Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ohàn Sọlomọni tọn 3:1-11

NUHE E BẸHẸN LẸ

  • Awhli (1-5)

    • ‘Yẹn dín mẹhe n’yiwanna to zánmẹ’ (1)

  • Viyọnnu Ziọni tọn lẹ (6-11)

    • Sọlomọni po mẹhe nọ zọnhẹ ẹ lẹ po

3  “To adọzan ṣie ji to zánmẹ, Yẹn dín mẹhe n’yiwanna.*+ Yẹn dín in, ṣigba n’ma mọ ẹn.+   Yẹn na fọ́n bo na dánpe gbọn tòdaho lọ mẹ; To tòhomẹ-liho lẹ ji po tòplitẹn lẹ po, Gbọ yẹn ni dín mẹhe n’yiwanna.* Yẹn dín in, ṣigba n’ma mọ ẹn.   Zanṣọ́tọ he to dindan gbọn tòdaho lọ mẹ lẹ mọ mi.+ ‘Be mìwlẹ mọ mẹhe n’yiwanna* lọ ya?’   Tlolo he n’zẹ̀ yé go Wẹ n’mọ mẹhe n’yiwanna.* N’sọ tẹdo e go, n’ma na jo e do Kaka yẹn nado hẹn ẹn wá ohọ̀ onọ̀ ṣie tọn mẹ,+ Biọ abò mẹhe hẹn ohò ṣie tọn mẹ.   Mì viyọnnu Jelusalẹm tọn lẹ emi, mì whlé na mi, Gbọn otẹgbọẹ po agbanlin asi danji tọn lẹ po dali: Ma nado tẹnpọn nado fọ́n owanyi ṣie dote kakajẹ whenue e na fọ́n na ede.”+   “Etẹ niyẹn he ja sọn danfafa ji taidi azọ̀ titli, He to owán zuya po nuyọnwan gblingblin po tọn de, Gọna onú owán gblingblinnọ ajọwatọ de tọn lẹpo?”+   “Pọ́n! Akanma Sọlomọni tọn wẹ. Sunnu huhlọnnọ kandeko sọ lẹdo e, Sọn sunnu huhlọnnọ Islaeli tọn lẹ mẹ,+   Yemẹpo wẹ yí ohí do blagbajana yede, Yemẹpo wẹ plọn awhànzọ́n, Mẹdopodopo sọ hẹn ohí etọn to adà mẹ Nado nọavùnte sọta owù zánmẹ tọn lẹ.”   “Akanma ahọlu tọn* he yin Ahọlu Sọlomọni tọn wẹ He e yí atin Lẹbanọni tọn lẹ do basi.+ 10  Fataka wẹ e yí do basi dòtin etọn lẹ, Sika wẹ e sọ yí do ján ẹn. Sopẹ́-vọ̀ wẹ e yí do basi aisinnu etọn; Ohò etọn mẹ sọ yin aṣọ́dona tlala Gbọn viyọnnu Jelusalẹm tọn lẹ dali.” 11  “Mì viyọnnu Ziọni tọn lẹ emi, mì tọ́n, Mì pọ́n Ahọlu Sọlomọni He ṣinyọ́n jẹgbakun* alọwle tọn he onọ̀ etọn+ basi na ẹn To azán alọwle tọn etọn gbè, To azán he gbè ahun etọn to ayajẹ.”

Nudọnamẹ Odò Tọn

Kavi “alindọn ṣie yiwanna.”
Kavi “alindọn ṣie yiwanna.”
Kavi “alindọn ṣie yiwanna.”
Kavi “alindọn ṣie yiwanna.”
Akanma he tindo ohọ̀ to ota he nọ yin yiyizan nado ze omẹ nukundeji de.
Kavi “gbakun; aṣọ́donu.”