Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ohàn Sọlomọni tọn 2:1-17

NUHE E BẸHẸN LẸ

  • Awhli (1)

    • ‘Vounvoun de wẹ yẹn’

  • Lẹngbọhọtọ (2)

    • ‘Mẹyiwanna ṣie taidi vounvoun de’

  • Awhli (3-14)

    • ‘Mì fọ́n owanyi ṣie kaka e nado fọ́n blo’ (7)

    • Hoyidọ sọn lẹngbọhọtọ lọ dè (10b-14)

      • “Yọnnu whanpẹnọ ṣie, gbọ mí ni yì” (10b, 13)

  • Nọvisunnu awhli lọ tọn lẹ (15)

    • “Wle owọ̀ lẹ na mí”

  • Awhli (16, 17)

    • “Ṣie wẹ mẹyiwanna ṣie” (16)

2  “Vounvoun gbémẹ* tọn he to dankló huto tọn ji poun de wẹ yẹn, Vounvoun agbàdo mẹ tọn de.”+   “Taidi vounvoun de to owùn lẹ ṣẹnṣẹn Mọ wẹ mẹyiwanna ṣie te to viyọnnu lẹ ṣẹnṣẹn.”   “Taidi pọmu-tin de to atin zungbo mẹ tọn lẹ ṣẹnṣẹn, Mọ wẹ mẹyiwanna ṣie te to visunnu lẹ ṣẹnṣẹn. Yẹn jlo vẹkuvẹku nado sinai to oyẹ̀ etọn glọ, Sinsẹ́n etọn sọ vivi to onù ṣie mẹ.   E plan mi biọ owhé hùnwhẹ tọn gbè,* Owanyi etọn sọ ṣinyọnyẹ ji e.   Yí akla hìhì ovẹn sinsẹ́n tọn lẹ do fakọna mi;+ Yí pọmu do hẹn mi dogbẹ̀, Na owanyi ko doazọ̀n mi wutu.   Amiyọnlọ etọn tin to ota ṣie glọ, Adusilọ etọn sọ gbò mi fán.+   Mì viyọnnu Jelusalẹm tọn lẹ emi, mì whlé na mi, Gbọn otẹgbọẹ+ po agbanlin asi danji tọn lẹ po dali: Ma nado tẹnpọn nado fọ́n owanyi ṣie dote kakajẹ whenue e na fọ́n na ede.+   Ogbè mẹyiwanna ṣie tọn to yinyin sisè! Pọ́n! E ko ja, Bo to osó lẹ hẹ bosọ to linlọ́n gbọn okọ́ta lẹ ji.   Mẹyiwanna ṣie taidi otẹgbọẹ, yèdọ taidi agbanlin winyanwinyan de.+ E tin to ote to adó mítọn godo, Bo to nupọn gbọn fleṣenu, E to nupọn gbọn nùvo fleṣe lọ tọn lẹ nù. 10  Mẹyiwanna ṣie dọho, e sọ dọna mi dọ: ‘Fọ́n, mẹyiwanna ṣie, Yọnnu whanpẹnọ ṣie, gbọ mí ni yì. 11  Pọ́n! avivọ-whenu* ko juwayi, Jikun ko doalọte bọ ojlẹ etọn ko wayi. 12  Vounvoun lẹ ko gbàsẹ́ to aigba lọ ji,+ Ojlẹ ko sọ̀ nado pà ota na yé,+ Podọ nudidọ owhlé tọn ko yin sisè to aigba mítọn ji.+ 13  Ovòtin ko de sinsẹ́n tintan etọn lẹ tọ́n;+ Vẹntin lẹ ko gbàsẹ́ bo to owán gblingblin de. Mẹyiwanna ṣie, fọ́n bo wá. Yọnnu whanpẹnọ ṣie, gbọ mí ni yì. 14  Hiẹ apoe ṣie E, to oslò mẹ,+ To oslò osó he tin to aga pete tọn mẹ, Gbọ yẹn ni mọ we bo sè ogbè towe,+ Na ogbè towe nọ yọ́nsè, awusọhia towe sọ nọ yọ́npọ́n.’”+ 15  “Wle owọ̀ lẹ na mí, Owọ̀ ovu he nọ hẹn vẹngle gble lẹ, Na ovẹn mítọn lẹ ko gbàsẹ́.” 16  “Ṣie wẹ mẹyiwanna ṣie bọ yẹn sọ yin ewọ tọn.+ E to lẹngbọ lẹ yìn+ to vounvoun lẹ ṣẹnṣẹn.+ 17  Kakajẹ whenue jẹhọn flẹ́flẹ́ okle tọn* na yìn bọ oyẹ̀ na busẹ, Yawu lẹkọ, hiẹ mẹyiwanna ṣie E, Taidi otẹgbọẹ+ kavi agbanlin+ winyanwinyan de to osó he vùn mí lẹ ji.*

Nudọnamẹ Odò Tọn

To paa mẹ, “Saflọni.”
To paa mẹ, “owhé ovẹn tọn gbè.”
Kavi “jikun-whenu.”
To paa mẹ, “gbọfufu okle tọn.”
Kavi vlavo, “oslò osó lẹ tọn mẹ.” Kavi “osó Bẹta tọn lẹ ji.”