Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Joẹli 2:1-32

NUHE E BẸHẸN LẸ

  • Azán Jehovah tọn po awhànpa etọn po (1-11)

  • Oylọ nado lẹkọwa Jehovah dè (12-17)

    • “Mì tlẹ́n ahun mìtọn” (13)

  • Nuhe Jehovah dọna omẹ etọn lẹ (18-32)

    • “Yẹn na kọ̀n gbigbọ ṣie” (28)

    • Nujiawu to olọn podọ to aigba ji (30)

    • Mẹhe dawhá ylọ Jehovah wẹ yè na whlẹngán (32)

2  “Mì kún azò de to Ziọni!+ Mì dawhá awhàn tọn to osó wiwe ṣie ji. Mì gbọ mẹhe nọ nọ̀ aigba lọ ji lẹpo ni sisọ, Na azán Jehovah tọn ja!+ E ko sẹpọ!   Azán zinvlu po zinvlu titli po tọn de wẹ,+ Azán aslọ lẹ po zinvlu gọ́ngọ́n tọn de po,+ Kẹdẹdi hinhọ́n afọnnu tọn he họ́n do osó lẹ ji. Gbẹtọ susugege podọ huhlọnnọ de wẹ;+ Akọta de ma ko tin taidi ehe nkọ pọ́n, Mọ devo de ma nasọ wá tin gbede Sọn whẹndo de mẹ jẹ devo mẹ.   Miyọ́n de to núdù sudo to nukọn etọn, Bọ miyọ́n he to jiji de to nuhẹngble to godo etọn.+ Aigba he to nukọnna ẹn tin taidi jipa Edẹni tọn,+ Ṣigba, danfafa he jẹvọ́ de wẹ to godona ẹn, Bọ nudepope ma sọgan họ̀ngán.   Awusọhia etọn taidi awusọhia osọ́ lẹ tọn, Bọ yé to wezunhọ̀n taidi osọ́ awhànfunfun tọn lẹ.+   Nudidọ yetọn taidi osọ́-kẹkẹ lẹ tọn he to linlọ́n to osó lẹ ji aga,+ Yèdọ taidi hùnhlún miyọ́n he to zinkán fiọ de tọn. E taidi akọta huhlọnnọ de he to yede do kannukannu na awhàn.+   Na yewlẹ tọn wutu, gbẹtọ lẹ na to awufiẹsa mẹ. Nukunmẹ lẹpo wẹ na do ayimajai hia.   Yé fọnadán di awhànfuntọ lẹ, Yé fán adó taidi awhànfuntọ lẹ, Yèdọ dopodopo yetọn to aliho etọn titi ji, Bo ma zẹ̀ sọn ali yetọn ji.   Yé ma to ode awetọ sisẹ́; Dopodopo yetọn zindonukọn to aliho etọn ji. Eyin awhànfunnu* lẹ tlẹ zìn delẹ dai, Dehe pò lẹ ma nọ zẹklan.   Yé nọ doawhàn wá tòdaho mẹ, bo nọ họ̀nwezun gbọn adó ta. Yé nọ hẹji yì ohọ̀ lẹ ji, bo nọ gbọn fleṣe lẹ nù biọ họmẹ di ajotọ de. 10  Aigba nọ sisọ bọ olọn nọ whàn to nukọnna yé. Owhè po osun po ko dózin,+ Bọ sunwhlẹvu lẹ masọ nọ na hinhọ́n yetọn ba. 11  Jehovah na ze ogbè etọn daga to awhànpa etọn nukọn,+ na mẹhe to osla etọn mẹ lẹ sù taun.+ Na huhlọnnọ wẹ mẹhe to ohó Etọn hẹndi; Na azán Jehovah tọn klo bo dobu taun.+ Mẹnu wẹ sọgan doakọnna ẹn?”+ 12  “Ṣogan todin,” wẹ Jehovah dọ, “mì lẹkọwa dè e po ahun mìtọn lẹpo po,+ Gbọn nùbibla,+ avi po avihàn po gblamẹ. 13  Mì tlẹ́n ahun mìtọn,+ e ma yin awù mìtọn lẹ,+ Bo lẹkọwa Jehovah Jiwheyẹwhe mìtọn dè, Na awuvẹmẹtọ* podọ lẹblanunọ wẹ ewọ, bo nọ whleawu nado gblehomẹ+ bosọ gọ́ na owanyi nugbo,+ Ewọ nasọ diọlinlẹn gando nugbajẹmẹji lọ go.* 14  Mẹnu wẹ yọnẹn eyin ewọ na lẹkọ bo diọlinlẹn*+ Bo nasọ dona mì, Na mìwlẹ nido basi avọ́nunina jinukun-lili tọn po avọ́nunina nùnù po hlan Jehovah Jiwheyẹwhe mìtọn? 15  Mì kún azò de to Ziọni! Mì lá* nùbibla de; mì ylọ gbẹtọ lẹ pli na plidopọ vonọtaun de.+ 16  Mì bẹ gbẹtọ lẹ pli; mì klan agun lọ do wiwe.+ Mì bẹ sunnu mẹhomẹ* lẹ pli; mì bẹ yọpọvu lẹ po ovi he to anọ́nù lẹ po pli.