Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 122:1-9

NUHE E BẸHẸN LẸ

  • Odẹ̀ nado biọ jijọho na Jelusalẹm

    • Ayajẹ ohọ̀ Jehovah tọn mẹ yìyì tọn (1)

    • Tòdaho he tin to kọndopọ mẹ (3)

Ohàn Mẹhe Hẹji Jei Tòdaho lọ mẹ lẹ Tọn. Ohàn Davidi tọn. 122  Yẹn nọ jaya to whenue yé dọna mi dọ: “Wá mí ni yì ohọ̀ Jehovah tọn mẹ.”+   Podọ todin, míwlẹ ko to ote To họngbo towe lẹ mẹ, Jelusalẹm E.+   Jelusalẹm yin gbigbá di tòdaho de He lodo bosọ tin to kọndopọ mẹ.+   Hẹnnu lẹ ko hẹji biọ e mẹ, Yèdọ hẹnnu Jah* tọn lẹ, Sọgbe hẹ nuflinmẹ he yin nina Islaeli, Nado nọ pà oyín Jehovah tọn.+   Na ofìn lẹ yin didoai do finẹ na whẹdida,+ Yèdọ ofìn owhé Davidi tọn lẹ.+   Mì biọ jijọho na Jelusalẹm.+ Mẹhe yiwanna we lẹ na nọ nọ̀ hihọ́ mẹ, hiẹ tòdaho E.   Na jijọho ni tin to adó gángán towe lẹ mẹ zọnmii, Podọ hihọ́ to atọ̀họ̀ gángán towe lẹ mẹ.   Na mẹmẹsunnu ṣie lẹ po hagbẹ ṣie lẹ po tọn wutu, yẹn na nọ biọ dọ: “Jijọho ni tin hẹ we.”   Na ohọ̀ Jehovah Jiwheyẹwhe mítọn tọn wutu,+ Yẹn na nọ biọ nudagbe lẹ na we.

Nudọnamẹ Odò Tọn

“Jah” yin sándogli yinkọ lọ Jehovah tọn.