Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Owalọ lẹ 5:1-42

5  Ṣigba, dawe de he nọ yin Ananias, to pọmẹ hẹ asi etọn Safila, sà nutindo de.  Amọ́, e ze apadewhe akuẹ lọ tọn whlá bọ asi etọn lọsu yọnẹn, e sọ hẹn apadewhe etọn poun wá bo ze e bọdai do afọ apọsteli lẹ tọn kọ̀n.+  Ṣigba, Pita dọmọ: “Ananias, naegbọn Satani hẹn we tliji nado dolalo+ na gbigbọ wiwe+ bo ze apadewhe akuẹ aigba lọ tọn whlá?  Be e ma yin towe wẹ aigba lọ whẹpo hiẹ do sà ẹ, podọ to whenue e ko yin sisà, be hiẹ ma vò nado yí akuẹ lọ do wà nuhe jlo we ya? Naegbọn hiẹ do lẹn onú ehe nkọ to ahun towe mẹ? E ma yin gbẹtọ wẹ hiẹ dolalo na, ṣigba na Jiwheyẹwhe.”  To whenue Ananias sè ohó ehelẹ, e họ́jai bo kú. Obu daho sọ jẹ mẹhe sè ehe lẹpo ji.  Jọja sunnu lẹ sọ fọ́n bo blá ẹ do avọ̀ lẹ mẹ bosọ ze e tọ́n bo dì i.  Todin, to nudi gànhiho atọ̀n godo, asi etọn biọ họmẹ, bo ma yọ́n nuhe ko jọ.  Pita dọna ẹn dọmọ: “Dọna mi, be akuẹ he mì omẹ awe lẹ sà aigba lọ yin die ya?” E dọmọ: “Mọwẹ, akuẹ lọ niyẹn.”  Enẹwutu, Pita dọna ẹn dọmọ: “Naegbọn mì omẹ awe lẹ kọngbedopọ nado tẹ́n gbigbọ Jehovah* tọn pọ́n? Pọ́n! Afọ mẹhe yì dì oṣiọ asu towe tọn lẹ tọn tin to ohọ̀n ji, yé nasọ ze we tọ́n.” 10  To afọdopolọji, ewọ họ́jai to afọ Pita tọn lẹ kọ̀n bo kú. To whenue jọja sunnu lọ lẹ biọ họmẹ, yé mọdọ e ko kú, yé sọ ze e tọ́n bo dì i do asu etọn pá. 11  Enẹwutu, obu daho jẹ agun lọ pete podọ mẹhe to onú ehelẹ sè lẹpo ji. 12  Humọ, apọsteli lẹ zindonukọn nado to ohia po nujiawu* susu po basi to gbẹtọ lẹ ṣẹnṣẹn;+ podọ yemẹpo nọ pli dopọ to Agbà Gaa* Sọlomọni tọn mẹ.+ 13  Na nugbo tọn, dopo tata to mẹdevo lẹ mẹ ma tindo adọgbigbo nado kọnawudopọ hẹ yé; etomọṣo, gbẹtọ lẹ to ohó yetọn dagbe dọ. 14  Humọ, mẹhe yise to Oklunọ mẹ lẹ to jijideji, yèdọ susugege sunnu po yọnnu lẹ po tọn.+ 15  Yé tlẹ sọ hẹn mẹhe to azọ̀njẹ lẹ tọ́n jẹ alihogbó lẹ ji bo tẹ́ yé do akanma pẹvi po adọzan lẹ po ji to finẹ, na e whè gbau oyẹ̀ Pita tọn nido sọgan jẹ do delẹ to yé mẹ ji, eyin ewọ juwajei.+ 16  Mọdopolọ, gbẹtọgun lẹ sọn tòdaho he lẹdo Jelusalẹm pé lẹ mẹ to wiwá bo nọ hẹn mẹhe to azọ̀njẹ lẹ podọ mẹhe gbigbọ mawé lẹ to tuklado lẹ wá, dopodopo yetọn sọ nọ yin azọ̀nhẹngbọna. 17  Ṣigba, yẹwhenọ daho fọ́n, to pọmẹ hẹ mẹhe to finẹ hẹ ẹ lẹpo, he tin to sinsẹ̀n klandovo Sadusi lẹ tọn mẹ, yé sọ gọ́ na awuwhàn. 18  Podọ yé wle apọsteli lẹ bo ze yé do gànpa gbẹtọ paa lẹ tọn mẹ.+ 19  Ṣigba, angẹli Jehovah* tọn hùn ohọ̀n gànpa lọ tọn+ to zánmẹ bo de yé tọ́n bosọ dọmọ: 20  “Mì tọ́n bo yì tẹmpli mẹ bosọ to hodọna gbẹtọ lẹ zọnmii gando ohó ogbẹ̀ tọn lẹpo go.” 21  To whenue yé sè ehe, yé biọ tẹmpli mẹ to afọnnu fliflimẹ bo jẹ mẹplọn ji. Todin, to whenue yẹwhenọ daho po mẹhe gọna ẹn lẹ po wá, yé ylọ hagbẹ Whẹdatẹn Daho Ju lẹ tọn* pli gọna pipli mẹho ovi Islaeli tọn lẹ tọn pete, yé sọ domẹhlan gànpamẹ nado plan apọsteli lẹ wá nukọn yetọn. 