Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 104:1-35

NUHE E BẸHẸN LẸ

  • Pà Jiwheyẹwhe, na nudida etọn lẹ

    • Aigba na gbọṣi aimẹ (5)

    • Ovẹn po núdùdù po na gbẹtọ (15)

    • “Lehe azọ́n towe lẹ sù do sọ!” (24)

    • ‘Eyin yè yí gbigbọ, yé nọ kú’ (29)

104  Gbọ yẹn* ni nọ pà Jehovah.+ Jehovah Jiwheyẹwhe ṣie E, a klo taun.+ A yí gigo* po whanpẹ daho po ṣinyọ́n di avọ̀.+   Hiẹ yí hinhọ́n ṣinyọ́n na dewe+ di awù; Hiẹ sọ tẹ́ olọn di avọ̀ gòhọ tọn.+   Ewọ gbá abò aga tọn etọn lẹ do aslọ lẹ ji aga,*+ Bo hẹn aslọ lẹ zun osọ́-kẹkẹ etọn,+ Bosọ nọ sẹtẹn gbọn awà jẹhọn tọn lẹ gblamẹ.+   E yí angẹli etọn lẹ do basi nudida gbigbọnọ lẹ, Podọ lizọnyizọnwatọ etọn lẹ do basi miyọ́n nuvasudotọ de.+   Ewọ ko do aigba ai do dodonu etọn lẹ ji;+ E ma na yin tẹnsẹna* pọ́n gbede.+   Hiẹ yí osin he siso lẹ ṣinyọ́n na ẹn di awù.+ Osin lẹ sọ gọ́ wá osó lẹ ji aga.   To whenue hiẹ degbedo yé, yé họ̀n;+ To whenue yé sè nudidọ hẹviosò towe tọn, budi yé bọ yé họ̀n   —Osó lẹ yiji+ bọ agbàdo lẹ wá odò— To fie hiẹ ko do yé ai do.   Hiẹ de dogbó he go yé ma dona zẹ̀ de na yé,+ Na yé ni masọ wá ṣinyọ́n aigba ji gbede ba blo. 10  Ewọ nọ do asisa lẹ hlan agbàdo* lẹ mẹ; Yé sọ nọ sà gbọn osó lẹ ṣẹnṣẹn. 11  Yé nọ na osin gbekanlin danji tọn lẹpo; Kẹtẹkẹtẹ gbémẹ tọn lẹ sọ nọ nù gọ́ho. 12  Ohẹ̀ agahomẹ tọn lẹ nọ do adọ́ do aga na yé; Yé nọ jihàn to alà atin he vùn lẹ tọn gblamẹ. 13  Ewọ nọ húsinna osó lẹ sọn abò aga tọn etọn lẹ mẹ.+ Sinsẹ́n alọnuzọ́n towe lẹ tọn nọ hẹn pekọ wá na aigba.+ 14  Ewọ nọ hẹn ogbé wú na oyìn lẹ Podọ omá lẹ na gbẹtọ,+ Na aigba nido de núdùdù tọ́njẹgbonu 15  Gọna ovẹn he nọ hẹn gbẹtọ jaya,+ Amì he nọ hẹn nukunmẹ sẹ́, Podọ núdùdù he nọ hẹnmẹ dogbẹ̀.+ 16  Atin Jehovah tọn lẹ nọ mọ osin he pé yé, Yèdọ kedali Lẹbanọni tọn he ewọ ko do lẹ, 17  Fie ohẹ̀ lẹ nọ do adọ́ do. Adọwé+ nọ do adọ́ do atin junipeli tọn lẹ ji. 18  Osó he yiaga lẹ wẹ tin na gbọgbọẹ osó ji tọn lẹ;+ Osé lẹ wẹ fibẹtado agidipanun lẹ+ tọn. 19  Ewọ ko basi osun nado de ojlẹ lẹ dovo; Owhè sọ yọ́n ojlẹ he mẹ e dona nọ yihọ te ganji.+ 20  Hiẹ nọ hẹn zinvlu wá bọ ozán nọ kú,+ To whenue gbekanlin zungbo mẹ tọn lẹpo nọ to dindanpe. 21  Kinnikinni winyanwinyan lẹ nọ lì nado yangbé nude tọn+ Bo nọ lẹhlan Jiwheyẹwhe nado mọ núdù.+ 22  To whenue owhè zẹ̀, Yé nọ lẹkọ bo nọ yì mlọnai do odò yetọn lẹ mẹ. 23  Gbẹtọ nọ yì azọ́n etọn kọ̀n, Bo nọ jẹtukla kakajẹ whèjai. 24  Lehe azọ́n towe lẹ sù do sọ, Jehovah E!+ Nuyọnẹn mẹ wẹ hiẹ basi yemẹpo te.+ Aigba gọ́ na nuhe hiẹ ko dá lẹ. 25  Pọ́n ohù, e siso bosọ gblo taun, Bọ nutogbẹ̀ madosọha lẹ wẹ gọ́ e mẹ, yèdọ pẹvi po daho po.+ 26  Tọjihun lẹ nọ basi gbejizọnlin gbọn e ji, Leviatani*+ he hiẹ dá lọsu nọ daihun to e mẹ. 27  Yemẹpo wẹ nọ nọtepọn we Na hiẹ nido na yé núdùdù to osaa sisọ mẹ.+ 28  Nuhe hiẹ na yé wẹ yé nọ bẹpli.+ To whenue hiẹ hùn alọ towe, nudagbe lẹ nọ hẹn pekọ wá na yé.+ 29  Eyin hiẹ whlá nukunmẹ towe, yé nọ biọ bẹwlu mẹ. Eyin hiẹ yí gbigbọ yetọn, yé nọ kú bo nọ gọ̀ do kọ́gudu mẹ.+ 30  Eyin hiẹ do gbigbọ towe hlan, yé nọ yin didá,+ Hiẹ sọ nọ hẹn aigba nukunmẹ jẹ yọyọ. 31  Gigo Jehovah tọn na gbọṣi aimẹ kakadoi. Jehovah na nọ jaya to azọ́n etọn lẹ mẹ.+ 32  Ewọ nọ pọ́n aigba hlan bọ e nọ sisọ; E nọ doalọ osó lẹ go bọ yé nọ tì azọ̀.+ 33  Yẹn na nọ jihàn hlan Jehovah+ to gbẹzan ṣie lẹpo mẹ; Yẹn na nọ jihàn pipà tọn lẹ hlan Jiwheyẹwhe ṣie dile e na dẹnsọ bọ yẹn na togbẹ̀.+ 34  Gbọ linlẹn ṣie lẹ ni nọ hẹn homẹ etọn hùn.* Yẹn na nọ jaya to Jehovah mẹ. 35  Ylandonọ lẹ na busẹ sọn aigba ji, Mẹylankan lẹ ma nasọ tin ba.+ Gbọ yẹn* ni nọ pà Jehovah. Mì pà Jah!*

Nudọnamẹ Odò Tọn

Kavi “alindọn ṣie.”
Kavi “yẹyi.”
To paa mẹ, “do osin lẹ mẹ.”
Kavi “ma na dahli.”
Kavi “agbàdo tọ̀sisa tọn.” Pọ́n Zẹm.
Pọ́n Zẹm.
Kavi vlavo, “Gbọ ayihamẹlinlẹnpọn ṣie gando ewọ go ni yin awuvivinu.”
Kavi “alindọn ṣie.”
Kavi “Halelujah!” “Jah” yin sándogli yinkọ lọ Jehovah tọn.