Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 132:1-18

NUHE E BẸHẸN LẸ

  • Yè de Davidi po Ziọni po

    • “A gbẹ́ mẹyiamisisadode towe dai blo” (10)

    • Yẹwhenọ Ziọni tọn lẹ yí whlẹngán ṣinyọ́n (16)

Ohàn Mẹhe Hẹji Jei Tòdaho lọ mẹ lẹ Tọn. 132  Jehovah E, flin Davidi Po oyà he e ko ji lẹpo po;+   Lehe ewọ ko whlé hlan Jehovah do, Lehe e ko dopà na Omẹ Huhlọnnọ Jakọbu tọn do+ dọmọ:   “Yẹn ma na biọ gòhọ ṣie mẹ, yèdọ owhé ṣie gbè.+ Yẹn ma na mlọn adọzan ṣie ji, yèdọ akanma ṣie ji;   Yẹn ma na dike nukun ṣie lẹ ni damlọn, Kavi dike nukundama ṣie lẹ ni samlọngọ   Kaka yẹn nado dín otẹn de mọ na Jehovah, Yèdọ fininọ dagbe* de na Omẹ Huhlọnnọ Jakọbu tọn.”+   Pọ́n! Mí sè nuhe jọ to Eflata;+ Mí ko sọ mọ ẹn to zungbo lọ mẹ.+   Mì gbọ mí ni biọ fininọ* etọn;+ Mì gbọ mí ni dẹ́ do odò to tokloafọligbe etọn.+   Jehovah E, fọ́n bo wá gbọjẹtẹn towe,+ Yèdọ hiẹ po Apotin huhlọn towe tọn po.+   Na yẹwhenọ towe lẹ ni ze dodowiwa do di awù, Podọ nugbonọ towe lẹ ni nọ yí ayajẹ do dawhá. 10  Na Davidi devizọnwatọ towe tọn wutu, A gbẹ́* mẹyiamisisadode towe dai blo.+ 11  Jehovah ko whlé na Davidi; E họnwun dọ ewọ ma na diọlinlẹn gando ohó he e ko dọ lọ go dọmọ: “Dopo to kúnkan towe* lẹ mẹ Wẹ yẹn na zedo ofìn towe ji.+ 12  Eyin visunnu towe lẹ payi alẹnu ṣie go Gọna nuflinmẹ ṣie lẹ he yẹn nọ na yé,+ Visunnu yetọn lẹ lọsu Na sinai to ofìn towe ji kakadoi.”+ 13  Na Jehovah ko de Ziọni;+ Ewọ ko do ojlo hia nado yí i do basi fininọ etọn gbọn didọ dali dọmọ:+ 14  “Ehe wẹ gbọjẹtẹn ṣie kakadoi; Fi wẹ yẹn na nọ nọ̀,+ na ojlo ṣie niyẹn. 15  Yẹn na yí núdùdù susugege do dona ẹn; Yẹn na nọ yí akla do hẹn wamọnọ etọn lẹ gọ́ho.+ 16  Yẹn na yí whlẹngán ṣinyọ́n na yẹwhenọ etọn lẹ di avọ̀,+ Nugbonọ etọn lẹ nasọ nọ yí ayajẹ do dawhá.+ 17  Yẹn na hẹn huhlọn* Davidi tọn jideji to finẹ. Yẹn ko wleawu miyọ́ngbán de tọn na mẹyiamisisadode ṣie.+ 18  Yẹn na yí winyan ṣinyọ́n na kẹntọ etọn lẹ di avọ̀,+ Ṣigba, jẹgbakun he to ota na ewọ na nọ sẹ́.”

Nudọnamẹ Odò Tọn

Kavi “gòhọtúntún gigonọ.”
Kavi “gòhọtúntún gigonọ.”
To paa mẹ, “lilẹ́ nukunmẹ.”
To paa mẹ, “sinsẹ́n adọ̀ towe mẹ tọn.”
To paa mẹ, “azò.”