Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Osọhia 11:1-19

NUHE E BẸHẸN LẸ

  • Kunnudetọ awe lẹ (1-13)

    • Dọdai na azán 1 260 to odẹ́vọ̀ mẹ (3)

    • Yin hùhù bo ma yin dìdì (7-10)

    • Gọwá ogbẹ̀ to azán atọ̀n daa godo (11, 12)

  • Dindọn awetọ wayi bọ atọ̀ntọ ja (14)

  • Opẹ̀n ṣinawetọ lọ (15-19)

    • Ahọluduta Oklunọ mítọn tọn po Klisti etọn tọn po (15)

    • Mẹhe to aigba husudo lẹ na yin huhusudo (18)

11  Podọ ofán he taidi opò*+ de yin nina mi bọ ogbè de dọmọ: “Fọ́n bo jlẹ fiwiwe tẹmpli Jiwheyẹwhe tọn lọ po agbà lọ po gọna mẹhe to sinsẹ̀n basi to e mẹ lẹ.  Ṣigba, na nuhe dù awánu he to gbonu fiwiwe tẹmpli lọ tọn, jo e do, a sọ jlẹ ẹ blo, na e ko yin nina akọta lẹ, podọ osun 42+ wẹ yé na yí do tùnafọ tòdaho wiwe+ lọ ji.  Yẹn na hẹn kunnudetọ ṣie awe lẹ nado dọ dọdai na azán 1 260 to odẹ́vọ̀ mẹ.”  Omẹ ehelẹ nọtena atin olivie tọn awe lẹ+ gọna miyọ́ngbán-tin awe lẹ+ podọ yé to ote to Oklunọ aigba tọn nukọn.+  Eyin mẹdepope jlo nado gbleawuna yé, miyọ́n nọ tọ́njẹgbonu sọn onù yetọn mẹ bo nọ fiọ kẹntọ yetọn lẹ. Eyin mẹdepope jlo nado gbleawuna yé janwẹ, e dona yin hùhù to aliho ehe mẹ.  Yé tindo aṣẹ nado sú agahomẹ*+ bọ jikun depope ma nado ja+ to azán dọdai didọ tọn yetọn lẹ gbè, yé sọ tindo aṣẹ do osin lẹ ji nado diọ yé zun ohùn+ podọ nado yí azọ̀nylankan wunmẹ lẹpo do hò aigba to whedepopenu he yé jlo.  Whenue yé ko dotana kunnudide yetọn, gbekanlin he tọ́n sọn odò mapote lọ mẹ na funawhàn hẹ yé bo gbawhàn yetọn bosọ hù yé.+  Oṣiọ yetọn nasọ tin to alihogbó otò daho lọ tọn ji, ehe nọ yin yiylọ to gbigbọ-liho dọ Sodọmi po Egipti po, fihe Oklunọ yetọn lọsu yin hùhù do pòtin ji te.  Podọ gbẹtọ lẹ, hẹnnu lẹ, ogbè lẹ po akọta lẹ po na pọ́n oṣiọ yetọn na azán atọ̀n daa,+ yé masọ dike oṣiọ lọ lẹ ni yin titẹ́ do yọdò de mẹ. 10  Mẹhe nọ nọ̀ aigba ji lẹ sọ hùnhomẹ bo jaya do yé ji, yé nasọ nọ na nunina lẹ ode awetọ, na yẹwhegán awe ehelẹ ko sayana mẹhe nọ nọ̀ aigba ji lẹ wutu. 11  To azán atọ̀n daa lọ lẹ godo, gbigbọ ogbẹ̀ tọn sọn Jiwheyẹwhe dè biọ yé mẹ,+ yé sọ fọnṣite to afọ yetọn lẹ ji, obu daho sọ jẹ mẹhe mọ yé lẹ ji. 12  Yé sọ sè ogbè lélé de sọn olọn mẹ he dọna yé dọmọ: “Mì hẹji wáfi.” Yé sọ hẹji yì olọn mẹ to aslọ mẹ, kẹntọ yetọn lẹ sọ mọ yé.* 13  To gànhiho enẹ mẹ, aigba sisọsisọ daho de jọ, mado-aotọ tòdaho lọ tọn sọ họliai; aigba sisọsisọ lọ sọ hù gbẹtọ 7 000 bọ mẹhe pò lẹ dibu bosọ na gigo Jiwheyẹwhe olọn tọn. 14  Dindọn awetọ+ ko juwayi. Pọ́n! Dindọn atọ̀ntọ ja to niyaniya mẹ. 15  Angẹli ṣinawetọ sọ kún opẹ̀n etọn.+ Ogbè lélé sọ dọnú to olọn mẹ dọmọ: “Ahọluduta aihọn tọn ko lẹzun Ahọluduta Oklunọ mítọn tọn+ po Klisti etọn tọn po,+ ewọ nasọ duahọlu kakadoi podọ doidoi.”+ 16  Podọ mẹho 24+ he to aisinsin to Jiwheyẹwhe nukọn to ofìn yetọn ji lẹ ṣinyọ́n nukunmẹ ai bo sẹ̀n Jiwheyẹwhe, 17  bosọ dọmọ: “Mí dopẹna we, Jehovah* Jiwheyẹwhe, Ganhunupotọ, mẹhe tin bo ko tin,+ na hiẹ ko yí huhlọn daho towe bo ko jẹ gandu ji taidi ahọlu.+ 18  Ṣigba, homẹgble akọta lẹ, homẹgble towe sọ wá, ojlẹ dide lọ sọ wá nado dawhẹna oṣiọ lẹ, podọ nado suahọ+ afanumẹ towe lẹ, yèdọ yẹwhegán lẹ+ po omẹ wiwe lẹ po gọna mẹhe dibusi oyín towe lẹ, yèdọ pẹvi po daho po, podọ nado husudo mẹhe to aigba husudo lẹ.”*+ 19  Podọ fiwiwe tẹmpli Jiwheyẹwhe tọn he tin to olọn mẹ lọ yin hùnhùn, bọ apotin alẹnu tọn etọn yin mimọ to fiwiwe tẹmpli etọn tọn+ mẹ. Abì lẹ, ogbè lẹ, hẹviosò lẹ, aigba sisọsisọ de po kẹ́nsu daho de po sọ wá aimẹ.

Nudọnamẹ Odò Tọn

Kavi “nujlẹpo.”
Kavi “olọn.”
Kavi “to nupọn.”
Pọ́n Nud. A5.
Kavi “nado hẹn vasudo wá na mẹhe to aigba vasudo lẹ.”