Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 11:1-7

NUHE E BẸHẸN LẸ

  • Fibẹtado dindin to Jehovah mẹ

    • “Jehovah tin to tẹmpli wiwe etọn mẹ” (4)

    • Jiwheyẹwhe gbẹwanna mẹhe yiwanna danuwiwa (5)

Na anademẹtọ hànjitọ lẹ tọn. Ohàn Davidi tọn. 11  Yẹn ko dín fibẹtado to Jehovah mẹ.+ Enẹwutu, nawẹ mì na dọna mi* do dọmọ: “Họ̀n taidi ohẹ̀ de yì osó towe ji!   Pọ́n lehe mẹylankan lẹ ko dlẹn ogá do; Yé ko ze ogába do ogákàn ji, Nado de e do ahunjijlọnọ lẹ sọn zinvlu mẹ.   To whenue dodonu* lẹ ko yin hihọliai, Etẹwẹ dodonọ sọgan wà?”   Jehovah tin to tẹmpli wiwe etọn mẹ.+ Olọn mẹ wẹ ofìn Jehovah tọn te.+ Nukun etọn to numọ, e nọ ze nukun etọn dai nado dindona gbẹtọvi lẹ.+   Jehovah nọ dindona dodonọ po mẹylankan po;+ Ewọ* gbẹwanna mẹdepope he yiwanna danuwiwa.+   Ewọ na ja jikun omọ̀* lẹ tọn do mẹylankan lẹ ji; Miyọ́n po whèmi po,+ gọna jẹhọn sinsinyẹn wẹ na yin jlẹka yetọn.   Na dodonọ wẹ Jehovah;+ ewọ yiwanna walọ dodowiwa tọn.+ Nugbonọ lẹ wẹ na mọ nukunmẹ* etọn.+

Nudọnamẹ Odò Tọn

Kavi “alindọn ṣie.”
Kavi “dodonu whẹdida dodo tọn.”
Kavi “Alindọn Etọn; Ewọ lọsu pete.”
Kavi “akán miyọ́nawu.”
Kavi “nukundagbe.”