Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 101:1-8

NUHE E BẸHẸN LẸ

  • Ogán he nọ yinuwa po nugbonọ-yinyin po

    • ‘Yẹn ma na kẹalọyi saklanọ’ (5)

    • ‘Yẹn na nọ dín nugbonọ lẹ’ (6)

Ohàn Davidi tọn. 101  Yẹn na nọ jihàn gando owanyi nugbo po whẹdida dodo po go. Jehovah E, yẹn na nọ jihàn pipà tọn lẹ hlan we.   Yẹn na nọ yinuwa po zinzin po, podọ matin oblọ.* Whetẹnu wẹ hiẹ na wá dè e? Yẹn na nọ yí ahun he madoblọ do zinzọnlin+ to ohọ̀ ṣie mẹ.   Yẹn ma na nọ ze nukun ṣie do onú ovọ́* depope ji. Yẹn gbẹwanna nuyiwa mẹhe nọ lẹhlan apadopo sọn nuhe sọgbe kọ̀n lẹ tọn;+ Yẹn ma na nọ wà nudepope dopọ hẹ yé.*   Ayiha gbíngbánnọ lẹ dẹn do mi; Yẹn ma na joawuna* oylan.   Yẹn na bọnùdo na* Mẹdepope he nọ hẹn kọmẹnu etọn gble to nuglọ.+ Yẹn ma na kẹalọyi Mẹdepope he yin saklanọ to nukunta bo tindo ahun goyiyi tọn.   Yẹn na nọ dín nugbonọ he to aigba ji lẹ, Na yé nido nọ nọ̀ dè e. Mẹhe to zọnlinzin to aliho he ma tindo oblọ mẹ* wẹ na nọ yilizọn na mi.   Mẹklọtọ depope ma na nọ nọ̀ ohọ̀ ṣie mẹ, Podọ lalonọ de ma na nọ nọte to nukọn ṣie.   Yẹn na nọ bọnùdo na mẹylankan aigba ji tọn lẹpo* to afọnnu afọnnu, Nado sán ylanwatọ lẹpo sẹ̀ sọn tòdaho Jehovah tọn mẹ.+

Nudọnamẹ Odò Tọn

Kavi “to tenọgli mẹ.”
Kavi “numadinu.”
Kavi “Azọ́n yetọn lẹ ma nọ tẹdo go e.”
To paa mẹ, “yọ́n.”
Kavi “na hẹn vasudo wá na.”
Kavi “to tenọgli mẹ.”
Kavi “nọ và mẹylankan aigba ji tọn lẹpo sudo.”