Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Osọhia 4:1-11

NUHE E BẸHẸN LẸ

  • Numimọ awusọhia Jehovah tọn (1-11)

    • Jehovah sin ofìn etọn ji (2)

    •  Mẹho 24 lẹ to ofìn lẹ ji (4)

    • Mẹdida ẹnẹ lẹ (6)

4  To ehe godo, yẹn mọ, podọ pọ́n! ohọ̀n de he hùndonuvo to olọn mẹ, podọ ogbè tintan he n’sè bọ e to hodọ hẹ mi lọ taidi opẹ̀n de tọn, dọmọ: “Hẹji wáfi, yẹn nasọ do nuhe dona jọ lẹ hia we.”  To ehe godo, yẹn wá nuyiwadomẹji gbigbọ tọn glọ to afọdopolọji, podọ pọ́n! ofìn de tin to finẹ to olọn mẹ, bọ mẹde sinai do ofìn lọ ji.+  Awusọhia Mẹhe sinai to e ji lọ tọn sọ taidi zannu jaspali+ po zannu saldiu* po tọn, aidowhẹdo de he awusọhia etọn taidi emẹlaldi+ sọ tin lẹdo ofìn lọ pé.  Ofìn 24 tin lẹdo ofìn lọ pé, yẹn sọ mọ mẹho 24+ he do awù wewe lẹ to aisinsin to ofìn ehelẹ ji bo tindo jẹgbakun sika tọn lẹ to ota.  Abì+ lẹ, ogbè lẹ po hẹviosò+ lẹ po to tintọ́njẹgbonu wá sọn ofìn lọ kọ̀n; podọ miyọ́ngbán ṣinawe to titá to ofìn lọ nukọn, ehelẹ sọ zẹẹmẹdo gbigbọ ṣinawe Jiwheyẹwhe tọn lẹ.+  Nuhe taidi ohù mẹpọ́nnu tọn+ de bo taidi klistali tin to ofìn lọ nukọn. Mẹdida ẹnẹ+ lẹ he gọ́ na nukun to nukọn po godo po tin to ofìn lọ ṣẹnṣẹn* podọ lẹdo ofìn lọ pé.  Mẹdida tintan taidi kinnikinni+ de, mẹdida awetọ taidi oyìnsú winyanwinyan+ de, mẹdida atọ̀ntọ+ tindo nukunmẹ he taidi gbẹtọ de tọn, podọ mẹdida ẹnẹtọ+ taidi akùn he to zinzlọn de.+  Na nuhe dù mẹdida ẹnẹ lọ lẹ, dopodopo yetọn tindo awà ṣidopo; yé gọ́ na nukun lẹ lẹdo pé podọ to awà lọ lẹ glọ.+ Podọ yé nọ to didọ mapote to okle po ozán po dọmọ: “Wiwe, wiwe, wiwe wẹ Jehovah*+ Jiwheyẹwhe, Ganhunupotọ lọ, mẹhe ko tin bo tin bosọ ja.”+  Whedepopenu he mẹdida lọ lẹ na gigo, gbégbò po pẹdido po Mẹhe sinai do ofìn lọ ji, yèdọ Mẹlọ he togbẹ̀ kakadoi podọ doidoi,+ 10  mẹho 24+ lọ lẹ nọ ṣinyọ́n nukunmẹ ai to Ewọ he sinai to ofìn lọ ji nukọn bo nọ sẹ̀n Mẹlọ he togbẹ̀ kakadoi podọ doidoi, yé sọ nọ hùn jẹgbakun yetọn lẹ dlan to ofìn lọ nukọn bo nọ to didọmọ: 11  “Jehovah* Jiwheyẹwhe mítọn, hiẹ wẹ jẹ nado mọ gigo,+ gbégbò+ po huhlọn+ po yí, na hiẹ wẹ dá nulẹpo,+ podọ to ojlo towe mẹ wẹ yé do wá aimẹ bosọ do yin didá.”

Nudọnamẹ Odò Tọn

Kavi “zannu akuẹgegenu tọn sinmẹ vẹẹ de.”
Kavi “to ṣẹnṣẹn po ofìn lọ po.”
Pọ́n Nud. A5.
Pọ́n Nud. A5.