Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Owalọ lẹ 2:1-47

2  Todin, dile azán Hùnwhẹ Pẹntikọsti tọn+ to yìyì, yemẹpo tin to fidopo lọ.  To ajiji mẹ, nudidọ de he taidi jẹhọn sinsinyẹn de tọn wá sọn olọn mẹ bo gọ́ ohọ̀ he mẹ yé sinai do lọ pete.+  Podọ yé mọ odẹ́ lẹ taidi miyọ́n bọ e gbàpe bosọ jẹ do dopodopo yetọn ji,  yemẹpo sọ gọ́ na gbigbọ wiwe+ bo jẹ hodọ ji to ogbè* voovo mẹ kẹdẹdile gbigbọ lọ hẹn yé penugo nado dọho do.+  To ojlẹ enẹ mẹ, Ju he dibusi Jiwheyẹwhe sọn akọta he to olọn glọ lẹpo mẹ lẹ tin to Jelusalẹm.+  Enẹwutu, to whenue nudidọ lọ yin sisè, gbẹtọgun de pli dopọ, awú sọ ji yé, na mẹdopodopo sè bọ yé to hodọ to ogbè etọn titi mẹ.  Na nugbo tọn, e paṣa yé tlala bọ yé dọmọ: “Mì pọ́n, Galilinu wẹ mẹhe to hodọ lọ lẹpo,+ kavi e ma yin mọ wẹ?  Ṣogan, naegbọn dopodopo mítọn to sisè bọ yé to ogbè mítọn titi* lẹ do?  Míwlẹ he yin Paltianu lẹ, Medianu lẹ+ po Elaminu lẹ+ po; tòmẹnu Mẹsopotamia tọn lẹ, Jude tọn lẹ, Kapadokia tọn lẹ, Pọntu tọn lẹ, ayimatẹn Asia tọn lẹ,+ 10  Fligia tọn lẹ, Pamfilia tọn lẹ, Egipti tọn lẹ po lẹdo Libia tọn he tin to Silene pá tọn lẹ po; jonọ he wá sọn Lomu lẹ, yèdọ Ju po mẹdiọzun Ju lẹ po;+ 11  Kletenu lẹ; gọna Alabianu lẹ—mí sè bọ yé to hodọ to ogbè mítọn lẹ mẹ gando nujiawu Jiwheyẹwhe tọn lẹ go.” 12  Mọwẹ, avò vò yemẹpo bọ yé jẹflumẹ bo to didọna ode awetọ dọmọ: “Etẹwẹ ehe lẹpo zẹẹmẹdo?” 13  Ṣigba, mẹdevo lẹ to yé vlẹ dọmọ: “Ovẹn vivi* wẹ yé nùmú.” 14  Ṣigba, Pita fọnṣite po omẹ Widopo lẹ+ po bo yí ogbè lélé do dọna yé dọmọ: “Mì omẹ Jude tọn lẹ po tòmẹnu Jelusalẹm tọn lẹpo po emi, mì gbọ ehe ni yin yinyọnẹn na mì podọ mì dotoaina ohó ṣie lẹ ganji. 15  Na nugbo tọn, omẹ ehelẹ ma nùahànmú dile mì lẹn do gba, na gànhiho atọ̀ntọ* azán lọ tọn wẹ. 16  Kakatimọ, nuhe yin didọ gbọn yẹwhegán Joẹli gblamẹ die, 17  Jiwheyẹwhe dọmọ: ‘“Podọ to azán godo tọn lẹ mẹ, yẹn na kọ̀n gbigbọ ṣie do agbasalan wunmẹ lẹpo ji, bọ visunnu mìtọn lẹ po viyọnnu mìtọn lẹ po na nọ dọ dọdai podọ jọja sunnu mìtọn lẹ na nọ mọ numimọ lẹ bọ sunnu mẹho mìtọn lẹ na nọ kudlọ lẹ,+ 18  podọ etlẹ yin do afanumẹ sunnu ṣie lẹ po afanumẹ yọnnu ṣie lẹ po ji wẹ yẹn na kọ̀n gbigbọ ṣie do to azán enẹlẹ gbè, bọ yé na nọ dọ dọdai.