Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 10:1-18

NUHE E BẸHẸN LẸ

  • Jehovah, alọgọtọ agbátọnọ lẹ tọn

    • Mẹylankan yigo dọ: “Jiwheyẹwhe de ma tin” (4)

    • Agbátọnọ lẹ nọ lẹhlan Jehovah (14)

    • “Jehovah wẹ Ahọlu kakadoi” (16)

ל [Lamẹdi] 10  Jehovah E, naegbọn hiẹ do ṣite to olá? Naegbọn hiẹ nọ ze dewe whlá to ojlẹ ayimajai tọn lẹ mẹ?+   Mẹylankan nọ gbọn goyiyi dali dómọna agbátọnọ,+ Ṣigba, ayiha gigẹdẹ he ewọ lọsu kàn lẹ mẹ wẹ e na yin wiwle te.+   Na mẹylankan nọ doawagun gando ojlo ṣejannabi tọn etọn* lẹ go+ Bo nọ dona nukunkẹnnọ;*נ [Nuni] E ma nọ na sisi Jehovah.   To goyiyi etọn mẹ, mẹylankan ma nọ dindona nudepope; Linlẹn etọn lẹpo wẹ yindọ: “Jiwheyẹwhe de ma tin.”+   Aliho etọn lẹ nọ to kọdetọn dagbe tindo,+ Ṣigba, whẹdida towe lẹ zẹ̀ nukunnumọjẹnumẹ etọn go;+ E nọ ṣàn* kẹntọ etọn lẹpo kò.   E nọ dọ to ahun ede tọn mẹ dọ: “Yẹn ma na yin tẹnsẹna gbede;* Nugbajẹmẹji de ma na wá ji e gbede Sọn whẹndo de mẹ jẹ devo mẹ.”+ פ [Pe]   Dẹ̀hodo, lalo po budonamẹ po wẹ gọ́ onù etọn mẹ;+ Whẹgbè po danudidọ po to odẹ́ etọn glọ.+   E nọ tọ̀wu dai sẹpọ gbétatò lẹ; E sọ nọ tọ́n sọn fiwhiwhlá etọn nado hù homẹvọnọ.+ ע [Ayini] Nukun etọn lẹ nọ to mẹhe e na wle gbọn kosọ ylankan dali lẹ dín.+   E nọ to aṣeji to fihe e tọ̀wu do kẹdẹdi kinnikinni de to fiwhiwhlá* etọn.+ E nọ tọ̀wu dai nado wle agbátọnọ. E nọ wle agbátọnọ to whenue e dọ̀n odọ̀ etọn sú do e.+ 10  Mẹhe e wle lọ nọ yin kọgbidina bosọ nọ yin zinzindai; Mẹhe dù kosọ ylankan lẹ wẹ nọ jai jẹ alọ* etọn mẹ. 11  E nọ dọ to ahun ede tọn mẹ dọ: “Jiwheyẹwhe ko wọn.+ Ewọ ko lẹ́ ayidonugo etọn hlan fidevo. Ewọ ma na doayi e go gbede.”+ ק [Kọfi] 12  Jehovah E, fọ́n.+ Jiwheyẹwhe E, ze alọ towe daga.+ A wọn agbátọnọ lẹ blo.+ 13  Naegbọn mẹylankan ma do nọ na sisi Jiwheyẹwhe? E nọ dọ to ahun ede tọn mẹ dọ: “Hiẹ ma na hẹn mi nado dogbè.” ר [Lẹṣi] 14  Ṣigba, hiẹ nọ mọ tukla po ayimajai po ganji. Hiẹ nọ mọ bosọ nọ penukundo whẹho lẹ go.+ Hiẹ dè wẹ mẹhe yin wiwle gbọn kosọ ylankan dali lọ nọ lẹhlan;+ Hiẹ sọ wẹ alọgọtọ tọṣiọvi tọn.+ ש [Ṣini] 15  Wẹ́n awà mẹylankan po danuwatọ po tọn,+ Gbọnmọ dali, whenue hiẹ na to kanyinylan etọn dín, A ma na mọ depope ba. 16  Jehovah wẹ Ahọlu kakadoi podọ doidoi.+ Akọta lẹ na busẹ sọn aigba ji.+ ת [Tau] 17  Ṣigba, Jehovah E, hiẹ na sè ovẹ̀ homẹmimiọnnọ tọn.+ Hiẹ na hẹn ahun yetọn lodo+ bo na na ayidonugo nujọnu tọn yé.+ 18  Hiẹ na dawhẹ dodo na tọṣiọvi po mẹhe yè gbidikọna lẹ po,+ Na gbẹtọ tata he to aigba ji de ma nado nọ dobuna yé ba.+

Nudọnamẹ Odò Tọn

Kavi “ojlo alindọn etọn tọn.”
Kavi vlavo, “Nukunkẹnnọ nọ dona ede.”
Kavi “deafu do.”
Kavi “ma na mùsà (dahli) gbede.”
Kavi “zunkan daho.”
Kavi “ofẹ̀n huhlọnnọ.”