22  Ṣigba, to whenue ponọ lọ lẹ jẹ finẹ, yé ma mọ yé to gànpamẹ. Enẹwutu, yé lẹkọyi bo na linlin 23  dọmọ: “Mí mọ gànpa lọ to súsú gbanun-gbanun bọ nuhọ́tọ lẹ to ote to ohọ̀n lẹ ji, ṣigba to ohọ̀n lọ hùnhùn godo, mí ma mọ mẹdepope to ohọ̀ lọ mẹ.” 24  Todin, to whenue ogán tẹmpli-ṣọ́tọ lẹ tọn po yẹwhenọgán lẹ po sè ohó ehelẹ, yé jẹflumẹ bo ma yọ́n nuhe mẹ ehe na dekọtọn do. 25  Ṣigba, dawe de wá bo na linlin yé dọmọ: “Mì pọ́n! Dawe he mì zedo gànpamẹ lọ lẹ tin to tẹmpli mẹ bo to ote bosọ to gbẹtọ lẹ plọn.” 26  To whenẹnu, ogán tẹmpli-ṣọ́tọ lẹ tọn lọ tọ́nyi po ponọ etọn lẹ po bo plan yé wá, ṣigba e ma yin po zingidi po, na yé dibu ma nado yin zannu dlan do gbọn gbẹtọ lẹ dali.+ 27  Enẹwutu, yé plan yé wá bo hẹn yé ṣite to Whẹdatẹn Daho Ju lẹ tọn lọ nukọn. Yẹwhenọ daho sọ kanhose yé 28  bo dọmọ: “Mí dosẹ́n na mì sinsinyẹn ma nado nọ plọnmẹ to oyín ehe mẹ ba,+ ṣogan, mì pọ́n! mì ko hẹn Jelusalẹm gọ́ po nuplọnmẹ mìtọn po, mì ko sọ magbe nado hẹn ohùn dawe ehe tọn wá mí ji.”+ 29  Pita po apọsteli he pò lẹ po gblọn dọmọ: “Míwlẹ dona setonuna Jiwheyẹwhe taidi ogán kakati nido yin gbẹtọ lẹ.+ 30  Jiwheyẹwhe tọgbo mítọn lẹ tọn fọ́n Jesu sọnku, mẹhe mìwlẹ hù gbọn zize e plá do pòtin* go dali.+ 31  Jiwheyẹwhe ze ewọ daga do adusilọ etọn mẹ+ taidi Afọzedaitọ-gán+ podọ Mẹwhlẹngántọ,+ na Islaeli nido sọgan lẹnvọjọ bo mọ jona ylando lẹ tọn yí.+ 32  Podọ mí yin kunnudetọ whẹho ehelẹ tọn,+ mọdopolọ wẹ gbigbọ wiwe lọsu ga,+ he Jiwheyẹwhe ko na mẹhe setonuna ẹn di ogán lẹ.” 33  To whenue yé sè ehe, adi do yé sinsinyẹn bọ yé jlo nado hù yé. 34  Ṣigba, Falesi de he nọ yin Gamalieli+ fọ́n to Whẹdatẹn Daho Ju lẹ tọn lọ mẹ; ewọ yin Osẹ́n plọnmẹtọ de he gbẹtọ lẹpo nọ na sisi, e sọ degbe dọ yè ni de dawe lọ lẹ tọ́njẹgbonu na ojlẹ gli de. 35  Enẹgodo, ewọ dọna yé dọmọ: “Mì omẹ Islaeli tọn lẹ emi, mì payi mìde go gando nuhe mì to linlẹn nado wà na dawe ehelẹ go. 36  Di apajlẹ, jẹnukọnna azán ehelẹ, Teuda fọ́n bo dọ dọ emi lọsu yin mẹjọmẹ, bọ sunnu sọha de, he yì 400 kọnawudopọ hẹ pipli etọn. Ṣigba, ewọ yin hùhù, bọ mẹhe nọ hodo e lẹpo gbàpe bo busẹ sọn aimẹ. 37  To ewọ godo, Juda Galilinu lọ fọ́n to azán yinkọ zizedai tọn lẹ gbè, ewọ sọ dọ̀n mẹsusu hodo ede. Dawe enẹ lọsu dọ̀n bọ mẹhe nọ hodo e lẹpo gbàpe. 38  Enẹwutu, to ninọmẹ ehe mẹ, yẹn dọna mì dọ, mì dádo whẹho omẹ ehelẹ tọn mẹ blo, ṣigba mì jo yé do whii. Na eyin gbẹtọ dè wẹ tito ehe kavi azọ́n ehe wá sọn, e na yin hihọliai; 39  ṣigba eyin sọn Jiwheyẹwhe dè wẹ, mì ma na penugo nado họ́ yé liai.+ Eyin e ma yinmọ, e tlẹ sọgan yindọ Jiwheyẹwhe lọsu wẹ mìwlẹ to avùnho hẹ.”+ 40  Enẹwutu, yé dotoaina ayinamẹ etọn, yé sọ ylọ apọsteli lọ lẹ bo hò yé,+ bosọ dosẹ́n na yé ma nado nọ dọho to oyín Jesu tọn mẹ ba, bo tún yé dote. 41  Enẹwutu, yé tọ́nyi sọn hagbẹ Whẹdatẹn Daho Ju lẹ tọn lọ nukọn bo to ayajẹ+ na yé ko yin hihia jẹ nado yin winyando na oyín etọn wutu. 42  Podọ egbesọegbesọ to tẹmpli mẹ podọ sọn whédegbè jẹ whédegbè,+ yé zindonukọn nado to mẹplọn bo to wẹndagbe lọ lá mapote gando Klisti Jesu go.+

Nudọnamẹ Odò Tọn

Pọ́n Nud. A5.
Kavi “nudabla.”
Enẹ wẹ, agbà gaa de he tindo dòtin lẹ to adà awe lẹ ji he họ̀gbánu lẹ tin to e ji.
Pọ́n Nud. A5.
To paa mẹ, “Sanhedlin.” Pọ́n Zẹm.
Kavi “atin.”