Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Lomunu lẹ 5:1-21

NUHE E BẸHẸN LẸ

  • Whẹgbigbọ hẹ Jiwheyẹwhe gbọn Klisti gblamẹ (1-11)

  • Okú gbọn Adam gblamẹ wá, ogbẹ̀ gbọn Klisti gblamẹ wá (12-21)

    • Ylando po okú po dlẹnkan (12)

    • Nuyiwa whẹsunamẹ tọn dopo (18)

5  Enẹwutu, todin he mí ko yin lilá di dodonọ gbọn yise dali,+ mì gbọ mí ni gbọṣi jijọho mẹ* hẹ Jiwheyẹwhe gbọn Oklunọ mítọn Jesu Klisti gblamẹ,+  yèdọ mẹhe gblamẹ mílọsu gbọn yise dali penugo nado biọ nukundagbe majẹhẹ he mẹ mí tin te todin lọ mẹ;+ podọ mì gbọ mí ni jaya,* na todido to gigo Jiwheyẹwhe tọn mẹ wutu.  E ma yin enẹ kẹdẹ, ṣigba mì gbọ mí ni jaya* to whenue mí tin to nukunbibia lẹ mẹ,+ dile mí yọnẹn dọ nukunbibia nọ hẹn akọndonanu wá;+  akọndonanu, to godo mẹ, nọ hẹn ninọmẹ he yin alọkẹyi wá;+ ninọmẹ he yin alọkẹyi, to godo mẹ, nọ hẹn todido wá,+  podọ todido ma nọ hẹn flumẹjijẹ wá;+ na ahun mítọn ko yin hinhẹn gọ́ po owanyi Jiwheyẹwhe tọn po gbọn gbigbọ wiwe he ko yin nina mí lọ gblamẹ.+  Na nugbo tọn, dile mí gbẹ́ yin madogánnọ,*+ Klisti kú na omẹ jijọ-madi-Jiwheyẹwhe tọn lẹ to ojlẹ dide lọ mẹ.  E ma yá bọ mẹde na kú do dodonọ tamẹ; dile etlẹ yindọ vlavo mẹde sọgan gboadọ nado kú do mẹdagbe de tamẹ.  Ṣigba, Jiwheyẹwhe do owanyi ede tọn hia mí to enẹ mẹ dọ, dile mí gbẹ́ to ylandonọ yin, Klisti kú na mí.+  Enẹwutu, to whenue e yindọ mí ko yin lilá di dodonọ gbọn ohùn etọn dali todin,+ nẹmunẹmu wẹ ewọ ma na whlẹn mí gán sọn homẹgble mẹ.+ 10  Na eyin mí lẹzun mẹhe gbọwhẹ hẹ Jiwheyẹwhe gbọn okú Visunnu etọn tọn gblamẹ to whenue mí gbẹ́ yin kẹntọ lẹ,+ todin he mí ko lẹzun mẹhe gbọwhẹ, nẹmunẹmu wẹ mí ma na yin whinwhlẹngán gbọn ogbẹ̀ etọn dali. 11  E ma yin enẹ kẹdẹ, ṣigba mí sọ to ayajẹ to Jiwheyẹwhe mẹ gbọn Oklunọ mítọn Jesu Klisti gblamẹ, yèdọ mẹhe gblamẹ míwlẹ ko penugo nado gbọwhẹ todin.+ 12  Enẹwutu, kẹdẹdile ylando gbọn mẹdopo gblamẹ biọ aihọn mẹ podọ okú gbọn ylando gblamẹ wá,+ gbọnmọ dali okú dlẹnkan jẹ mẹlẹpo dè, na yemẹpo wẹ ko waylando wutu+—. 13  Na ylando ko tin to aihọn mẹ jẹnukọnna Osẹ́n lọ, ṣigba owhẹ̀ ylando tọn ma yin sisadokọna mẹdepope to whenue osẹ́n de ma ko tin.+ 14  Etomọṣo, okú dugán taidi ahọlu sọn Adam ji kakajẹ Mose ji, etlẹ yin do mẹhe ma ko waylando dile Adam doalọ to sẹ́nhẹngba mẹ do lẹ ji, yèdọ ewọ he taidi mẹhe na wá lọ nkọ.+ 15  Ṣigba, nunina lọ ma yin nudopolọ po sẹ́nmẹjijẹ lọ po. Na eyin mẹsusu kú na sẹ́nmẹjijẹ mẹdopo tọn wutu, nẹmunẹmu wẹ nukundagbe majẹhẹ Jiwheyẹwhe tọn po nunina vọnu etọn po gbọn nukundagbe majẹhẹ mẹdopo lọ,+ yèdọ Jesu Klisti tọn dali, ma na ko hẹn ale susugege wá na mẹsusu!+ 16  Humọ, kọdetọn nunina vọnu lọ tọn ma yin nudopolọ po kọdetọn ylando mẹdopo lọ tọn po gba.+ Na to sẹ́nmẹjijẹ dopo godo, whẹdida lọ dekọtọn do whẹgbledo mẹ,+ ṣigba to sẹ́nmẹjijẹ susu godo, nunina lọ dekọtọn do mẹsusu lilá di dodonọ mẹ.+ 17  Na gbọn sẹ́nmẹjijẹ mẹdopo tọn dali, eyin okú dugán taidi ahọlu gbọn omẹ enẹ gblamẹ,+ nẹmunẹmu wẹ mẹhe mọ nukundagbe majẹhẹ susugege po nunina vọnu dodowiwa tọn po yí lẹ ma na tin to ogbẹ̀+ bo dugán taidi ahọlu lẹ+ gbọn mẹlọ, yèdọ Jesu Klisti gblamẹ!+ 18  Enẹwutu, to whelọnu lo, dile gbẹtọ wunmẹ lẹpo yin whẹgbledo gbọn sẹ́nmẹjijẹ dopo dali,+ mọdopolọ ga wẹ gbẹtọ wunmẹ lẹpo yin lilá di dodonọ+ na ogbẹ̀ gbọn nuyiwa whẹsunamẹ tọn dopo dali do.+ 19  Na kẹdẹdile mẹsusu lẹzun ylandonọ gbọn tolivivẹ mẹdopo tọn gblamẹ do,+ mọdopolọ ga wẹ mẹsusu na lẹzun dodonọ gbọn tonusise mẹdopo tọn gblamẹ do.+ 20  Todin, Osẹ́n lọ wá aimẹ to godo mẹ na sẹ́nmẹjijẹ nido sọgan jideji.+ Ṣigba, fihe ylando ko jideji te, nukundagbe majẹhẹ ko sudeji dogọ ga. 21  Na lẹndai tẹ wutu? Na kẹdẹdile ylando po okú po dugán taidi ahọlu do,+ mọdopolọ ga wẹ nukundagbe majẹhẹ dona dugán taidi ahọlu to dodowiwa mẹ do nado hẹn ogbẹ̀ madopodo wá gbọn Jesu Klisti Oklunọ mítọn gblamẹ.+

Nudọnamẹ Odò Tọn

Kavi vlavo, “mí tin to jijọho mẹ.”
Kavi vlavo, “podọ mí nọ jaya.”
Kavi vlavo, “ṣigba mí nọ jaya.”
Kavi “ylandonọ.”