Yì hosọ lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

De ogbè dopo Gungbe

Salmu 121:1-8

NUHE E BẸHẸN LẸ

  • Jehovah nọ họ́ omẹ etọn lẹ

    • ‘Jehovah dè wẹ alọgọ ṣie sọn’ (2)

    • Jehovah ma nọ damlọn gbede (3, 4)

Ohàn Mẹhe Hẹji Jei Tòdaho lọ mẹ lẹ Tọn. 121  Yẹn nọ ze nukun ṣie lẹ daga hlan osó lẹ ji.+ Fie wẹ alọgọ ṣie na wá sọn?   Jehovah dè wẹ alọgọ ṣie nọ wá sọn,+Yèdọ Didatọ olọn po aigba po tọn.   Ewọ ma na dike afọ towe ni dídí* gbede.+ Ewọ he to hihọ́-basina we ma na samlọngọ gbede.   Pọ́n! Ewọ ma na samlọngọ kavi yì damlọn gbede,Yèdọ Mẹlọ he to hihọ́-basina Islaeli.+   Jehovah wẹ to hihọ́-basina we. Jehovah wẹ oyẹ̀ hihọ́-basinamẹ tọn+ he to adusilọ towe mẹ.+   Owhè ma na vẹ́ do ji we to okle,+Kavi osun to zánmẹ.+   Jehovah na nọ basi hihọ́na we sọn owù lẹpo mẹ.+ Ewọ na nọ basi hihọ́na ogbẹ̀* towe.+   Jehovah na nọ basi hihọ́na we to nuhe wà a te lẹpo mẹ*Sọn din kakadoi podọ doidoi.

Nudọnamẹ Odò Tọn

Kavi “dahli.”
Kavi “alindọn.”
To paa mẹ, “to tintọ́n yì po kọlilẹwa towe po mẹ.”