Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 14:1-7

NUHE E BẸHẸN LẸ

  • Zẹẹmẹ nulunọ tọn

    • “Jehovah de ma tin” (1)

    • ‘Mẹde ma to nuhe sọgbe wà’ (3)

Na anademẹtọ hànjitọ lẹ tọn. Ohàn Davidi tọn. 14  Nulunọ* dọ to ahun ede tọn mẹ dọ: “Jehovah de ma tin.”+ Walọ yetọn lẹ ko gblezọn, nuyiwa yetọn lẹ sọ yin osùnú; Mẹdepope ma to nuhe sọgbe wà.+   Ṣigba, Jehovah nọ pọ́n gbẹtọvi lẹ hlan sọn olọn mẹ Nado pọ́n eyin mẹdepope tindo zinzin, yèdọ eyin mẹdepope to Jehovah dín.+   Yemẹpo wẹ ko lẹhlan apadopo;+ Yemẹpo to pọmẹ wẹ ko gblezọn. Mẹdepope ma to nuhe sọgbe wà, E ma tlẹ yin mẹdopo tata.   Be depope to ylanwatọ lẹ mẹ ma tindo nukunnumọjẹnumẹ wẹ? Yé nọ tlẹ́n omẹ ṣie lẹ dù taidi dọ akla dù wẹ yé te nkọ. Yé ma nọ dawhá ylọ Jehovah.   Ṣigba, obu daho de na jẹ yé ji,+ Na Jehovah tin hẹ whẹndo dodonọ tọn.   Mì ylanwatọ lẹ nọ tẹnpọn nado hẹn tito agbátọnọ tọn lẹ gble, Ṣigba, Jehovah wẹ fibẹtado etọn.+   Ṣo, na whlẹngán Islaeli tọn ni wá sọn Ziọni!+ Whenue Jehovah na hẹn omẹ etọn he to kanlinmọgbenu lẹ gọwá, Gbọ Jakọbu ni jaya, podọ Islaeli ni hùnhomẹ.

Nudọnamẹ Odò Tọn

Kavi “Gugutọ.”