Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ohàn Sọlomọni tọn 7:1-13

NUHE E BẸHẸN LẸ

  • Ahọlu (1-9a)

    • “Lehe hiẹ dọnmẹdogo do sọ!” (6)

  • Awhli (9b-13)

    • “Mẹyiwanna ṣie tọn wẹ yẹn” (10)

7  “Hiẹ viyọnnu he jọmẹ E, Lehe afọ towe lẹ yọnwhanpẹ to afọpa mẹ do sọ! Awusọhia asapada towe tọn taidi aṣọ́donu lẹ, Yèdọ alọnuzọ́n anazọ́nwatọ de tọn.   Ahọ́n towe taidi agbán loboto de. Na ovẹn flusọ́ ni ma hán to e mẹ gbede blo. Adọ̀go towe taidi okọ̀ likun tọn de, To vounvoun lẹ ṣẹnṣẹn.   Anọ́ towe awe lẹ taidi otẹgbọẹvu awe, Ahoho otẹgbọẹ de tọn.+   Okọ̀ towe+ taidi atọ̀họ̀ ajinnakú-dú tọn de.+ Nukun towe lẹ+ taidi otọ̀ he to Hẹṣbọni lẹ,+ To họngbo Bati-labimi tọn kọ̀n. Awọntin towe taidi atọ̀họ̀ Lẹbanọni tọn, He pannukọn Damasku.   Ota towe yin aṣọ́dona taidi Kalmẹli,+ Oda towe lẹ*+ sọ taidi sekan sopẹ́-sinmẹnọ.+ Oda gaa towe he to whinwhàn lẹ duto* ahọlu ji.   Lehe hiẹ yọnwhanpẹ do sọ, podọ lehe hiẹ dọnmẹdogo do sọ, Hiẹ viyọnnu yiwanna ṣie E, a hugan nuhe nọ hẹn awuvivi wá namẹ lẹpo!   Awusọhia towe taidi odétin* de tọn, Anọ́ towe lẹ sọ taidi ohín odé tọn.+   Yẹn dọmọ, ‘Yẹn na hẹ odétin lọ ji Nado hẹn okọ̀ sinsẹ́n etọn tọn lẹ go.’ Na anọ́ towe lẹ ni taidi okọ̀ ovẹn sinsẹ́n tọn lẹ, Gbọfufu towe ni taidi owán gblingblin pọmu tọn,   Podọ onù* towe taidi ovẹn dagbedagbe.” “Na e ni sà dẹẹdẹ na mẹyiwanna ṣie, Na e ni to sisà vudevude gbọn nùflo mẹhe damlọn lẹ tọn go. 10  Mẹyiwanna ṣie tọn wẹ yẹn,+ Yẹn wẹ ewọ sọ tindo ojlo na. 11  Hiẹ mẹyiwanna ṣie E, wá, Gbọ mí ni tọ́nyi danji; Gbọ mí ni yì nọ atin alaali tọn lẹ ṣẹnṣẹn.+ 12  Gbọ mí ni fọ́n to afọnnu fuu bo yì vẹngle mẹ, Nado pọ́n eyin ovẹn ko jọ amà,* Eyin vounvoun lẹ ko kẹ̀,+ Eyin atin pomeglanate* tọn lẹ ko gbàsẹ́.+ Finẹ wẹ yẹn na do owanyi ṣie hia we te.+ 13  Sinsẹ́n mandlaki*+ tọn lẹ de owán gblingblin yetọn tọ́n; Sinsẹ́n dagbedagbe wunmẹ voovo lẹ wẹ tin to ohọ̀n mítọn ji.+ Sinsẹ́n yọyọ po hoho lẹ po, Mẹyiwanna ṣie E, yẹn ko hlá yé dai na we.

Nudọnamẹ Odò Tọn

To paa mẹ, “Ota towe.”
Kavi “blá.”
Odétin wunmẹ ehe nọ wú to Palestine.
To paa mẹ, “bẹ̀homẹ.”
Kavi “tọ́nkun.”
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Ehe yin atin-sinsẹ́n de he tindo sinmẹ yovozẹn tọn bo nọ taidi sinsẹ́n gbómá tọn.