Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jọṣua 4:1-24

NUHE E BẸHẸN LẸ

  • Zannu lẹ taidi oflin de (1-24)

4  Tlolo he akọta lọ pete ko dasá Jọdani pó, Jehovah dọna Jọṣua dọmọ:  “Mì de sunnu 12 sọn gbẹtọ lọ lẹ mẹ, yèdọ sunnu dopo sọn hẹnnu dopodopo mẹ,+  bo degbena yé dọmọ: ‘Mì ze zannu 12 sọn ṣẹnṣẹn Jọdani tọn, yèdọ sọn fie afọ yẹwhenọ lẹ tọn nọte guun te,+ bo hẹn yé yì bosọ ze yé do fie mì na dọ́.’”+  Enẹwutu, Jọṣua ylọ sunnu 12 he e ko de sọn Islaelivi lẹ mẹ lọ lẹ, yèdọ sunnu dopo sọn hẹnnu dopodopo mẹ,  Jọṣua sọ dọna yé dọmọ: “Mì jẹnukọnna Apotin Jehovah Jiwheyẹwhe mìtọn tọn yì ṣẹnṣẹn Jọdani tọn, podọ dopodopo mìtọn ni ze zannu de do abọ́ ji, sọgbe hẹ sọha hẹnnu Islaelivi lẹ tọn,  na ehe nido sọgan yin ohia de to ṣẹnṣẹn mìtọn. Eyin ovi* mìtọn lẹ wá kanse mì to nukọn mẹ dọ, ‘Naegbọn mì do tindo zannu ehelẹ tofi?’+  mìwlẹ dona dọna yé dọmọ: ‘Na osin Jọdani tọn lẹ doalọte bo masọ sà to apotin+ alẹnu Jehovah tọn nukọn ba wutu wẹ. To whenuena e gbọn Jọdani mẹ wayi, osin Jọdani tọn he to sisà lẹ doalọte. Zannu ehelẹ dona yin oflin* he na dẹn-to-aimẹ de na omẹ Islaeli tọn lẹ.’”+  Enẹwutu, Islaelivi lẹ wà kẹdẹdile Jọṣua ko degbe etọn do. Yé ze zannu 12 sọn ṣẹnṣẹn Jọdani tọn, kẹdẹdile Jehovah ko dọna Jọṣua do, na e nido sọgbe hẹ sọha hẹnnu Islaelivi lẹ tọn. Yé sọ hẹn yé yì fie yé na dọ́ bo ze yé do finẹ.  Jọṣua sọ ze zannu 12 delẹ tùnte do ṣẹnṣẹn Jọdani tọn to fie afọ yẹwhenọ lọ lẹ he hẹn apotin alẹnu tọn lọ tọn lẹ nọte do,+ bọ zannu lọ lẹ gbẹ́ tin to finẹ kakajẹ egbehe. 10  Yẹwhenọ lọ lẹ he hẹn Apotin lọ sọ gbọṣi ote to ṣẹnṣẹn Jọdani tọn kakajẹ whenue nuhe Jehovah ko degbena Jọṣua nado dọna gbẹtọ lọ lẹ nado wà lẹpo ko yin tadona, sọgbe hẹ nuhe Mose ko degbe etọn na Jọṣua lẹpo. To ojlẹ enẹ gblamẹ, gbẹtọ lọ lẹ yawu dasá. 11  Tlolo he gbẹtọ lọ lẹpo ko dasá pó, yẹwhenọ lẹ dasá po Apotin Jehovah tọn po to nukun gbẹtọ lọ lẹ tọn mẹ.+ 12  Leubẹninu lẹ, Gadinu lẹ po mado-awe hẹnnu Manasse tọn po sọ to yede kannukannu di awhànfuntọ+ bo dasá to Islaelivi he pò lẹ nukọn, kẹdẹdile Mose ko dọna yé do.+ 13  Nudi awhànfuntọ 40 000 he blagbajana awhàn wẹ dasá to Jehovah nukọn yì danfafa Jẹliko tọn ji. 14  To azán enẹ gbè, Jehovah ze Jọṣua daga to nukun Islaeli lẹpo tọn mẹ+ bọ yé nọ na ẹn sisi sisosiso* to gbẹzan etọn pete mẹ, kẹdẹdile yé ko na sisi sisosiso Mose do.+ 15  Enẹgodo, Jehovah dọna Jọṣua dọmọ: 16  “Degbena yẹwhenọ lọ lẹ he hẹn apotin+ Kunnudenu tọn lọ nado tọ́n sọn Jọdani mẹ.” 17  Enẹwutu, Jọṣua degbena yẹwhenọ lọ lẹ dọmọ: “Mì tọ́n sọn Jọdani mẹ.” 18  To whenue yẹwhenọ lọ lẹ he hẹn apotin+ alẹnu Jehovah tọn ko tọ́n sọn ṣẹnṣẹn Jọdani tọn bọ afọpahomẹ yẹwhenọ lọ lẹ tọn ko jẹage godo, osin Jọdani tọn lẹ sọ vọ́ jẹ sisà ji bo gọfla wá agé+ dile e te do dai. 19  Gbẹtọ lọ lẹ sọ tọ́n sọn Jọdani mẹ to azán aotọ osun tintan tọn bo dosla do Gilgali+ to dogbó whèzẹtẹn-waji Jẹliko tọn. 20  Na nuhe dù zannu 12 he yé ze sọn Jọdani mẹ lọ lẹ, Jọṣua ze yé tùnte do Gilgali.+ 21  Enẹgodo, e dọna Islaelivi lẹ dọmọ: “Eyin ovi mìtọn lẹ wá kanse otọ́ yetọn lẹ to nukọn mẹ dọ, ‘Etẹwẹ zannu ehelẹ zẹẹmẹdo?’+ 22  mìwlẹ dona basi zẹẹmẹ na ovi mìtọn lẹ dọ: ‘Aigba húhú ji wẹ Islaeli gbọn dasá Jọdani+ 23  to whenue Jehovah Jiwheyẹwhe mìtọn hẹn osin Jọdani tọn lẹ hú to nukọn yetọn kakajẹ whenue yé dasá, kẹdẹdile Jehovah Jiwheyẹwhe mìtọn ko wà na Ohù Vẹẹ do to whenue e hẹn ẹn hú sọn nukọn mítọn kakajẹ whenue mí dasá.+ 24  Ewọ wà ehe, na mẹhe tin to aigba ji lẹpo nido sọgan yọ́n lehe alọ Jehovah tọn dohuhlọn sọ+ podọ na mìwlẹ nido nọ dibusi Jehovah Jiwheyẹwhe mìtọn to whepoponu.’”

Nudọnamẹ Odò Tọn

To paa mẹ, “visunnu.”
Kavi “nuflinmẹ.”
To paa mẹ, “nọ dibusi i.”