Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jọṣua 23:1-16

NUHE E BẸHẸN LẸ

  • Ohó godo tọn Jọṣua tọn na nukọntọ lẹ (1-16)

    • Ohó Jehovah tọn ma gboawupo (14)

23  Azán susu to whenue Jehovah ko na gbọjẹ Islaeli+ sọn kẹntọ etọn lẹpo si lẹdo pé godo, whenue Jọṣua ko poyọnho bọ owhe etọn ko sẹyì,+  Jọṣua ylọ omẹ Islaeli tọn lẹpo,+ mẹho yetọn lẹ, nukọntọ yetọn lẹ, whẹdatọ yetọn lẹ po anademẹtọ yetọn lẹ po,+ bo dọna yé dọmọ: “Yẹn ko poyọnho; owhe ṣie ko sọ sẹyì.  Podọ mìlọsu ko mọ nulẹpo he Jehovah Jiwheyẹwhe mìtọn ko wà na akọta ehe lẹpo na mìtọn wutu, na Jehovah Jiwheyẹwhe mìtọn wẹ to avùnho na mì.+  Mì pọ́n, yẹn ko má aigba akọta he pò ehelẹ tọn taidi ogú de na hẹnnu mìtọn lẹ+ gbọn ovò dide dali,*+ gọna aigba akọta he yẹn ko vasudo lẹpo tọn,+ sọn Jọdani kaka yì Ohù Daho lọ* kọ̀n to whèyihọ-waji.  Jehovah Jiwheyẹwhe mìtọn wẹ sọ to yé sisẹ́ sọn nukọn mìtọn,+ podọ ewọ wẹ yàn yé sẹ̀ na mì bọ mì do yí aigba yetọn, kẹdẹdile Jehovah Jiwheyẹwhe mìtọn ko dopagbe na mì do.+  “Todin, mì dona yin adọgbotọ taun nado yìn podọ nado wà nuhe yin kinkan do owe Osẹ́n+ Mose tọn lọ mẹ lẹpo, bo ma na lẹ́ sọn e kọ̀n gbede yì adusiwhé kavi yì amiyọnwhé,+  podọ mì ma dona kọ̀n mìde dopọ hẹ akọta he pò to finẹ hẹ mì ehelẹ gbede.+ Mì ma tlẹ dona ylọ oyín yẹwhe yetọn lẹ tọn+ kavi whlé gbọn yé dali, mọjanwẹ mì ma dona sẹ̀n yé kavi dẹ́ do odò na yé gbede do niyẹn.+  Ṣigba, Jehovah Jiwheyẹwhe mìtọn go wẹ mì dona tẹdo+ kẹdẹdile mì ko wà do kakajẹ egbehe.  Jehovah na yàn akọta daho podọ huhlọnnọ lẹ sẹ̀ sọn nukọn mìtọn,+ na sunnu de ma ko penugo nado nọte to nukọn mìtọn kakajẹ egbehe.+ 10  Sunnu dopo gee to mì mẹ na dómọna omẹ fọtọ́n,+ na Jehovah Jiwheyẹwhe mìtọn wẹ to avùnho na mì+ kẹdẹdile e ko dopagbe na mì do.+ 11  Enẹwutu, mì nọ tin to aṣeji to whepoponu*+ bo nọ yiwanna Jehovah Jiwheyẹwhe mìtọn.+ 12  “Ṣigba, eyin mì lẹkọ gbede bo tẹdo mẹhe pò to akọta he pò to finẹ+ hẹ mì ehelẹ mẹ lẹ go bo biọ kanṣiṣa alọwle tọn lẹ mẹ+ hẹ yé bosọ kọ̀n mìde dopọ hẹ yé bọ yelọsu kọ̀n yede dopọ hẹ mì, 13  mì ni yọnẹn hezeheze dọ Jehovah Jiwheyẹwhe mìtọn ma na zindonukọn nado nọ yàn akọta ehelẹ sẹ̀ na mì.+ Yé na wá taidi fẹ́ṣà po omọ̀ de po na mì, taidi obá de na nẹgbé mìtọn lẹ+ podọ taidi owùn lẹ to nukun mìtọn lẹ ji kaka mì nado busẹ sọn aigba dagbe he Jehovah Jiwheyẹwhe mìtọn ko na mì lọ ji. 14  “Todin, mì pọ́n! Yẹn na kú to madẹnmẹ,* podọ mìlọsu yọnẹn to ahun mìtọn mẹ ganji, podọ po alindọn* mìtọn lẹpo po dọ opagbe dopo ma gboawupo to opagbe dagbe he Jehovah Jiwheyẹwhe mìtọn ko do na mì lẹpo mẹ. Popolẹpo wẹ mọ hẹndi na mì. Dopo to opagbe lọ lẹ mẹ ma gboawupo.+ 15  Ṣigba, kẹdẹdile opagbe dagbe he Jehovah Jiwheyẹwhe mìtọn ko do na mì lẹpo mọ hẹndi na mì do,+ mọ wẹ Jehovah na hẹn nugbajẹmẹji he e ko dọho etọn lọ lẹpo* wá mì ji do bo na hù mì sudo sọn aigba dagbe he Jehovah Jiwheyẹwhe mìtọn ko na mì lọ ji.+ 16  Eyin mì gbà alẹnu Jehovah Jiwheyẹwhe mìtọn tọn he e degbena mì nado nọ yìn lọ, podọ eyin mì yì sẹ̀n yẹwhe devo lẹ bosọ dẹ́ do odò na yé, to whenẹnu Jehovah na gblehomẹ sinsinyẹn do mì go+ bọ mìwlẹ na busẹ plaun sọn aigba dagbe he e ko na mì lọ ji.”+

Nudọnamẹ Odò Tọn

Kavi “yẹn ko má aigba akọta he pò ehelẹ tọn taidi ogú de na hẹnnu mìtọn lẹ.”
Enẹ wẹ, Ohù Meditelane tọn.
Kavi “mì nọ yí sọwhiwhe do payi alindọn mìtọn go.”
To paa mẹ, “Yẹn gbọn aliho aigba lẹpo tọn ji jei to egbé.”
Pọ́n Zẹm.
Kavi “na hẹn ohó ylankan lọ lẹpo.”