Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 115:1-18

NUHE E BẸHẸN LẸ

  • Jiwheyẹwhe kẹdẹ wẹ jẹna gigo

    • Boṣiọ lẹ ma tindo gbọfufu (4-8)

    • Aigba ko yin nina gbẹtọvi (16)

    • “Oṣiọ lẹ ma nọ pà Jah” (17)

115  Míwlẹ ma jẹna gigo, Jehovah E, míwlẹ ma jẹna,* Ṣigba, oyín towe wẹ jẹna gigo+ Na owanyi nugbo po nugbonọ-yinyin towe po wutu.+   Naegbọn akọta lẹ nado dọ dọ: “Fie wẹ Jiwheyẹwhe yetọn te?”+   Jiwheyẹwhe mítọn tin to olọn mẹ; E nọ wà nudepope he yọ́n to nukun etọn mẹ.   Fataka po sika po wẹ yè yí do basi boṣiọ yetọn lẹ, Yèdọ alọnuzọ́n gbẹtọvi tọn.+   Yé tindo onù, ṣigba yé ma gán dọho;+ Yé tindo nukun, ṣogan yé ma gán mọnú;   Yé tindo otó, ṣigba yé ma gán sènu; Yé tindo awọntin, ṣogan yé ma gán sewán;   Yé tindo alọ, ṣigba yé ma gán hẹnnu; Yé tindo afọ, ṣogan yé ma gán zinzọnlin;+ Yé ma nọ dọ nudepope sọn vẹ́go yetọn mẹ.+   Mẹhe nọ basi yé lẹ na wá lẹzun yelọsu nkọ,+ Kẹdẹdi mẹhe nọ dejido yé go lẹpo.+   Islaeli E, mì dejido Jehovah go+ —Ewọ wẹ alọgọ po awọ̀yinu mìtọn po.+ 10  Whédo Aalọn tọn E,+ mì dejido Jehovah go —Ewọ wẹ alọgọ po awọ̀yinu mìtọn po. 11  Mì mẹhe nọ dibusi Jehovah lẹ emi, mì dejido Jehovah go+ —Ewọ wẹ alọgọ po awọ̀yinu mìtọn po.+ 12  Jehovah nọ flin mí bo nasọ dona mí; Ewọ na dona whédo Islaeli tọn;+ E na dona whédo Aalọn tọn. 13  E na dona mẹhe nọ dibusi Jehovah lẹ, Yèdọ pẹvi po daho po. 14  Jehovah na hẹn mì jideji, Yèdọ mìwlẹ po ovi* mìtọn lẹ po.+ 15  Na mìwlẹ ni yin didona gbọn Jehovah dali,+ Yèdọ Didatọ olọn po aigba po tọn.+ 16  Na nuhe dù olọn, Jehovah tọn wẹ,+ Ṣigba, aigba wẹ ewọ ko yí na gbẹtọvi lẹ.+ 17  Oṣiọ lẹ ma nọ pà Jah;+ Mọdopolọ, mẹdepope he jẹte yì nọtẹn abọẹninọ tọn mẹ to yọdò mẹ* ma nọ wàmọ.+ 18  Ṣigba, míwlẹ na nọ pà Jah Sọn din kakadoi podọ doidoi. Mì pà Jah!*

Nudọnamẹ Odò Tọn

Kavi “Nude ma yin mítọn, Jehovah E, nude ma yin mítọn.”
To paa mẹ, “visunnu.”
To paa mẹ, “yì abọẹninọ mẹ.”
Kavi “Halelujah!” “Jah” yin sándogli yinkọ lọ Jehovah tọn.