Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Osọhia 13:1-18

NUHE E BẸHẸN LẸ

  • Gbekanlin de he tindo ota ṣinawe tọ́n sọn hùmẹ (1-10)

  • Gbekanlin de he tindo azò awe tọ́n sọn aigba mẹ (11-13)

  • Boṣiọ gbekanlin he tindo ota ṣinawe lọ tọn (14, 15)

  • Ohia po sọha gbekanlin lọ tọn po (16-18)

13  E* sọ ṣite to tẹndo dopo mẹ to tọkẹ́n ohù tọn ji. Yẹn sọ mọ gbekanlin+ de he to tintọ́n sọn hùmẹ,+ bo tindo azò ao podọ ota ṣinawe, jẹgbakun ao sọ tin to azò etọn lẹ ji, ṣigba oyín nùzinzan tọn lẹ tin to ota etọn lẹ go.  Todin, gbekanlin he n’mọ lọ taidi opọ̀ de, ṣigba afọ etọn lẹ taidi beali tọn lẹ, onù etọn sọ taidi onù kinnikinni de tọn. Gbekanlin lọ sọ mọ huhlọn etọn, ofìn etọn po aṣẹpipa daho+ po yí sọn dlagọni+ lọ dè.  Yẹn sọ mọdọ dopo to ota etọn lẹ mẹ taidi nuhe ko yin awugblena sinsinyẹn, ṣigba apà etọn he dibla hẹn okú wá lọ ko kú+ bọ aigba pete yí sisi daho do hodo gbekanlin lọ.  Podọ yé sẹ̀n dlagọni lọ, na e ko na aṣẹ gbekanlin lọ wutu, yé sọ sẹ̀n gbekanlin lọ po hogbe ehelẹ po: “Mẹnu wẹ taidi gbekanlin lọ, podọ mẹnu wẹ sọgan funawhàn hẹ ẹ?”  Onù he to onú daho lẹ dọ bosọ to nùzan yin nina ẹn, podọ aṣẹ ko yin nina ẹn nado yinuwa na osun 42.+  Onù etọn sọ jẹ ohó nùzinzan tọn lẹ+ dọ ji sọta Jiwheyẹwhe, nado zánnu do oyín etọn po fininọ etọn po go, podọ do mẹhe nọ nọ̀ olọn mẹ lẹ go.+  Dotẹnmẹ yin nina ẹn nado funawhàn hẹ omẹ wiwe lẹ bo gbawhàn yetọn,+ aṣẹ sọ yin nina ẹn do hẹnnu lẹ, gbẹtọ lẹ, ogbè lẹ po akọta lẹpo po ji.  Mẹhe nọ nọ̀ aigba ji lẹpo nasọ nọ sẹ̀n ẹn. Sọn didoai aihọn tọn gbọ́n, oyín dopo tata to yé mẹ tọn ma ko yin kinkan do owe-hihá ogbẹ̀ tọn+ Lẹngbọvu he yè hù lọ tọn mẹ.+  Eyin mẹdepope tindo otó, gbọ e ni sè.+ 10  Eyin mẹdepope tin na kanlinmọgbenu, e na yì kanlinmọgbenu. Eyin mẹdepope na yí ohí do hù,* ewọ dona yin hùhù po ohí po.+ Fihe e biọ akọndonanu+ po yise+ po te die to omẹ wiwe lẹ si.+ 11  Enẹgodo, n’mọ gbekanlin devo to tintọ́njẹgbonu sọn aigba mẹ, e sọ tindo azò awe he taidi lẹngbọvu de tọn, ṣigba e jẹ hodọ ji taidi dlagọni de.+ 12  E nọ yí aṣẹ gbekanlin tintan lọ tọn+ lẹpo zan to nukun etọn mẹ. E sọ nọ hẹn aigba po mẹhe nọ nọ̀ e ji lẹ po nado sẹ̀n gbekanlin tintan lọ, he apà etọn he dibla hẹn okú wá na ẹn lọ ko kú.+ 13  Podọ e nọ basi ohia daho lẹ, bo tlẹ nọ hẹn miyọ́n jẹte sọn olọn wá aigba ji to gbẹtọvi lẹ nukunmẹ. 14  E sọ nọ klọ mẹhe nọ nọ̀ aigba ji lẹ, na ohia he dotẹnmẹ ko yin nina ẹn nado basi to gbekanlin lọ nukunmẹ lẹ wutu, gbọn didọna mẹhe nọ nọ̀ aigba ji lẹ dali nado basi boṣiọ de+ hlan gbekanlin he ohí ko gbleawuna ṣogan bọ e gọwá ogbẹ̀ lọ.+ 15  Dotẹnmẹ sọ yin nina ẹn nado na gbọfufu* boṣiọ gbekanlin lọ tọn, na boṣiọ gbekanlin lọ tọn nido dọho bosọ na aṣẹ nado hù mẹdepope he na gbẹ́ nado sẹ̀n boṣiọ gbekanlin lọ tọn. 16  E sọ hẹn ẹn zun dandan na mẹlẹpo—yèdọ pẹvi po daho po, adọkunnọ po wamọnọ po, mẹhe to yedekannu po afanumẹ lẹ po—dọ yé ni yin hiadogona do alọ adusi tọn yetọn go kavi do nukọn,+ 17  podọ na mẹdepope ni ma penugo nado họ̀ kavi sà blo adavo mẹhe tindo ohia lọ, yèdọ oyín+ gbekanlin lọ tọn kavi sọha oyín etọn tọn.+ 18  Fihe e biọ nuyọnẹn te die: Mì gbọ mẹhe tindo zinzin ni basi lẹndopọ sọha gbekanlin lọ tọn, na sọha gbẹtọ* tọn wẹ, podọ sọha etọn wẹ 666.+

Nudọnamẹ Odò Tọn

Enẹ wẹ, Dlagọni lọ.
Kavi vlavo, “Eyin mẹdepope dona yin hùhù po ohí po.”
Kavi “gbigbọ.”
Kavi “gbẹtọvi.”