Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ohàn Sọlomọni tọn 6:1-13

NUHE E BẸHẸN LẸ

  • Viyọnnu Jelusalẹm tọn lẹ (1)

  • Awhli (2, 3)

    • “Mẹyiwanna ṣie tọn wẹ yẹn, podọ ewọ yin ṣie” (3)

  • Ahọlu (4-10)

    • “Hiẹ yọnwhanpẹ taidi Tilzahi” (4)

    • Hoyidọ sọn yọnnu lẹ dè (10)

  • Awhli (11, 12)

  • Ahọlu (po mẹdevo lẹ po) (13a)

  • Awhli (13b)

  • Ahọlu (po mẹdevo lẹ po) (13c)

6  “Hiẹ mẹhe yọnwhanpẹ hugan to yọnnu lẹ mẹ E, Fie wẹ mẹyiwanna towe yì? Ali tẹwẹ mẹyiwanna towe wle? Gbọ míwlẹ ni dín in hẹ we.”   “Mẹyiwanna ṣie ko jẹte yì jipa etọn mẹ, Yèdọ yì owhẹ̀n he ji atin nuwhẹ́nkun tọn lẹ tin te, Nado yìn lẹngbọ lẹ to jipa lẹ mẹ Podọ nado kẹ́n vounvoun lẹ.+   Mẹyiwanna ṣie tọn wẹ yẹn, Podọ ewọ yin ṣie.+ E to lẹngbọ lẹ yìn to vounvoun lẹ ṣẹnṣẹn.”+   “Hiẹ yọnwhanpẹ taidi Tilzahi,*+ mẹyiwanna ṣie,+ A sọ yọ́npọ́n taidi Jelusalẹm,+ Whanpẹ towe jiawu taidi awhànfuntọ he lẹdo awhànsia yetọn lẹ.+   De nukun towe lẹ+ sọn ji e, Na yé do magbọjẹ na mi. Oda towe lẹ taidi apó gbọgbọẹ lẹ tọn He to tejẹ sọn okọ́ta Giliadi tọn lẹ ji.+   Adú towe lẹ taidi apó lẹngbọ lẹ tọn He ja sọn fie yè lawu na yé te, Yemẹpo wẹ sọ nọ ji ahoho, Depope to yé mẹ masọ hẹn ovi etọn bu.   Taidi pomeglanate* he yè zẹ̀ Mọ wẹ alaka* towe lẹ te to nukunmẹṣinyọnnu towe glọ.   Ahọsi 60 sọgan tin Podọ asimọwhlá 80 Podọ awhli madosọha lẹ.+   Ṣigba, dopo gee wẹ yin apoe ṣie,+ yèdọ mẹhe ma tindo oblọ. Ovi doponọ onọ̀ etọn tọn. Ewọ wẹ mẹhe ji i nọ kẹ́* hugan. Viyọnnu lẹ mọ ẹn bosọ ylọ ẹ dọ ayajẹnọ; Ahọsi po asimọwhlá lẹ po sọ pà ẹ. 10  ‘Yọnnu tẹ die he to sisẹ́* taidi whèzizẹ, He yọnwhanpẹ taidi osun blebu, He sẹ́ taidi hinhọ́n owhè tọn, He whanpẹ etọn jiawu taidi awhànfuntọ he lẹdo awhànsia yetọn lẹ?’”+ 11  “Yẹn jẹte yì jipa atin he nọ sẹ́n lẹ tọn mẹ+ Nado pọ́n dehe ṣẹṣẹ wú to agbàdo* lọ mẹ lẹ, Nado pọ́n eyin ovẹn ko jọ amà,* Eyin atin pomeglanate* tọn ko gbàsẹ́. 12  Whẹpo yẹn nado yọnẹn, Ojlo* ṣie ko hẹn mi wá Osọ́-kẹkẹ omẹ ṣie he jọmẹ* lẹ tọn mẹ.” 13  “Hiẹ Ṣulaminu E, lẹkọ, lẹkọwa! Lẹkọ, lẹkọwa, Na mí nido pọ́n we!” “Naegbọn mì do to Ṣulaminu lọ pọ́n?”+ “Ewọ taidi wedudu ogbẹ́ awe tọn!”*

Nudọnamẹ Odò Tọn

Kavi “Tòdaho Whanpẹnọ.”
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Kavi “topá.”
To paa mẹ, “Ewọ wẹ mẹhe madoblọ.”
To paa mẹ, “he zẹ̀.”
Kavi “agbàdo tọ̀sisa tọn.” Pọ́n Zẹm.
Kavi “ko tọ́nkun.”
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Kavi “Alindọn.”
Kavi “he tindo ojlo.”
Kavi “wedudu Mahanaimi tọn.”