Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Lomunu lẹ 14:1-23

NUHE E BẸHẸN LẸ

  • Mì nọ dawhẹna ode awetọ blo (1-12)

  • Mì hẹn mẹdevo lẹ dahli blo (13-18)

  • Mì doafọna jijọho po pọninọ po (19-23)

14  Mì kẹalọyi mẹlọ he yin madogánnọ to yise etọn mẹ,+ ṣigba mì dawhẹ gando linlẹn* mẹdetiti tọn etọn lẹ go blo.  Mẹde tindo yise nado nọ dù nulẹpo, ṣigba mẹlọ he yin madogánnọ nọ dù omá lẹ kẹdẹ.  Mì gbọ mẹhe to dùdù yí nukunpẹvi do pọ́n mẹhe ma to dùdù blo, podọ mì gbọ mẹhe ma to dùdù dawhẹna mẹhe to dùdù blo,+ na Jiwheyẹwhe ko kẹalọyi i.  Mẹnu wẹ hiẹ yin nado dawhẹna devizọnwatọ mẹdevo tọn?+ Ogán etọn wẹ na dọ eyin e to ote kavi e jai.+ Na nugbo tọn, ewọ na yin hinhẹn nado nọte, na Jehovah* sọgan hẹn ẹn nọte.  Mẹde nọ pọ́n azán de hlan taidi dehe yiaga hugan devo;+ mẹdevo nọ pọ́n azán de hlan taidi nudopolọ hẹ dehe pò lẹpo;+ mì gbọ mẹdopodopo ni tindo nujikudo mlẹnmlẹn to ayiha etọn titi mẹ.  Mẹhe nọ payi azán go nọ payi e go nado hẹn gbégbò wá na Jehovah.* Mọdopolọ, mẹhe to núdù, to dùdù nado hẹn gbégbò wá na Jehovah,* na ewọ nọ dopẹna Jiwheyẹwhe;+ podọ mẹhe ma nọ dù, ma nọ dù nado hẹn gbégbò wá na Jehovah,* etomọṣo, ewọ nọ dopẹna Jiwheyẹwhe.+  Na nugbo tọn, depope to mí mẹ ma nọ nọgbẹ̀ na edetiti kẹdẹ,+ podọ mẹdepope ma nọ kú na edetiti kẹdẹ.  Na eyin mí to ogbẹ̀, mí to ogbẹ̀ na Jehovah,*+ podọ eyin mí kú, mí kú na Jehovah.* Enẹwutu, eyin mí to ogbẹ̀ podọ eyin mí kú, Jehovah* tọn wẹ mí yin.+  Na ehe wutu wẹ Klisti kú bo gọwá ogbẹ̀ whladopo dogọ, na ewọ nido sọgan yin Oklunọ do oṣiọ lẹ po mẹhe to ogbẹ̀ lẹ po ji.+ 10  Ṣigba, naegbọn hiẹ do to whẹdana mẹmẹsunnu towe?+ Kavi naegbọn hiẹ sọ nọ yí nukunpẹvi do pọ́n mẹmẹsunnu towe? Na mímẹpo wẹ na ṣite to whẹdaján Jiwheyẹwhe tọn nukọn.+ 11  Na e ko yin kinkandai dọmọ: “‘Dile yẹn togbẹ̀,’+ wẹ Jehovah dọ, ‘yẹn wẹ kligonu lẹpo na nọ dẹ́ yìdo na, bọ odẹ́ lẹpo na nọ basi gbeyiyi to gbangba hlan Jiwheyẹwhe.’”+ 12  Enẹwutu, to whelọnu lo, dopodopo mítọn wẹ na dogbè edetiti tọn na Jiwheyẹwhe.+ 13  Enẹwutu, mì gbọ mí ni ma nọ dawhẹna ode awetọ ba blo,+ kakatimọ mì magbe ma nado nọ ze zannu ahlida tọn kavi afọklẹnnu de donukọnna mẹmẹsunnu de.+ 14  Yẹn yọnẹn bosọ kudeji to Oklunọ Jesu mẹ dọ nudepope ma yin mawé to ede mẹ;+ to whenue mẹde pọ́n nude di mawé kẹdẹ wẹ e nọ yin mawé na ẹn. 15  Na eyin hiẹ hẹn awugble mẹmẹsunnu towe na núdùdù wutu, hiẹ masọ to zọnlinzin to kọndopọ mẹ hẹ owanyi ba.+ A gbọn núdùdù towe dali hù mẹhe Klisti kú na lọ sudo blo.+ 16  Enẹwutu, mì dike nuylankan yin didọ gando dagbe he mì nọ wà go blo. 17  Na Ahọluduta Jiwheyẹwhe tọn ma zẹẹmẹdo dùdù po nùnù po,+ ṣigba e zẹẹmẹdo dodowiwa, jijọho po ayajẹ po he gbigbọ wiwe nọ hẹnwa. 18  Na mẹdepope he yin afanumẹ na Klisti to aliho ehe mẹ na yin alọkẹyi gbọn Jiwheyẹwhe dali bo na yin alọkẹyi to gbẹtọ lẹ dè. 19  Enẹwutu, to whelọnu lo, mì gbọ mí ni doafọna nuhe nọ hẹn jijọho wá lẹ+ po nuhe nọ jlọ ode awetọ dote lẹ po.+ 20  Hiẹ sọ họ́ azọ́n Jiwheyẹwhe tọn liai na núdùdù wutu ba blo.+ Na nugbo tọn, nulẹpo wẹ wé, ṣigba nuylankan wẹ e yin* dọ mẹde ni dù to whenue e sọgan hẹnmẹ dahli.+ 21  E pọnte ma nado dù olàn kavi nù ovẹn kavi wà nudepope he na hẹn mẹmẹsunnu towe dahli.+ 22  Yise he hiẹ tindo, yí i zan na dewe to Jiwheyẹwhe nukọn. Ayajẹnọ wẹ mẹlọ he ma nọ dawhẹna ede gbọn nuhe e nọ kẹalọyi dali. 23  Ṣigba, eyin e tindo ayihaawe, ewọ ko yin whẹgbledo dote eyin e dù, na e ma yí yise do dù wutu. Na nugbo tọn, nudepope he ma yin gbọn yise dali yin ylando.

Nudọnamẹ Odò Tọn

Kavi vlavo, “ahunmẹdunamẹnu.”
Pọ́n Nud. A5.
Pọ́n Nud. A5.
Pọ́n Nud. A5.
Pọ́n Nud. A5.
Pọ́n Nud. A5.
Pọ́n Nud. A5.
Pọ́n Nud. A5.
Kavi “e ma sọgbe.”