Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jakọbu 3:1-18

NUHE E BẸHẸN LẸ

  • Hòhuwhẹ odẹ́ (1-12)

    • Mẹsusu ma dona lẹzun mẹplọntọ (1)

  • Nuyọnẹn he wá sọn aga (13-18)

3  Mẹmẹsunnu ṣie lẹ emi, mẹsusu to mì mẹ ni ma lẹzun mẹplọntọ lẹ blo, to yinyọnẹn mẹ dọ mí na mọ whẹdida he sinyẹn* hugan yí.+  Na mímẹpo wẹ nọ ṣinuwa* whlasusu.+ Eyin mẹde ma nọ ṣinuwa to ohó mẹ, omẹ pipé de wẹ ewọ, bosọ penugo nado dogànnuna agbasa etọn blebu ga.  Eyin mí nọ dogànnuna osọ́ lẹ na yé nido setonuna mí, mí nọ deanana agbasa yetọn blebu ga.  Mì pọ́n tọjihun lẹ ga: Mahopọnna dọ yé klo taun bo nọ yin hinhẹn dánpe gbọn jẹhọn sinsinyẹn lẹ dali, yé nọ yin anadena gbọn azẹ̀ pẹvi tlala de dali yì fidepope he mẹhe to anadena ohún lọ jlo.  Mọdopolọ ga, odẹ́ yin awutugonu pẹvi de ṣogan e nọ yí nùgo onú daho lẹ tọn. Mì pọ́n lehe miyọ́n pẹvi de ko pé nado dozò zungbo daho de do sọ!  Mọwẹ, miyọ́n de wẹ odẹ́ yin.+ Odẹ́ nọtena aihọn mawadodo tọn de to awutugonu mítọn lẹ mẹ, na e nọ hẹn agbasa blebu flu+ bo nọ símiyọ́n gbẹ̀zọnlin blebu—podọ e nọ yin miyọ́n sí gbọn Gẹhẹnna* dali.  Na gbẹtọvi lẹ sọgan hòhuwhẹ gbekanlin alọpa lẹpo, ohẹ̀ lẹ, nuhe nọ lìn lẹ po nudida hùmẹ tọn lẹ po, podọ yé ko sọ hòhuwhẹ yé.  Ṣigba gbẹtọvi depope ma sọgan hòhuwhẹ odẹ́. Nuylankan de podọ tasinyẹntọ de wẹ, he gọ́ na adí he nọ hùmẹ.+  Ewọ wẹ mí nọ yí do pà Jehovah,* yèdọ Otọ́, ṣogan ewọ wẹ mí sọ nọ yí do hodẹ̀do gbẹtọ he ko wá tintin mẹ “to apajlẹ Jiwheyẹwhe tọn mẹ.”+ 10  Onù dopolọ mẹ wẹ dona po dẹ̀hodo po nọ wá sọn. Mẹmẹsunnu ṣie lẹ emi, e ma sọgbe dọ nulẹ ni to jijọ to aliho ehe mẹ.+ 11  Asisa osin tọn de ma nọ ví osin he vivi po dehe vẹ́ po jẹgbonu sọn nùvo dopolọ mẹ gba, kavi e nọ wàmọ wẹ? 12  Mẹmẹsunnu ṣie lẹ emi, ovòtin de ma sọgan sẹ́n olivie lẹ, mọdopolọ vẹntin de ma sọgan sẹ́n ovò sinsẹ́n lẹ gba, kavi e sọgan wẹ?+ Mọjanwẹ jẹ̀sin ma sọgan de osin vivi jẹgbonu do niyẹn. 13  Mẹnu to mì mẹ wẹ yin nuyọnẹntọ bo tindo nukunnumọjẹnumẹ? Gbọ e ni gbọn walọyizan dagbe etọn dali do azọ́n lẹ hia, yèdọ azọ́n he yin wiwà po walọmimiọn he wá sọn nuyọnẹn mẹ po lẹ. 14  Ṣigba eyin mì tindo awuwhàn sinsinyẹn+ po wiwọ́* po+ to ahun mìtọn lẹ mẹ, mì ze mìde daga blo,+ mì sọ dolalo do nugbo lọ kọ̀ blo. 15  Ehe ma yin nuyọnẹn he wá sọn aga; aigba ji tọn wẹ,+ kanlinjọmẹ tọn po aovi tọn po. 16  Na fidepope he awuwhàn po wiwọ́* po te, finẹ wẹ bẹwlu po nuylankan lẹpo po na te ga.+ 17  Ṣigba jẹnukọn whẹ́, nuyọnẹn he wá sọn aga wé-ṣeke,+ enẹgodo e nọ dín jijọho,+ e yin lẹnpọn dagbenọ,+ e nọ wleawufo nado setonu, bo gọ́ na lẹblanu po sinsẹ́n dagbe lẹ po,+ e ma nọ homẹnukuntapọn+ bo masọ nọ wayẹnu.+ 18  Humọ, okún sinsẹ́n dodowiwa tọn nọ yin dido to jijọho mẹ+ to mẹhe nọ dín jijọho lẹ ṣẹnṣẹn.*+

Nudọnamẹ Odò Tọn

Kavi “he to tlọlọ.”
Kavi “dahli.”
Pọ́n Zẹm.
Pọ́n Nud. A5.
Kavi vlavo, “ojlo zogbe ṣejannabi tọn.”
Kavi vlavo, “ojlo zogbe ṣejannabi tọn.”
Kavi vlavo, “gbọn mẹhe nọ dín jijọho lẹ dali.”