Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 116:1-19

NUHE E BẸHẸN LẸ

  • Ohàn pẹdido tọn

    • ‘Etẹ n’nado suahọ Jehovah?’ (12)

    • “Yẹn na ze kọfo whlẹngán tọn lọ daga” (13)

    • “Yẹn na nọ de opà ṣie lẹ hlan Jehovah” (14, 18)

    • Okú nugbonọ lẹ tọn họakuẹ (15)

116  Yẹn yiwanna Jehovah, Na ewọ nọ sè ogbè ṣie, yèdọ ovẹ̀ ṣie lẹ na alọgọ.+   Na ewọ nọ lẹ́ otó etọn* hlan mi,+ Yẹn nasọ nọ dawhá ylọ ẹ dile e na dẹnsọ bọ yẹn na togbẹ̀.*   Okàn okú tọn lẹ ko lẹdo mi; Yọdò ko duto ji e.*+ N’ko tlọ biọ ayimajai po awubla po mẹ.+   Ṣigba, yẹn dawhá ylọ oyín Jehovah tọn+ dọmọ: “Jehovah E, whlẹn mi!”*   Jehovah yin awuvẹmẹtọ* podọ dodonọ;+ Lẹblanunọ wẹ Jiwheyẹwhe mítọn.+   Jehovah to hihọ́-basina wunvinọ.+ N’ko yin hinhẹnwa odò, amọ́ ewọ whlẹn mi.   Gbọ alindọn* ṣie ni vò whladopo dogọ, Na Jehovah ko yinuwa hẹ mi po homẹdagbe po.   Hiẹ ko whlẹn mi* sọn okú si, Nukun ṣie sọn avi si, podọ afọ ṣie lẹ ma nado dahli.+   Yẹn na nọ zinzọnlin to Jehovah nukọn to whenue n’gbẹ́ togbẹ̀. 10  N’tindo yise, enẹwutu wẹ n’do dọho;+ Dile etlẹ yindọ n’to yaji sinsinyẹn. 11  Na yẹn tọn, ayiha ṣie gbàdo bọ n’dọmọ: “Gbẹtọ lẹpo wẹ yin lalonọ.”+ 12  Etẹ yẹn na yí do suahọ Jehovah Na dagbe he e ko wà na mi lẹpo? 13  Yẹn na ze kọfo whlẹngán* tọn lọ daga, Bo nasọ dawhá ylọ oyín Jehovah tọn. 14  Yẹn na nọ de opà ṣie lẹ hlan Jehovah To omẹ etọn lẹpo nukọn.+ 15  Okú nugbonọ etọn lẹ tọn Họakuẹ to nukun Jehovah tọn mẹ.+ 16  Yẹn vẹ̀ we, Jehovah E, Na devizọnwatọ towe wẹ yẹn. Devizọnwatọ towe, yèdọ visunnu afanumẹ yọnnu towe tọn wẹ yẹn. Hiẹ ko tún mi dote sọn gẹdẹ ṣie lẹ mẹ.+ 17  Yẹn na nọ basi avọ́sinsan pẹdido tọn hlan we;+ Yẹn na nọ dawhá ylọ oyín Jehovah tọn. 18  Yẹn na nọ de opà ṣie lẹ hlan Jehovah+ To omẹ etọn lẹpo nukọn,+ 19  Yèdọ to awánu ohọ̀ Jehovah tọn mẹ,+ To ṣẹnṣẹn towe, hiẹ Jelusalẹm E. Mì pà Jah!*+

Nudọnamẹ Odò Tọn

Kavi “dẹ́ hlan odò bo dotoai.”
To paa mẹ, “to azán ṣie lẹ mẹ.”
To paa mẹ, “Ayimajai Ṣeol tọn lẹ ko dín mi mọ.”
Kavi “alindọn ṣie.”
Kavi “mẹhe gọ́ na ojọmiọn.”
Pọ́n Zẹm.
Kavi “alindọn ṣie.”
Kavi “whlẹngán daho.”
Kavi “Halelujah!” “Jah” yin sándogli yinkọ lọ Jehovah tọn.