Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ohàn Sọlomọni tọn 1:1-17

NUHE E BẸHẸN LẸ

  • Ohàn vivi lẹ (1)

  • Awhli (2-7)

  • Viyọnnu Jelusalẹm tọn lẹ (8)

  • Ahọlu (9-11)

    • “Mí na basi aṣọ́donu sika tọn lẹ na we” (11)

  • Awhli (12-14)

    • “Mẹyiwanna ṣie tin na mi taidi apò zuya tọn” (13)

  • Lẹngbọhọtọ (15)

    • “Mẹyiwanna ṣie, hiẹ yọnwhanpẹ”

  • Awhli (16, 17)

    • “Mẹyiwanna ṣie, hiẹ yọnwhanpẹ” (16)

1  Ohàn vivi* Sọlomọni tọn:+   “Gbọ ewọ ni yí nùflo etọn do donùnùgo na mi, Na owanyi he a dohia mi pọnte hú ovẹn.+   Owán gblingblin amì towe lẹ tọn yọ́nsè.+ Yinkọ towe taidi amì owán gblingblinnọ he yin kinkọnjẹgbonu.+ Enẹ wẹ zọ́n bọ awhli lẹ do yiwanna we.   Gbọ mí ni zọ̀n;* dike mí ni họ̀nwezun. Ahọlu ko hẹn mi biọ abò etọn lẹ mẹ! Gbọ mí ni jaya, dike ma jẹaglin hẹ we. Gbọ mí ni pà owanyi he a dohia hugan ovẹn. Abajọ yé* do yiwanna we.   Viyọnnu Jelusalẹm tọn lẹ emi, yẹn diyuu,* amọ́ yẹn yọnwhanpẹ, Taidi gòhọ Kẹdali tọn lẹ,+ taidi avọ̀ gòhọ tọn+ Sọlomọni tọn lẹ.   Mì pọ́n mi na yẹn diyuu wutu blo, Na owhè wẹ hùn do ji e. Visunnu onọ̀ ṣie tọn lẹ gblehomẹ do go e; Yé sọ deazọ́nna mi nado nọ penukundo vẹngle lẹ go, Ṣigba, vẹngle ṣie titi go wẹ yẹn ma penukundo.   Dọna mi, hiẹ mẹhe yẹn yiwanna* tlala, Fie wẹ a to lẹngbọ towe lẹ yìn te,+ Fie a nọ plan yé yì nado yì gbọjẹ to owhè ṣádada mẹ. Naegbọn yẹn nado taidi yọnnu he ze nukunmẹṣinyọnnu* de ṣinyọ́n To lẹngbọ he yin hagbẹ towe lẹ tọn ṣẹnṣẹn?”   “Hiẹ yọnnu whanpẹnọ tlala E, eyin hiẹ ma yọnẹn, Hodo afọdòmẹ lẹngbọpa lọ tọn, Bo yìn gbọgbọẹvu towe lẹ to gòhọ lẹngbọhọtọ lọ lẹ tọn pá.”   “Hiẹ mẹyiwanna ṣie, yẹn yí we jlẹdo osọ́ asi de* go to osọ́-kẹkẹ Falo tọn lẹ mẹ.+ 10  Aṣọ́donu* lẹ hẹn alaka towe yọnwhanpẹ, A sọ yí ojẹ́ lẹ do doaṣọ́na okọ̀ towe. 11  Mí na basi aṣọ́donu* sika tọn lẹ na we, Fataka nasọ gbọn e go.” 12  “Eyin ahọlu sinai to tafo loboto etọn kọ̀n, Amì owán gblingblinnọ*+ ṣie nọ to owán de. 13  Mẹyiwanna ṣie tin na mi taidi apò zuya tọn+ he to owán de, Akọ́nnu ṣie wẹ e na mlọn to zánmẹ. 14  Mẹyiwanna ṣie tin na mi taidi ohín alaali tọn,+ To vẹngle Ẹn-gẹdi tọn lẹ mẹ.”+ 15  “Pọ́n! Mẹyiwanna ṣie, hiẹ yọnwhanpẹ. Pọ́n! A yọnwhanpẹ. Nukun towe lẹ taidi apoe tọn lẹ.”+ 16  “Pọ́n! Mẹyiwanna ṣie, hiẹ yọnwhanpẹ* bosọ jọmẹ.+ Alà lẹ ṣẹnṣẹn wẹ adọzan mítọn tin te. 17  Atin kedali tọn lẹ wẹ dòtin ohọ̀* mítọn tọn, Podọ atin junipeli tọn wẹ mí yí do gla ẹ.

Nudọnamẹ Odò Tọn

Kavi “Ohàn dagbedagbe.”
To paa mẹ, “Plan mi hẹn.”
Enẹ wẹ, jọja yọnnu lẹ.
To paa mẹ, “yin mẹyuu.”
Kavi “alindọn ṣie yiwanna.”
Kavi “nukunmẹṣinyọnnu aluẹmẹninọ tọn.”
Kavi “ṣie.”
Kavi vlavo, “Oda biblá.”
Kavi “alọkẹ.”
To paa mẹ, “Atin owán gblingblinnọ.”
Kavi “yọ́ndẹpẹ.”
Kavi “ohọ̀ daho.”