+ Mì gbọ asisunọ yọyọ ni tọ́njẹgbonu sọn abò etọn mẹ podọ asiyọyọ sọn abò asiyọyọ tọn etọn mẹ. 17  Mì gbọ yẹwhenọ lẹ, lizọnyizọnwatọ Jehovah tọn lẹ ni viavi To atọ̀họ̀ lọ po agbà lọ po ṣẹnṣẹn+ dọmọ: ‘Jehovah E, wàlẹblanuna omẹ towe lẹ; A hẹn ogú towe zun aṣagbọ́nu blo, A dike akọta lẹ dugán do yé ji blo. Naegbọn gbẹtọ lẹ nado dọ dọ, “Fie wẹ Jiwheyẹwhe yetọn te?”’+ 18  Whenẹnu, Jehovah na yin zohunhunnọ na aigba etọn Bo na do awuvẹmẹ hia omẹ etọn lẹ.+ 19  Jehovah na gblọnna omẹ etọn lẹ dọmọ: ‘Todin, yẹn na do jinukun, ovẹn yọyọ po amì po hlan mì, Bọ mìwlẹ na dù gọ́ho pete;+ Yẹn ma nasọ hẹn mì zun mẹvlẹko de to akọta lẹ ṣẹnṣẹn ba.+ 20  Yẹn na yàn mẹhe to agewaji lọ dẹn do mì; Yẹn na yàn ẹn dogbé yì aigba húhú he gbọgbé de ji, Bọ hihọ́tọ nukọn tọn* etọn na yì ohù whèzẹtẹn tọn* waji Podọ hihọ́tọ godo tọn etọn na yì ohù whèyihọ tọn* waji. Owán ylankan na to agayi sọn e go, Bọ owán gbigble na to tintọ́n sọn e go yiaga mapote;+ Na Ewọ na wà onú dahodaho lẹ.’ 21  A dibu blo, hiẹ aigba E. Yin ayajẹnọ bo jẹaglin, na Jehovah na wà onú dahodaho lẹ. 22  Mì dibu blo, mì gbekanlin danji tọn lẹ, Na kanlindugbo danfafa ji tọn lẹ na kọ́-amà,+ Bọ atin lẹ na sẹ́n sinsẹ́n;+ Ovòtin po vẹntin po dona de sinsẹ́n yetọn tọ́n to gigọ́ mẹ.+ 23  Mì visunnu Ziọni tọn lẹ emi, mì yin ayajẹnọ bo jẹaglin to Jehovah Jiwheyẹwhe mìtọn mẹ;+ Na ewọ na na mì jikun afò-whenu tọn jẹ obá he sọgbe mẹ, Bo nasọ ja jikun wududu do mì ji, Podọ jikun afò-whenu tọn po amakikọ-whenu tọn po, taidi dai tọn.+ 24  Likun-flétẹn na gọ́ na jinukun dagbe, Bọ ovẹn-finyọ́ndo lẹ na gọfla na ovẹn yọyọ po amì po.+ 25  Yẹn nasọ suahọ mì na owhe lọ lẹ He owẹ̀n he doawhàn wá lẹ, owẹ̀n he ma tindo awà lẹ po owẹ̀n nuhẹngbletọ lẹ po ko yí do dù jinukun mìtọn lẹ, Yèdọ awhànpa daho ṣie he yẹn dohlan ṣẹnṣẹn mìtọn.+ 26  Na jide tọn, mìwlẹ na dù gọ́ho,+ Bo na pà oyín Jehovah Jiwheyẹwhe mìtọn tọn,+ Mẹhe ko wà nujiawu lẹ do ota mìtọn mẹ; Omẹ ṣie lẹ ma na vọ́ yin winyando pọ́n gbede ba.+ 27  Mìwlẹ nasọ yọnẹn dọ yẹn tin to ṣẹnṣẹn Islaeli tọn+ Podọ yẹn wẹ Jehovah Jiwheyẹwhe mìtọn+—devo de masọ tin! Omẹ ṣie lẹ ma na vọ́ yin winyando pọ́n gbede ba. 28  Enẹgodo, yẹn na kọ̀n gbigbọ ṣie+ do agbasalan wunmẹ lẹpo ji, Bọ visunnu mìtọn lẹ po viyọnnu mìtọn lẹ po na nọ dọ dọdai, Sunnu mẹho mìtọn lẹ na nọ kudlọ lẹ, Bọ jọja sunnu mìtọn lẹ na nọ mọ numimọ lẹ.+ 29  Podọ etlẹ yin do afanumẹ sunnu po afanumẹ yọnnu ṣie lẹ po ji Wẹ yẹn na kọ̀n gbigbọ ṣie do to azán enẹlẹ gbè. 30  Yẹn nasọ namẹ nujiawu* lẹ to olọn mẹ podọ to aigba ji, Yèdọ ohùn, miyọ́n po azọ̀ titli po.+ 31  Owhè na yin didiọ zun zinvlu bọ osun na yin didiọ zun ohùn+ Whẹpo azán daho he dobu Jehovah tọn nado wá.+ 32  Podọ mẹdepope he dawhá ylọ oyín Jehovah tọn wẹ na yin whinwhlẹngán;+ Na to Osó Ziọni ji podọ to Jelusalẹm wẹ mẹhe họ̀ngán lẹ na tin te,+ kẹdẹdile Jehovah ko dọ do, Yèdọ luntọ́ntọ he Jehovah ylọ lẹ.”

Nudọnamẹ Odò Tọn

Kavi “ogá miyọ́nnọ.”
Kavi “Na mẹhe gọ́ na ojọmiọn.”
Kavi “Nugbajẹmẹji lọ nasọ vẹna ẹn.”
Kavi “bọ e na vẹna ẹn.”
To paa mẹ, “basi klandowiwe na.”
Kavi “bẹ mẹho.”
To paa mẹ, “Bọ nukunmẹ.”
Enẹ wẹ, Ohù Kúkú.
Enẹ wẹ, Ohù Meditelane tọn.
Kavi “nudabla.”