+ 19  Yẹn nasọ namẹ nujiawu* lẹ to olọn mẹ aga podọ ohia lẹ to aigba ji to odò—yèdọ ohùn, miyọ́n po aslọ azọ̀ tọn po. 20  Owhè na yin didiọ zun zinvlu bọ osun na yin didiọ zun ohùn whẹpo azán daho podọ gigonọ Jehovah* tọn nido wá. 21  Podọ mẹdepope he dawhá ylọ oyín Jehovah* tọn wẹ na yin whinwhlẹngán.”’+ 22  “Mì omẹ Islaeli tọn lẹ emi, mì sè ohó ehelẹ: Jesu Nazalẹti tọn yin dawe de he Jiwheyẹwhe dohia mì to gbangba gbọn azọ́n huhlọnnọ lẹ po nujiawu* lẹ po gblamẹ gọna ohia he Jiwheyẹwhe basi gbọn ewọ dali to ṣẹnṣẹn mìtọn lẹ,+ kẹdẹdile mìlọsu yọnẹn do. 23  Dawe ehe, mẹhe yin zizejo gbọn lẹndai* he Jiwheyẹwhe magbe etọn po oyọnẹn jẹnukọn etọn po dali,+ wẹ mìwlẹ plá do pòtin go bo hù gbọn alọ dawe sẹ́nhẹngbatọ lẹ tọn mẹ.+ 24  Ṣigba, Jiwheyẹwhe fọ́n ẹn sọnku+ gbọn túntún in dote sọn awufiẹsa* okú tọn lẹ mẹ dali, na e ma yọnbasi dọ e ni hẹn ewọ go.+ 25  Na Davidi dọ gando ewọ go dọ: ‘Jehovah* tin to nukọn ṣie* to whepoponu, na ewọ tin to adusilọ ṣie mẹ bọ yẹn ma nado yin tẹnsẹna gbede. 26  Enẹwutu wẹ awuya ahun ṣie bọ odẹ́ ṣie jaya tlala. Yẹn* nasọ tin to todido mẹ; 27  na hiẹ ma na jo mi* do Yọdò* mẹ, mọjanwẹ hiẹ ma na dike nugbonọ towe ni mọ gbigble.+ 28  Hiẹ ko hẹn aliho ogbẹ̀ tọn lẹ zun yinyọnẹn na mi; hiẹ na hẹn mi gọ́ na ayajẹ daho to nukọn towe.’*+ 29  “Mì mẹmẹsunnu lẹ emi, mì gbọ yẹn ni yí awuvivo hodidọ tọn do dọhona mì gando tatọ́ whẹndo tọn Davidi go, dọ ewọ kú bo yin dìdì+ bọ yọdò etọn tin to mí dè kakajẹ egbehe. 30  Na yẹwhegán de wẹ e yin bo yọnẹn dọ Jiwheyẹwhe ko yí whiwhle de do dopagbe na ẹn dọ ewọ na ze dopo to kúnkan etọn lẹ mẹ* sinai do ofìn etọn ji wutu,+ 31  ewọ mọ jẹnukọn bo dọho gando fọnsọnku Klisti tọn go, dọ e ma na yin gbigbẹdai do Yọdò* mẹ mọjanwẹ agbasalan etọn ma na mọ gbigble.*+ 32  Jiwheyẹwhe fọ́n Jesu ehe sọnku, podọ mímẹpo wẹ yin kunnudetọ na ehe.+ 33  Enẹwutu, na e yin zizedaga do adusilọ Jiwheyẹwhe tọn mẹ+ bo mọ gbigbọ wiwe he Otọ́ dopagbe etọn lọ yí wutu,+ e ko kọ̀n nuhe mì to mimọ bo to sisè ehe jẹgbonu. 34  Na Davidi ma hẹji yì olọn mẹ, ṣigba ewọ lọsu dọmọ, ‘Jehovah* dọna Oklunọ ṣie dọmọ: “Sinai to adusilọ ṣie mẹ 35  kaka yẹn nado yí kẹntọ towe lẹ do basi tokloafọligbe afọ towe lẹ tọn.”’