Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ohàn Sọlomọni tọn 8:1-14

NUHE E BẸHẸN LẸ

  • Awhli (1-4)

    • “Eyin hiẹ taidi nọvisunnu ṣie wẹ” (1)

  • Nọvisunnu awhli lọ tọn lẹ (5a)

    • ‘Mẹnu die, he dẹ́ do mẹyiwanna etọn ji?’

  • Awhli (5b-7)

    • “Owanyi dohuhlọn taidi okú” (6)

  • Nọvisunnu awhli lọ tọn lẹ (8, 9)

    • “Eyin ewọ yin adó, . . . eyin ewọ yin ohọ̀n, . . .” (9)

  • Awhli (10-12)

    • “Adó de wẹ yẹn” (10)

  • Lẹngbọhọtọ (13)

    • ‘Gbọ yẹn ni sè ogbè mìtọn’

  • Awhli (14)

    • “Yawu taidi otẹgbọẹ”

8  “Eyin hiẹ taidi nọvisunnu ṣie wẹ, He nọ́ anọ́ onọ̀ ṣie tọn lẹ! Whenẹnu eyin yẹn mọ we to gbonu, n’na donùnùgo na we,+ Podọ mẹdepope ma na vlẹ mi kò.   Yẹn na plan we; Yẹn na hẹn we yì ohọ̀ onọ̀ ṣie tọn mẹ,+ Yèdọ mẹhe plọn mi. Yẹn na na we ovẹn he mẹ nuwhẹ́nkun lẹ te nado nù, Osin pomeglanate* tọn he yè ṣẹṣẹ finyọ́n.   Amiyọnlọ etọn na tin to ota ṣie glọ, Adusilọ etọn nasọ gbò mi fán.+   Mì viyọnnu Jelusalẹm tọn lẹ emi, mì whlé na mi: Ma nado tẹnpọn nado fọ́n owanyi ṣie dote kakajẹ whenue e na fọ́n na ede.”+   “Yọnnu tẹ die he ja sọn danfafa ji, Bo dẹ́ do mẹyiwanna etọn ji?” “To atin pọmu tọn sá wẹ yẹn fọ́n ojlo towe dote te. Finẹ wẹ onọ̀ towe mọ awufiẹsa ajipanu tọn te to whenue e jlo na ji we. Finẹ wẹ mẹhe ji we nọ ajipanu te.   Ze mi do ahun towe ji taidi ohia de, Taidi ohia de do awà towe go, Na owanyi dohuhlọn taidi okú,+ Mẹdezejo mlẹnmlẹn ma nọ gbọ̀vọ́ gbede kẹdẹdile Yọdò* ma nọ gbọ̀vọ́ do. Miyọ́n etọn nọ ji po huhlọn po, yèdọ miyọ́n Jah* tọn.+   Agbówhẹn osin tọn lẹ ma sọgan ṣimiyọ́n owanyi tọn,+ Mọjanwẹ tọ̀sisa lẹ ma sọgan sà ẹ yì do niyẹn.+ Eyin sunnu de na ze adọkunnu he to owhé etọn gbè lẹpo jo na owanyi, E* na yin vivlẹko poun wẹ.”   “Mí tindo nọviyọnnu pẹvi de,+ He ma ko tọ́n anọ́. Etẹwẹ mí na wà na nọviyọnnu mítọn To gbeegbe yè na wá biọ ẹ?”   “Eyin ewọ yin adó de, Mí na basi oglọ́n fataka tọn de do e ji, Ṣigba, eyin ewọ yin ohọ̀n de, Mí na yí owhlẹ kedali tọn do sú i.” 10  “Adó de wẹ yẹn, Anọ́ ṣie lẹ sọ taidi atọ̀họ̀ lẹ. Enẹwutu wẹ yẹn lẹzun Mẹhe mọ jijọho to nukun etọn mẹ. 11  Sọlomọni tindo vẹngle de+ to Baali-hamọni. E ze vẹngle lọ do alọmẹ na nukunpedonugotọ lẹ. Dopodopo yetọn na hẹn fataka-kuẹ fọtọ́n wá na sinsẹ́n he e detọ́n. 12  Yẹnlọsu tindo vẹngle ṣie titi. Hiẹ Sọlomọni E, towe wẹ fataka-kuẹ fọtọ́n lẹ yin,* Podọ fọde yin mẹhe nọ penukundo sinsẹ́n etọn lẹ go tọn.” 13  “Mì mẹhe nọ nọ̀ jipa mẹ lẹ emi,+ Họntọn lẹ to todoaina ogbè mìtọn. Mì gbọ yẹn ni sè.”+ 14  “Dowezun, hiẹ mẹyiwanna ṣie, Bo yawu taidi otẹgbọẹ+ Kavi taidi agbanlin winyanwinyan de To osó nuwhẹ́nkun tọn lẹ ji.”

Nudọnamẹ Odò Tọn

Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
“Jah” yin sándogli yinkọ lọ Jehovah tọn.
Kavi vlavo, “Sunnu lọ.”
To paa mẹ, “towe wẹ fọtọ́n lọ lẹ.”