Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Lomunu lẹ 16:1-27

NUHE E BẸHẸN LẸ

  • Paulu pà lizọnyizọnwatọ Febe hlan (1, 2)

  • Nudọdomẹ hlan Klistiani Lomu tọn lẹ (3-16)

  • Avase gando kinklan go (17-20)

  • Nudọdomẹ sọn azọ́nwatọ hatọ Paulu tọn lẹ dè (21-24)

  • Aṣli wiwe yin yinyọnẹn todin (25-27)

16  Yẹn pà Febe hlan mì, yèdọ mẹmẹyọnnu mítọn he yin lizọnyizọnwatọ de to agun he tin to Kẹnklea mẹ,+  na mì nido sọgan kẹalọyi i to Oklunọ mẹ to aliho he jẹna omẹ wiwe lẹ mẹ bo gọalọna ẹn to nudepope he mẹ e na tindo nuhudo te,+ na ewọ lọsu ko do ede hia nado yin avùnlọyitọ na mẹsusu, etlẹ yin na yẹnlọsu ga.  Mì yí nudọdomẹ ṣie na Pliska po Akuila po+ he yin azọ́nwatọ hatọ ṣie lẹ to Klisti Jesu mẹ,  mẹhe ko ze ogbẹ̀ yetọn do owù mẹ na yẹn* tọn wutu,+ e ma yin yẹn dopo kẹdẹ wẹ to pẹdona yé gba, ṣigba agun he tin to akọta lẹ mẹ lẹpo ga.  Mì sọ dọnudo agun lọ he tin to owhé yetọn gbè.+ Mì dọnudo mẹyiwanna ṣie Epenetu, he yin dopo to sinsẹ́n tintan Asia tọn lẹ mẹ na Klisti.  Mì dọnudo Malia, mẹhe ko jẹtukla susu do ota mìtọn mẹ.  Mì dọnudo Andloniku po Junia po, mẹhe yin hẹnnumẹ ṣie lẹ+ po gàntọ hatọ ṣie lẹ po, yèdọ mẹhe yin yinyọnẹn ganji gbọn apọsteli lẹ dali bo ko tin to kọndopọ mẹ hẹ Klisti na ojlẹ dindẹn hú mi.  Mì yí nudọdomẹ ṣie na Ampliatu, mẹyiwanna ṣie to Oklunọ mẹ.  Mì dọnudo Ulbanu, azọ́nwatọ hatọ mítọn to Klisti mẹ, podọ mẹyiwanna ṣie Staki. 10  Mì dọnudo Apele, mẹhe yin alọkẹyi to Klisti mẹ. Mì dọnudo whédo Alistobulu tọn. 11  Mì dọnudo Hẹlọdioni hẹnnumẹ ṣie. Mì dọnudo hagbẹ whédo Nasisi tọn he tin to Oklunọ mẹ lẹ. 12  Mì dọnudo Tlifena po Tlifosa po, yèdọ yọnnu lọ lẹ he to azọ́n sinsinyẹn wà to Oklunọ mẹ. Mì dọnudo Pelsi mẹyiwanna mítọn, na ewọ ko jẹtukla susu to Oklunọ mẹ. 13  Mì dọnudo Lufu, mẹdide lọ to Oklunọ mẹ, podọ onọ̀ etọn he sọ yin onọ̀ de na mi. 14  Mì dọnudo Asinklitu, Flegoni, Helme, Patloba, Helma podọ mẹmẹsunnu he tin po yé po lẹ. 15  Mì dọnudo Filologu po Julia po, Neleu po nọviyọnnu etọn po, podọ Olimpa gọna omẹ wiwe he tin po yé po lẹpo. 16  Mì yí nùdonùgo wiwe do dọnudo ode awetọ. Agun Klisti tọn lẹpo dọnudo mì. 17  Todin, mẹmẹsunnu lẹ emi, yẹn dotuhomẹna mì nado nọ payi mẹhe nọ hẹn kinklan po ahlidanu he jẹagọdo nuhe mì ko plọn lẹ po wá lẹ go bo dapana yé.+ 18  Na omẹ mọnkọtọn lẹ yin afanumẹ, e ma yin na Oklunọ mítọn Klisti, ṣigba na ojlo* yetọn titi lẹ, podọ yé nọ gbọn ohó vivi po mẹpipa oklọ tọn po dali do doyẹklọ ahun homẹvọnọ lẹ tọn. 19  Tonusise mìtọn ko yin ayidego na mẹlẹpo, podọ enẹwutu, yẹn jaya na mìtọn wutu. Ṣigba, yẹn jlo dọ mì ni yin nuyọnẹntọ gando nuhe yin dagbe go, ṣigba homẹvọnọ gando nuhe yin oylan go.+ 20  Podọ Jiwheyẹwhe he nọ namẹ jijọho na gídí Satani+ to afọ mìtọn lẹ glọ to madẹnmẹ. Na nukundagbe majẹhẹ Oklunọ mítọn Jesu tọn ni tin hẹ mì. 21  Timoti, azọ́nwatọ hatọ ṣie dọnudo mì, podọ Lukiu, Jasoni po Sosipateli po he yin hẹnnumẹ ṣie lẹ+ wàmọ ga. 22  Yẹn, Teltiu, he basi kandai wekanhlanmẹ ehe tọn, dọnudo mì to Oklunọ mẹ. 23  Gaiu,+ mẹhe yí mi do whégbè podọ owhé mẹhe tọn gbè agun lọ pete nọ pli do dọnudo mì. Elastu, akuẹbẹhẹntọ* tòdaho lọ tọn dọnudo mì, podọ Kualtu nọvisunnu etọn wàmọ ga. 24  *—— 25  Todin, hlan Mẹlọ he sọgan hẹn mì lodo to kọndopọ mẹ hẹ wẹndagbe lọ he yẹn to lilá podọ yẹwheho he yin didọ gando Jesu Klisti go, sọgbe hẹ osọhia aṣli wiwe+ he ko yin whiwhla na ojlẹ dindẹn lọ tọn 26  ṣigba he ko yin didehia todin bo ko yin hinhẹn zun yinyọnẹn gbọn dọdai Owe-wiwe tọn lẹ gblamẹ to akọta lẹpo ṣẹnṣẹn to kọndopọ mẹ hẹ gbedide Jiwheyẹwhe madopodo lọ tọn nado nọgodona tonusise gbọn yise dali; 27  na gigo ni tin hlan Jiwheyẹwhe, yèdọ nuyọnẹntọ dopo lọ+ gbọn Jesu Klisti gblamẹ kakadoi. Niṣẹ.*

Nudọnamẹ Odò Tọn

Kavi “alindọn ṣie “
Kavi “adọ̀go.”
Kavi “họ̀nkọnsi.”
Pọ́n Nud. A3.
Kavi “Amẹn” to Glẹkigbe mẹ.