Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Osọhia 10:1-11

NUHE E BẸHẸN LẸ

  • Angẹli huhlọnnọ de hẹn owe-hihá pẹvi de (1-7)

    • “Gbàndindọn depope ma na tin” (6)

    • Aṣli wiwe lọ yin hinhẹnwa vivọnu (7)

  • Johanu dù owe-hihá pẹvi lọ (8-11)

10  Yẹn sọ mọ angẹli huhlọnnọ devo to tejẹ sọn olọn, he yè yí aslọ do doaṣọ́na,* aidowhẹdo sọ tin to ota etọn, nukunmẹ etọn sọ taidi owhè,+ afọ* etọn lẹ sọ taidi dòtin miyọ́n tọn lẹ,  e sọ tindo owe-hihá pẹvi he ko yin vinvlọ́n de to alọ etọn mẹ. Podọ e ze afọ adusi tọn etọn do ohù ji, ṣigba amiyọn tọn etọn do aigba ji,  e sọ dawhá po ogbè lélé po taidi to whenue kinnikinni de lì.+ Podọ to whenue e dawhá jẹgbonu, ogbè hẹviosò ṣinawe+ lọ lẹ tọn dọnú.  Todin, to whenue hẹviosò ṣinawe lọ lẹ dọnú, n’ko jlo na basi kandai, ṣigba n’sè ogbè de sọn olọn mẹ+ dọmọ: “Yí hiadonu do tlẹ́ nuhe hẹviosò ṣinawe lọ lẹ dọ, a sọ basi kandai yetọn blo.”  Angẹli he yẹn mọ to ote to ohù ji podọ to aigba ji lọ ze alọ adusi tọn etọn daga hlan olọn,  bo yí Mẹlọ he togbẹ̀ kakadoi podọ doidoi,+ he dá olọn po nuhe tin to e mẹ lẹ po, aigba po nuhe tin to e ji lẹ po, gọna ohù po nuhe tin to e mẹ lẹ po do whlé+ dọmọ: “Gbàndindọn depope ma na tin ba.  Ṣigba, to azán lọ lẹ he gbè angẹli+ ṣinawetọ lọ jlo na kún opẹ̀n etọn,+ aṣli wiwe+ he Jiwheyẹwhe lá taidi wẹndagbe hlan afanumẹ etọn titi lẹ, yèdọ yẹwhegán lẹ,+ yin hinhẹnwa vivọnu.”  Podọ yẹn sè bọ ogbè he sọn olọn mẹ+ lọ sọ vọ́ jẹ hodọ hẹ mi ji dọmọ: “Yì, bo yí owe-hihá he to hùnhùn bo to alọ angẹli he to ote to ohù ji podọ to aigba ji lọ tọn mẹ.”+  Yẹn sọ yì angẹli lọ dè bo dọna ẹn nado na mi owe-hihá pẹvi lọ. Ewọ sọ dọna mi dọmọ: “Yí i bo dù i,+ e nasọ vẹ́ to ohò towe mẹ, ṣigba e na vivi taidi owín to onù towe mẹ.” 10  Yẹn sọ yí owe-hihá pẹvi lọ sọn alọ angẹli lọ tọn mẹ bo dù i,+ e sọ vivi taidi owín to onù ṣie mẹ,+ ṣigba to whenue n’ko dù i pó, e vẹ́ to ohò ṣie mẹ. 11  Yé sọ dọna mi dọmọ: “Hiẹ dona vọ́ dọdai dọ gando gbẹtọ lẹ, akọta lẹ, ogbè lẹ po ahọlu susu po go.”

Nudọnamẹ Odò Tọn

Kavi “bu do.”
To paa mẹ, “afọvi.”