Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Joẹli 3:1-21

NUHE E BẸHẸN LẸ

  • Jehovah na dawhẹna akọta lẹpo (1-17)

    • Agbàdo Jehoṣafati tọn (2, 12)

    • Agbàdo nudide tọn (14)

    • Jehovah, fibẹtado de na Islaeli (16)

  • Jehovah nọ dona omẹ etọn lẹ (18-21)

3  “Na pọ́n! to azán enẹlẹ gbè podọ to ojlẹ enẹ mẹ, Whenue yẹn na ko plan kanlinmọ Juda po Jelusalẹm po tọn lẹ lẹkọ godo,+   Yẹn nasọ bẹ akọta lẹpo pli dopọ Bo na hẹn yé jẹte wá Agbàdo Jehoṣafati* tọn mẹ. Finẹ wẹ yẹn nasọ dawhẹna yé te+ Do ota omẹ ṣie lẹ po ogú ṣie Islaeli po tọn mẹ, Na yewlẹ wẹ vúnvún yé pé gbọn akọta lẹ ṣẹnṣẹn, Podọ yewlẹ wẹ má aigba ṣie to yedelẹ ṣẹnṣẹn.+   Na yé nọ de ovò do omẹ ṣie lẹ ji;+ Yé nọ ze yọpọ sunnu jo nado haya galọtọ de Bo nọ sà viyọnnu nado họ̀ ovẹn bo nù.   Humọ, Tile, Sidoni po agbegbe Filisti tọn lẹpo po emi, Etẹwẹ mìwlẹ tindo sọta mi? Be ahọsuyi wẹ mìwlẹ te to go e na nude wutu ya? Eyin ahọsuyi wẹ mì te, Whenẹnu, yẹn na yawu hẹn ahọsumẹ mìtọn wá ota na mì po awuyiya po.+   Na mìwlẹ ko yí fataka po sika ṣie po,+ Bo ko sọ bẹ adọkunnu dagbe hugan ṣie lẹ wá tẹmpli mìtọn lẹ mẹ;   Mì ko sọ sà omẹ Juda po Jelusalẹm po tọn lẹ na Glẹkinu lẹ,+ Nado hẹn yé dẹn do aigba yetọn;   Todin, yẹn na fọ́n yé nado lẹkọwa sọn fie mì ko sà yé do,+ Yẹn nasọ hẹn ahọsumẹ mìtọn wá ota na mì.   Yẹn na sà visunnu po viyọnnu mìtọn lẹ po do alọ omẹ Juda tọn lẹ tọn mẹ,+ Bọ yewlẹ na sà yé na omẹ Ṣeba tọn lẹ, yèdọ na akọta he to fidindẹn de; Na Jehovah lọsu ko dọ ẹ.   Mì lá ehe to akọta lẹ ṣẹnṣẹn dọmọ:+ ‘Mì wleawudaina* awhàn! Mì fọnadán na sunnu huhlọnnọ lẹ! Mì gbọ awhànfuntọ lẹpo ni dọnsẹpọ, mì gbọ yé ni sẹwá!+ 10  Mì yí glepọnu mìtọn lẹ do tùn ohí lẹ podọ agbogọdọẹ mìtọn lẹ do tùn owhán lẹ. Mì gbọ madogánnọ ni dọmọ: “N’ko lẹzun huhlọnnọ.” 11  Mì wá gọalọ, mì akọta he lẹdo pé lẹpo, mì bẹ mìde pli dopọ!’”+ Jehovah E, hẹn huhlọnnọ* towe lẹ jẹte wá finẹ. 12  “Mì gbọ akọta lẹ ni fọnadán bo wá Agbàdo Jehoṣafati tọn mẹ; Na finẹ wẹ yẹn na sinai do nado dawhẹna akọta he lẹdo pé lẹpo.+ 13  Mì yìn agbogọdọẹ do e mẹ, na ojijẹ lọ ko bia. Mì jẹte wá nado linú, na ovẹn-finyọ́ndo lọ ko gọ́.+ Ovẹn-dò lẹ ko gọfla, na ylanwiwa yetọn ko sù gbau. 14  Gbẹtọgun, yèdọ gbẹtọgun susu wẹ tin to agbàdo nudide tọn lọ mẹ, Na azán Jehovah tọn ko sẹpọ to agbàdo nudide tọn lọ mẹ.+ 15  Owhè po osun po na dózin, Bọ sunwhlẹvu lẹ ma na sẹ́ ba. 16  Jehovah nasọ lì sọn Ziọni, E na ze ogbè etọn daga sọn Jelusalẹm. Olọn po aigba po nasọ whàn; Ṣigba, Jehovah na yin fibẹtado de na omẹ etọn lẹ,+ Yèdọ hihọ́tẹn de na omẹ Islaeli tọn lẹ. 17  Mìwlẹ nasọ yọnẹn dọ yẹn wẹ Jehovah Jiwheyẹwhe mìtọn, he nọ nọ̀ Ziọni, osó wiwe ṣie ji.+ Jelusalẹm na lẹzun fiwiwe de,+ Bọ jonọ lẹ ma na nọ jugbọn e mẹ wayi ba.+ 18  To ojlẹ enẹ mẹ, ovẹn he vivi na nọ kùn sọn osó lẹ mẹ,+ Anọ́sin na nọ sà sọn okọ́ta lẹ ji, Bọ osin nasọ nọ sà sọn asisa Juda tọn lẹpo mẹ. Asisa osin tọn de na nọ sà sọn ohọ̀ Jehovah tọn mẹ,+ Bo na nọ húsinna Agbàdo* Akasia-Tin tọn lẹ. 19  Ṣigba, Egipti na jẹvọ́,+ Bọ Edomi na lẹzun danfafa he jẹvọ́ de,+ Na danú he yin wiwà do omẹ Juda tọn lẹ go wutu,+ Yèdọ aigba mẹhe tọn ji yé sọ̀n ohùn homẹvọnọ lẹ tọn dai te.+ 20  Ṣigba, gbẹtọ lẹ na nọ nọ̀ Juda tẹgbẹ, Bo nasọ nọ nọ̀ Jelusalẹm sọn whẹndo de mẹ jẹ devo mẹ.+ 21  Yẹn na nọ pọ́n ohùn* yetọn he n’ma ko nọ pọ́n taidi homẹvọnọ dai di homẹvọnọ;+ Jehovah nasọ nọ nọ̀ Ziọni.”+

Nudọnamẹ Odò Tọn

Zẹẹmẹdo “Jehovah Wẹ Whẹdatọ.”
To paa mẹ, “basi klandowiwe na.”
Kavi “awhànfuntọ.”
Kavi “Agbàdo Tọ̀sisa tọn.” Pọ́n Zẹm.
Kavi “hùnhọ́dudu.”