Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Osọhia 8:1-13

NUHE E BẸHẸN LẸ

  • Hiadonu ṣinawetọ lọ yin hùnhùn (1-6)

  • Opẹ̀n ẹnẹ tintan lẹ yin kúnkún (7-12)

  • Dindọn atọ̀n yin lilá (13)

8  Whenue e+ hùn hiadonu ṣinawetọ,+ abọẹninọ de tin to olọn mẹ na nudi gànhiho daa.  Yẹn sọ mọ angẹli ṣinawe+ to ote to Jiwheyẹwhe nukọn, opẹ̀n ṣinawe sọ yin nina yé.  Angẹli devo he hẹn nuyọnwan-gbán* sika tọn de wá bo ṣite to agbà lọ kọ̀n,+ bọ nuyọnwan susu+ yin nina ẹn nado yí do sanvọ́ to agbà sika tọn+ he tin to ofìn lọ nukọn ji to whenue odẹ̀ omẹ wiwe lẹpo tọn yin sisè.  Azọ̀ nuyọnwan lọ tọn sọ hẹji sọn alọ angẹli lọ tọn mẹ gọna odẹ̀+ omẹ wiwe lẹ tọn lẹ yì Jiwheyẹwhe nukọn.  Ṣigba, to afọdopolọji, angẹli lọ ze nuyọnwan-gbán lọ, bo yí delẹ to miyọ́n he to agbà lọ ji lẹ mẹ do gọ́ e mẹ bosọ dlan ẹn do aigba ji. Hẹviosò lẹ, ogbè lẹ, abì+ lẹ po aigba sisọsisọ de po sọ wá aimẹ.  Podọ angẹli ṣinawe lọ lẹ he tindo opẹ̀n ṣinawe+ lẹ wleawu nado kún yé.  Tintan sọ kún opẹ̀n etọn. Kẹ́nsu po miyọ́n po he flusọ́ hẹ ohùn sọ wá aimẹ, e sọ yin dindlan do aigba ji;+ mado-atọ̀ntọ aigba tọn sọ fiọ, mado-atọ̀ntọ atin lẹ tọn sọ fiọ, podọ ogbé-mú lẹpo fiọ.+  Angẹli awetọ sọ kún opẹ̀n etọn. Podọ nude he taidi osó daho he to miyọ́n ji de yin dindlan do hùmẹ.+ Mado-atọ̀ntọ ohù tọn sọ lẹzun ohùn;+  mado-atọ̀ntọ nudida gbẹ̀te* he to hùmẹ lẹ tọn sọ kú,+ podọ mado-atọ̀ntọ tọjihun lẹ tọn gbakija. 10  Angẹli atọ̀ntọ sọ kún opẹ̀n etọn. Podọ sunwhlẹvu daho he to jiji taidi miyọ́ngbán de flẹ sọn olọn, e sọ flẹ jẹ mado-atọ̀ntọ tọ̀sisa lẹ po asisa osin tọn* lẹ po ji.+ 11  Sunwhlẹvu lọ nọ yin yiylọdọ Vivẹ́. Mado-atọ̀ntọ osin lẹ tọn sọ diọ zun vivẹ́, osin lẹ sọ hù gbẹtọ susu lẹ, na yé ko yin hinhẹn vẹ́ wutu.+ 12  Angẹli ẹnẹtọ sọ kún opẹ̀n etọn. Yè sọ linú mado-atọ̀ntọ owhè tọn,+ mado-atọ̀ntọ osun tọn po mado-atọ̀ntọ sunwhlẹvu lẹ tọn po, na mado-atọ̀ntọ yetọn nido sọgan dózin+ bọ mado-atọ̀ntọ okle tọn ma nado tindo hinhọ́n, e sọ yinmọ na ozán lọsu ga. 13  Yẹn sọ mọ bo sè bọ akùn he to zinzlọn to agahomẹ de dọ po ogbè lélé po dọmọ: “Dindọn, dindọn, dindọn+ na mẹhe nọ nọ̀ aigba ji lẹ, na nudidọ opẹ̀n angẹli atọ̀n he pò bo na kún opẹ̀n yetọn to madẹnmẹ lẹ tọn wutu!”+

Nudọnamẹ Odò Tọn

Kavi “miyọ́n-hẹnnu.”
Kavi “nudida he yin alindọn.”
Kavi “asisa.”