Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 136:1-26

NUHE E BẸHẸN LẸ

  • Owanyi nugbo Jehovah tọn na gbọṣi aimẹ

    • Yè yí azọ́nyinyọnẹn do dá olọn po aigba po (5, 6)

    • Falo kú to Ohù Vẹẹ mẹ (15)

    • Jehovah nọ flin mẹhe jẹflumẹ (23)

    • Núdùdù na nutogbẹ̀ lẹpo (25)

136  Mì nọ dopẹna Jehovah, na ewọ yọ́n;+ Owanyi nugbo etọn na gbọṣi aimẹ kakadoi.+   Mì nọ dopẹna Jiwheyẹwhe yẹwhe lẹ tọn,+ Na owanyi nugbo etọn na gbọṣi aimẹ kakadoi.   Mì nọ dopẹna Oklunọ oklunọ lẹ tọn, Na owanyi nugbo etọn na gbọṣi aimẹ kakadoi.   Ewọ dopo wẹ nọ wà nujiawu dahodaho lẹ,+ Na owanyi nugbo etọn na gbọṣi aimẹ kakadoi.+   E yí azọ́nyinyọnẹn* do dá olọn lẹ,+ Na owanyi nugbo etọn na gbọṣi aimẹ kakadoi.   E dlẹn aigba do osin nukunmẹ,+ Na owanyi nugbo etọn na gbọṣi aimẹ kakadoi.   E basi hinhọ́n dahodaho lẹ,+ Na owanyi nugbo etọn na gbọṣi aimẹ kakadoi,   Yèdọ owhè nado dugán to okle,+ Na owanyi nugbo etọn na gbọṣi aimẹ kakadoi,   Osun po sunwhlẹvu lẹ po nado dugán to zánmẹ,+ Na owanyi nugbo etọn na gbọṣi aimẹ kakadoi. 10  E hù plọnji Egipti tọn lẹ,+ Na owanyi nugbo etọn na gbọṣi aimẹ kakadoi. 11  E plan Islaeli jẹgbonu sọn ṣẹnṣẹn yetọn,+ Na owanyi nugbo etọn na gbọṣi aimẹ kakadoi, 12  Gbọn alọ huhlọnnọ+ po awà dindlẹn etọn po gblamẹ, Na owanyi nugbo etọn na gbọṣi aimẹ kakadoi. 13  E má Ohù Vẹẹ do awe,*+ Na owanyi nugbo etọn na gbọṣi aimẹ kakadoi. 14  E hẹn Islaeli nado gbọn ṣẹnṣẹn etọn wayi,+ Na owanyi nugbo etọn na gbọṣi aimẹ kakadoi. 15  E siọ Falo po awhànpa etọn po do Ohù Vẹẹ mẹ,+ Na owanyi nugbo etọn na gbọṣi aimẹ kakadoi. 16  E deanana omẹ etọn lẹ gbọn danfafa ji,+ Na owanyi nugbo etọn na gbọṣi aimẹ kakadoi. 17  E và ahọlu dahodaho lẹ,+ Na owanyi nugbo etọn na gbọṣi aimẹ kakadoi. 18  E hù ahọlu huhlọnnọ lẹ, Na owanyi nugbo etọn na gbọṣi aimẹ kakadoi, 19  Yèdọ Sihọni+ ahọlu Amolinu lẹ tọn, Na owanyi nugbo etọn na gbọṣi aimẹ kakadoi, 20  Gọna Ogi+ ahọlu Baṣani tọn, Na owanyi nugbo etọn na gbọṣi aimẹ kakadoi. 21  E yí aigba yetọn na omẹ etọn lẹ taidi ogú de,+ Na owanyi nugbo etọn na gbọṣi aimẹ kakadoi, 22  Yèdọ ogú de na Islaeli devizọnwatọ etọn, Na owanyi nugbo etọn na gbọṣi aimẹ kakadoi. 23  E flin mí to whenue mí jẹflumẹ,+ Na owanyi nugbo etọn na gbọṣi aimẹ kakadoi.+ 24  E nọ whlẹn mí gbọzangbọzan sọn kẹntọ mítọn lẹ si,+ Na owanyi nugbo etọn na gbọṣi aimẹ kakadoi. 25  E nọ na núdùdù nutogbẹ̀* lẹpo,+ Na owanyi nugbo etọn na gbọṣi aimẹ kakadoi. 26  Mì nọ dopẹna Jiwheyẹwhe olọn tọn, Na owanyi nugbo etọn na gbọṣi aimẹ kakadoi.

Nudọnamẹ Odò Tọn

Kavi “nukunnumọjẹnumẹ.”
To paa mẹ, “do flinflin.”
To paa mẹ, “agbasalan.”