Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 113:1-9

NUHE E BẸHẸN LẸ

  • Jiwheyẹwhe nọ ze agbátọnọ ṣite

    • Oyín Jehovah tọn na yin pipà kakadoi (2)

    • Jiwheyẹwhe nọ fẹ̀ yìdo (6)

113  Mì pà Jah!* Mì na ẹn pipà, mì devizọnwatọ Jehovah tọn lẹ emi, Mì pà oyín Jehovah tọn.   Na oyín Jehovah tọn ni yin pipà Sọn din kakadoi podọ doidoi.+   Sọn whèzẹtẹn-waji kaka yì whèyihọ-waji, Mì gbọ oyín Jehovah tọn ni yin pipà.+   Jehovah yiaga taun hú akọta lẹpo;+ Gigo etọn yiaga hú olọn.+   Mẹnu wẹ taidi Jehovah Jiwheyẹwhe mítọn,+ Mẹhe nọ nọ̀* aga?   E nọ fẹ̀ yìdo nado pọ́n olọn po aigba po,+   Bo nọ ze agbátọnọ ṣite sọn kọ́gudu mẹ. E nọ fọ́n wamọnọ ṣite sọn afín mẹ*+   Nado hẹn ẹn sinai hẹ omẹ nukundeji lẹ, Yèdọ hẹ omẹ nukundeji omẹ etọn lẹ tọn.   E nọ hẹn yọnnu wẹnsinọ tindo ovi* lẹ to whégbè Taidi onọ̀ ayajẹnọ de.+ Mì pà Jah!*

Nudọnamẹ Odò Tọn

Kavi “Halelujah!” “Jah” yin sándogli yinkọ lọ Jehovah tọn.
Kavi “sinai to ofìn ji.”
Kavi vlavo, “ogbóji.”
To paa mẹ, “visunnu.”
Kavi “Halelujah!” “Jah” yin sándogli yinkọ lọ Jehovah tọn.