnamẹ Odò Tọn

Kavi “do osindò.”