Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 12:1-8

NUHE E BẸHẸN LẸ

  • Jehovah fọ́n nado yinuwa

    • Hodidọ Jiwheyẹwhe tọn lẹ wé-ṣeke (6)

Na anademẹtọ hànjitọ lẹ tọn; sọgbe hẹ nuhiho Ṣeminiti tọn.* Ohàn Davidi tọn. 12  Whlẹn mi, Jehovah E, na nugbonọ de ma pò ba; Omẹ nugbonọ lẹ ko vọ̀ sọn gbẹtọ lẹ ṣẹnṣẹn.   Yé nọ to lalodo na ode awetọ; Yé sọ nọ yí nùflo yetọn do to pipà oklọ tọn namẹ bo nọ yí ahun mẹkiklọ tọn do dọho. +   Jehovah na sán nùflo he nọ namẹ pipà oklọ tọn lẹpo sẹ̀ Gọna odẹ́ he nọ yigo onú dahodaho lẹ tọn,+   Yèdọ mẹhe nọ dọ dọ: “Mí na yí odẹ́ mítọn do gbawhàn. Mí nọ yí nùflo mítọn zan dile e jlo mí do; Mẹnu wẹ na dugán do mí ji?”+   “Na yè to kọgbidina mẹhe to yaji lẹ wutu, Podọ na azọ̀nwinwẹn wamọnọ lẹ tọn wutu,+ Yẹn na fọ́n bo yinuwa,” wẹ Jehovah dọ. “Yẹn na whlẹn yé sọn alọ mẹhe to nuyiwa hẹ yé po vlẹko po* lẹ tọn mẹ.”   Hodidọ Jehovah tọn lẹ wé-ṣeke;+ Yé tin taidi fataka he yè kọ̀n to zòhọ de mẹ, bo yin kiklọ́we whla ṣinawe.   Hiẹ na họ́ yé, Jehovah E;+ Hiẹ na basi hihọ́na dopodopo yetọn sọn alọ whẹndo ehe tọn mẹ kakadoi.   Mẹylankan lẹ to zọnlinzin pé to fẹẹ mẹ, Na gbẹtọvi lẹ to walọ gblezọn zedaga wutu.+

Nudọnamẹ Odò Tọn

Pọ́n Zẹm.
Kavi “to afude do yé.”