+ 36  Enẹwutu, mì gbọ owhé Islaeli tọn lẹpo ni yọnẹn hezeheze dọ Jiwheyẹwhe ko yí Jesu, mẹhe mì hù do pòtin ji lọ+ do basi Oklunọ+ po Klisti po.” 37  Todin, to whenue yé sè ehe, e yinuwado yé ji yì ahun mẹ bọ yé dọna Pita po apọsteli he pò lẹ po dọmọ: “Mì mẹmẹsunnu lẹ emi, etẹwẹ mí dona wà?” 38  Pita dọna yé dọmọ: “Mì lẹnvọjọ+ bo dike dopodopo mìtọn ni yin bibaptizi+ to oyín Jesu Klisti tọn mẹ na jona ylando mìtọn lẹ tọn,+ mì nasọ mọ nunina vọnu he yin gbigbọ wiwe yí. 39  Na mìwlẹ po ovi mìtọn lẹ po gọna mẹhe tin to olá lẹpo wẹ opagbe lọ+ yin dido na, yèdọ mẹhe Jehovah* Jiwheyẹwhe mítọn sọgan ylọ wá ede dè lẹpo.”+ 40  Podọ e yí ohó susu devo lẹ do dekunnu mlẹnmlẹn bo to tudohomẹna yé dọmọ: “Mì whlẹn mìde sọn whẹndo jijọ gbíngbánnọ ehe mẹ.”+ 41  Enẹwutu, mẹhe yí homẹhunhun do kẹalọyi ohó etọn lẹ yin bibaptizi,+ podọ nudi gbẹtọ* 3 000 wẹ yin yiyidogọ to azán enẹ gbè.+ 42  Yé sọ zindonukọn nado to yedelẹ zejo na nuplọnmẹ apọsteli lẹ tọn, nado nọ pli dopọ,* nado nọ dùnú+ podọ nado nọ hodẹ̀.+ 43  Na nugbo tọn, obu jẹ mẹlẹpo* ji, podọ apọsteli lẹ jẹ nujiawu* po ohia susu po basi ji.+ 44  Mẹhe lẹzun yisenọ lẹpo tin to kọndopọ mẹ bo tindo nulẹpo to pọmẹ, 45  yé sọ to núzinzan po nutindo yetọn lẹ po sà+ bo to akuẹ lọ lẹ má na mẹlẹpo, sọgbe hẹ nuhudo mẹdopodopo tọn.+ 46  Yé sọ nọ pli to whepoponu do tẹmpli mẹ egbesọegbesọ to kọndopọ mẹ, podọ yé nọ dùnú to owhé ode awetọ tọn gbè bo nọ yí ayajẹ daho po ahundopo po do dùnú dopọ, 47  bosọ nọ to Jiwheyẹwhe pà bo nọ mọ nukundagbe to gbẹtọ lẹpo dè. To ojlẹ dopolọ mẹ, Jehovah* zindonukọn nado to gbẹtọ lẹ yidogọna yé egbesọegbesọ to aliho whlẹngán tọn lọ ji.+

Nudọnamẹ Odò Tọn

Kavi “odẹ́.”
Kavi “ogbè he mẹ yè ji mí do.”
Kavi “Ovẹn yọyọ.”
Enẹ wẹ, nudi ogàn 9 afọnnu tọn.
Kavi “nudabla.”
Pọ́n Nud. A5.
Pọ́n Nud. A5.
Kavi “nudabla.”
Kavi “ayinamẹ.”
Kavi vlavo, “okàn.”
Pọ́n Nud. A5.
Kavi “to nukun ṣie lẹ nukọn.”
To paa mẹ, “Agbasalan ṣie.”
Kavi “alindọn ṣie.”
Kavi “Hadẹs,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “to nukun towe mẹ.”
To paa mẹ, “dopo to sinsẹ́n alinkàn etọn tọn lẹ mẹ.”
Kavi “Hadẹs,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “ma na yọ̀n.”
Pọ́n Nud. A5.
Pọ́n Nud. A5.
Kavi “alindọn.”
Kavi “nọ má hẹ ode awetọ.”
Kavi “alindọn lẹpo.”
Kavi “nudabla.”
Pọ́n Nud. A5.