Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 100:1-5

NUHE E BẸHẸN LẸ

  • Pẹdido na Mẹdatọ lọ

    • “Mì yí ayajẹ do sẹ̀n Jehovah” (2)

    • ‘Jiwheyẹwhe wẹ dá mí’ (3)

Ohàn pẹdido tọn. 100  Mì dawhá awhàngbigba tọn hlan Jehovah, mì aigba lẹpo emi.+   Mì yí ayajẹ do sẹ̀n Jehovah.+ Mì wá nukọn etọn po awhágbe ayajẹ tọn po.   Mì ni yọnẹn dọ Jehovah wẹ Jiwheyẹwhe.+ Ewọ wẹ dá mí, podọ etọn wẹ míwlẹ.*+ Omẹ etọn lẹ wẹ mí, yèdọ lẹngbọ kanlindugbo etọn tọn lẹ.+   Mì biọ họngbo etọn lẹ mẹ po pẹdido po,+ Podọ awánu etọn lẹ mẹ po pipà po.+ Mì nọ dopẹna ẹn; mì pà oyín etọn.+   Na Jehovah yọ́n;+ Owanyi nugbo etọn na gbọṣi aimẹ kakadoi, Podọ nugbonọ-yinyin etọn sọn whẹndo de mẹ jẹ devo mẹ.+

Nudọnamẹ Odò Tọn

Kavi vlavo, “bọ e ma yin mílọsu lẹ.”