Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 118:1-29

NUHE E BẸHẸN LẸ

  • Pẹdido, na awhàngbigba Jehovah tọn

    • ‘N’dawhá ylọ Jah bọ e siọ mi’ (5)

    • “Jehovah tin to adà ṣie mẹ” (6, 7)

    • Zannu he yè gbẹ́ dai na lẹzun gángánsu (22)

    • ‘Mẹhe ja to oyín Jehovah tọn mẹ’ (26)

118  Mì nọ dopẹna Jehovah, na ewọ yọ́n;+ Owanyi nugbo etọn na gbọṣi aimẹ kakadoi.   Mì gbọ Islaeli ni dọ todin dọ: “Owanyi nugbo etọn na gbọṣi aimẹ kakadoi.”   Mì gbọ mẹhe tin to whédo Aalọn tọn mẹ lẹ ni dọ todin dọ: “Owanyi nugbo etọn na gbọṣi aimẹ kakadoi.”   Mì gbọ mẹdepope he nọ dibusi Jehovah ni dọ todin dọ: “Owanyi nugbo etọn na gbọṣi aimẹ kakadoi.”   Yẹn dawhá ylọ Jah* to ayimajai ṣie mẹ; Jah siọ mi bo plan mi yì hihọ́tẹn* de.+   Jehovah tin to adà ṣie mẹ; yẹn ma na dibu.+ Etẹwẹ gbẹtọ sọgan wà na mi?+   Jehovah tin to adà ṣie mẹ taidi alọgọtọ ṣie;*+ Yẹn na nọ jẹaglin do mẹhe gbẹwanna mi lẹ ji.+   E pọnte nado dín fibẹtado to Jehovah mẹ Hú nado dejido gbẹtọvi lẹ go.+   E pọnte nado dín fibẹtado to Jehovah mẹ Hú nado dejido ahọvi lẹ go.+ 10  Akọta lẹpo wẹ lẹdo mi pé, Ṣigba, to oyín Jehovah tọn mẹ, N’yàn yé dogbé.+ 11  Yé lẹdo mi pé, mọwẹ, yé lẹdo mi pete, Ṣigba, to oyín Jehovah tọn mẹ, N’yàn yé dogbé. 12  Yé lẹdo mi pé di owín, Ṣigba, yé yin didesẹ plaun dile miyọ́n he to jiji to wùnkan ṣẹnṣẹn nọ yawu ṣí do. To oyín Jehovah tọn mẹ, N’yàn yé dogbé.+ 13  Yé* sisẹ́ mi po huhlọn po, na yẹn nido jai, Ṣigba, Jehovah gọalọna mi. 14  Jah wẹ hihọ́tẹn po huhlọn ṣie po, Ewọ ko sọ lẹzun whlẹngán ṣie.+ 15  Awhágbe ayajẹ po whlẹngán* po tọn Nọ tin to gòhọ dodonọ tọn lẹ mẹ. Adusilọ Jehovah tọn wẹ to huhlọn etọn dohia.+ 16  Adusilọ Jehovah tọn to ede zedaga; Adusilọ Jehovah tọn wẹ to huhlọn etọn dohia.+ 17  Yẹn ma na kú, lala, yẹn na nọgbẹ̀, Nado nọ lá azọ́n Jah tọn lẹ.+ 18  Jah domẹplọnlọ go e sinsinyẹn,+ Ṣigba, ewọ ma jo mi na okú.+ 19  Mì hùn họngbo dodowiwa tọn lẹ na mi;+ Yẹn nasọ biọ yé mẹ bo pà Jah. 20  Họngbo Jehovah tọn wẹ. Dodonọ wẹ na nọ biọ e mẹ.+ 21  Yẹn na nọ pà we, na hiẹ siọ mi+ Bosọ lẹzun whlẹngán ṣie. 22  Zannu he họ̀dotọ lẹ gbẹdai Ko lẹzun zannu gángánsu họ̀gosu tọn.+ 23  Jehovah dè wẹ ehe wá sọn;+ Podọ e jiawu to nukun mítọn lẹ mẹ.+ 24  Azán he Jehovah ko de lọ die; Míwlẹ na jaya bosọ hùnhomẹ to azán enẹ gbè. 25  Jehovah E, jaale bo whlẹn mí, mí vẹ̀ we! Jehovah E, jaale bo na mí awhàngbigba! 26  Donanọ wẹ mẹlọ he ja to oyín Jehovah tọn mẹ;+ Míwlẹ nọ pagigona we sọn owhé Jehovah tọn gbè. 27  Jehovah wẹ Jiwheyẹwhe mítọn; Ewọ wẹ nọ na mí hinhọ́n.+ Mì hẹn atinlà lẹ to alọmẹ bo kọnawudopọ hẹ mẹhe to zọnlinzin jei hùnwhẹ lọ tẹnmẹ lẹ,+ Kaka yì azò agbà lọ tọn lẹ kọ̀n.+ 28  Hiẹ wẹ Jiwheyẹwhe ṣie, yẹn nasọ nọ pà we; Jiwheyẹwhe ṣie E, yẹn na nọ ze we daga.+ 29  Mì nọ dopẹna Jehovah,+ na ewọ yọ́n; Owanyi nugbo etọn na gbọṣi aimẹ kakadoi.+

Nudọnamẹ Odò Tọn

“Jah” yin sándogli yinkọ lọ Jehovah tọn.
Kavi “fihe gblo.”
Kavi vlavo, “tin topọ hẹ mẹhe to alọgọna mi lẹ.”
Kavi vlavo, “Hiẹ.”
Kavi “awhàngbigba.”