Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Osọhia 16:1-21

NUHE E BẸHẸN LẸ

  • Agbán homẹgble Jiwheyẹwhe tọn 7 lẹ (1-21)

    • Yin kinkọ̀n do aigba ji (2), do hùmẹ (3), tọ̀sisa po asisa osin tọn lẹ po mẹ (4-7), owhè ji (8, 9), ofìn gbekanlin lọ tọn ji (10, 11), Euflate ji (12-16), podọ do jẹhọn mẹ (17-21)

    • Awhàn Jiwheyẹwhe tọn to Amagẹdọni (14, 16)

16  Yẹn sọ sè ogbè lélé de sọn fiwiwe lọ+ he dọna angẹli ṣinawe lọ lẹ dọmọ: “Mì yì bo kọ̀n agbán homẹgble Jiwheyẹwhe tọn ṣinawe lẹ do aigba ji.”+  Tintan sọ yì bo kọ̀n nuhe to agbán etọn mẹ do aigba ji.+ Agàdá ylankan podọ yinyọ̀n+ de sọ ṣinyọ́n mẹhe tindo ohia gbekanlin lọ tọn+ bo to boṣiọ etọn sẹ̀n lẹ.+  Awetọ sọ kọ̀n nuhe to agbán etọn mẹ do hùmẹ.+ E sọ diọ zun ohùn+ he taidi mẹkúkú de tọn, podọ nudida* gbẹ̀te lẹpo kú, mọwẹ, yèdọ nuhe to hùmẹ lẹ.+  Atọ̀ntọ sọ kọ̀n nuhe to agbán etọn mẹ do tọ̀sisa lẹ po asisa osin tọn* lẹ po mẹ.+ Yé sọ diọ zun ohùn.+  Yẹn sọ sè bọ angẹli he tindo aṣẹ do osin lẹ ji dọmọ: “Hiẹ, Mẹhe tin bo ko tin,+ yèdọ Omẹ nugbonọ lọ+ wẹ dodonọ, na hiẹ ko basi whẹdida ehelẹ wutu,+  na yé ko sọ̀n ohùn omẹ wiwe lẹ tọn po yẹwhegán lẹ tọn po dai wutu,+ bọ hiẹ ko na yé ohùn nado nù;+ nuhe yé jẹna niyẹn.”+  Yẹn sọ sè bọ agbà lọ dọmọ: “Mọwẹ, Jehovah* Jiwheyẹwhe, Ganhunupotọ,+ nugbo po dodo po wẹ whẹdida* towe lẹ.”+  Ẹnẹtọ sọ kọ̀n nuhe to agbán etọn mẹ do owhè ji,+ yè sọ nagbè owhè nado yí miyọ́n do mẹ̀ gbẹtọ lẹ.  Yozò sinsinyẹn lọ sọ mẹ̀ gbẹtọ lẹ, ṣigba yé zánnu do oyín Jiwheyẹwhe, mẹhe tindo aṣẹ do azọ̀nylankan ehelẹ ji tọn go, yé masọ lẹnvọjọ bo na gigo e. 10  Atọ́ntọ sọ kọ̀n nuhe to agbán etọn mẹ do ofìn gbekanlin lọ tọn ji. Ahọluduta etọn sọ dozinvlu,+ yé sọ jẹ adúhẹn odẹ́ yedetiti tọn ji, na awufiẹsa wutu, 11  ṣigba yé zánnu do Jiwheyẹwhe olọn tọn go, na awufiẹsa yetọn po agàdá yetọn lẹ po wutu, yé masọ lẹnvọjọ sọn azọ́n yetọn lẹ mẹ. 12  Ṣidopotọ sọ kọ̀n nuhe to agbán etọn mẹ do tọ̀sisa daho Euflate+ mẹ bọ osin etọn hú+ nado wleawuna aliho na ahọlu lẹ+ sọn whèzizẹ.* 13  Yẹn sọ mọ ohó gbọdo mawé* atọ̀n he taidi opàn lẹ tọ́n sọn onù dlagọni lọ tọn+ mẹ podọ sọn onù gbekanlin lọ tọn mẹ podọ sọn onù yẹwhegán lalo lọ tọn mẹ. 14  Na nugbo tọn, ehelẹ wẹ ohó he yin gbigbọdo gbọn aovi lẹ dali, yé sọ to ohia lẹ basi,+ podọ yé tọ́nyi ahọlu aigba fininọ lẹpo tọn lẹ dè, nado bẹ yé pli dopọ na awhàn+ azán daho Jiwheyẹwhe Ganhunupotọ lọ tọn.+ 15  “Pọ́n! Yẹn ja taidi ajotọ de.+ Ayajẹnọ wẹ mẹhe gbọṣi nukle+ bo whlá awugbó etọn lẹ, na e nikaa zinzọnlin matin awugbó bọ gbẹtọ lẹ na mọ winyan etọn.”+ 16  Yé sọ bẹ yé pli dopọ do fihe nọ yin yiylọ to Heblugbe mẹ dọ Amagẹdọni.*+ 17  Ṣinawetọ sọ kọ̀n nuhe to agbán etọn mẹ do jẹhọn mẹ. To whenẹnu, ogbè lélé de dọnú sọn fiwiwe lọ+ podọ sọn ofìn lọ kọ̀n bo dọmọ: “E ko vọ̀!” 18  Podọ abì lẹ, ogbè lẹ po hẹviosò lẹ po sọ wá aimẹ, aigba sisọsisọ daho de sọ jọ, ehe nkọ ma ko jọ sọn whenue gbọ́n gbẹtọ lẹ ko tin to aigba ji,+ yèdọ aigba sisọsisọ daho, he sinyẹn tlala de. 19  Otò daho lọ+ má do atọ̀n ji, tòdaho akọta lẹ tọn lẹ sọ họliai; Jiwheyẹwhe sọ flin Babilọni Daho lọ+ nado na ẹn kọfo ovẹn adi homẹgble etọn tọn.+ 20  Humọ, lopo lẹpo họnyi, osó lẹ masọ yin mimọ.+ 21  Whenẹnu, kẹ́nsu daho he agó etọn dopodopo pẹ̀n sọ talẹnti* de ja sọn olọn do gbẹtọ lẹ ji,+ gbẹtọ lẹ sọ zánnu do Jiwheyẹwhe go, na azọ̀nylankan kẹ́nsu tọn lọ wutu,+ na azọ̀nylankan lọ sinyẹn tlala wutu.

Nudọnamẹ Odò Tọn

Kavi “alindọn.”
Kavi “asisa.”
Pọ́n Nud. A5.
Kavi “nudide whẹdida tọn.”
Kavi “whèzẹtẹn-waji.”
To paa mẹ, “gbigbọ mawé.”
Glẹki, Halmagẹdọni, sọn hogbe Heblugbe tọn lọ mẹ he zẹẹmẹdo “Osó Mẹgido tọn.”
Talẹnti Glẹki tọn dopo sọzẹn hẹ kg 20,4. Pọ́n Nud. B14.