Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 114:1-8

NUHE E BẸHẸN LẸ

  • Tundote Islaeli tọn sọn Egipti

    • Ohù họnyi (5)

    • Osó lẹ lọ́n pé di agbò (6)

    • Osé diọ zun asisa osin tọn (8)

114  Whenue Islaeli tọ́njẹgbonu sọn Egipti,+ Bọ owhé Jakọbu tọn tọ́n sọn akọta de he nọ do jonọgbè ṣẹnṣẹn,   Juda lẹzun fiwiwe etọn, Islaeli sọ lẹzun fidugando etọn.+   Ohù mọ ehe bo họ̀n;+ Jọdani sọ joagọyigodo.+   Osó lẹ lọ́n pé di agbò lẹ,+ Podọ okọ́ta lẹ di lẹngbọvu lẹ.   Ohù E, etẹwẹ hẹn we nado họ̀n?+ Jọdani E, naegbọn hiẹ do joagọyigodo?+   Naegbọn mì do lọ́n pé di agbò lẹ, mì osó lẹ emi, Podọ di lẹngbọvu lẹ, mì okọ́ta lẹ emi?   Aigba E, hiẹ ni sisọ na Oklunọ wutu, Yèdọ na Jiwheyẹwhe Jakọbu tọn wutu,+   Mẹhe nọ diọ osé zun osindò he gọ́ na ofán lẹ, Yèdọ osé gángán zun asisa osin tọn lẹ.+

Nudọnamẹ Odò Tọn