Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jọṣua 21:1-45

NUHE E BẸHẸN LẸ

  • Tòdaho lẹ na Levinu lẹ (1-42)

    • Na kúnkan Aalọn tọn lẹ (9-19)

    • Na pipotọ Kohatinu lẹ tọn (20-26)

    • Na Gẹlṣọninu lẹ (27-33)

    • Na Melalinu lẹ (34-40)

  • Opagbe Jehovah tọn lẹ mọ hẹndi (43-45)

21  Todin, nukọntọ whédo otọ́ Levinu lẹ tọn lẹ dọnsẹpọ Eleazali+ yẹwhenọ lọ, Jọṣua visunnu Nuni tọn po nukọntọ whédo otọ́ hẹnnu Islaeli tọn lẹ tọn po,  bo dọna yé to Ṣilo+ to aigba Kenani tọn ji dọmọ: “Jehovah ko degbe gbọn Mose gblamẹ dọ tòdaho he mẹ mí na nọ nọ̀ lẹ ni yin nina mí, gọna kanlindugbo lẹ na kanlin-yìnyìn mítọn lẹ.”+  Enẹwutu, dile Jehovah ko degbe etọn do, Islaelivi lẹ na Levinu lẹ tòdaho ehelẹ+ po kanlindugbo yetọn lẹ po sọn ogú yetọn titi mẹ.+  Mimá de yin nina whẹndo Kohatinu+ lẹ tọn lẹ gbọn ovò dide dali, bọ tòdaho 13 yin nina Levinu he yin kúnkan Aalọn yẹwhenọ lọ tọn lẹ gbọn ovò dide dali* sọn aigba hẹnnu Juda tọn,+ hẹnnu Simeoni tọn+ po hẹnnu Bẹnjamini tọn+ po mẹ.  Podọ na Kohatinu he pò lẹ, tòdaho ao wẹ yin mimá na yé* sọn aigba whẹndo he tin to hẹnnu Eflaimi tọn,+ hẹnnu Dani tọn po mado-awe hẹnnu Manasse tọn+ mẹ lẹ tọn po mẹ.  Podọ na Gẹlṣọninu lẹ,+ tòdaho 13 wẹ yin mimá na yé sọn aigba whẹndo he tin to hẹnnu Isakali tọn, hẹnnu Aṣeli tọn, hẹnnu Naftali tọn po mado-awe hẹnnu Manasse tọn mẹ lẹ tọn po mẹ to Baṣani.+  Na Melalinu+ lẹ, tòdaho 12 wẹ yin nina yé sọgbe hẹ whẹndo yetọn lẹ sọn aigba hẹnnu Leubẹni tọn, hẹnnu Gad tọn po hẹnnu Zebuluni tọn po mẹ.+  Gbọnmọ dali, Islaelivi lẹ na tòdaho ehelẹ po kanlindugbo yetọn lẹ po Levinu lẹ gbọn ovò dide dali, kẹdẹdile Jehovah ko degbe etọn gbọn Mose gblamẹ do.+  Enẹwutu, sọn aigba hẹnnu Juda tọn po hẹnnu Simeoni tọn po mẹ, yé na yé tòdaho he yinkọ yetọn yin sislẹ ehelẹ,+ 10  bọ yé yin yíyí na visunnu Aalọn tọn lẹ he wá sọn whẹndo Kohatinu he yin Levinu lẹ tọn lẹ mẹ, na yewlẹ wẹ mọ mimá tintan lọ yí gbọn ovò dide dali. 11  Yé na yé Kiliati-alba+ (Alba ehe wẹ otọ́ Anaki tọn), enẹ wẹ Heblọni,+ to lẹdo osó tọn Juda tọn mẹ, gọna kanlindugbo he lẹdo e pé lẹ. 12  Ṣigba, yé na aigba tòdaho lọ tọn po gbétatò etọn lẹ po Kalẹbi visunnu Jẹfunnẹ tọn taidi nutindo etọn.+ 13  Podọ yé na visunnu Aalọn yẹwhenọ lọ tọn lẹ tòdaho fibẹtado tọn he tin na hlọnhutọ lọ,+ yèdọ Heblọni+ po kanlindugbo etọn lẹ po, Libna+ po kanlindugbo etọn lẹ po, 14  Jatili+ po kanlindugbo etọn lẹ po, Eṣitemoa+ po kanlindugbo etọn lẹ po, 15  Holọni+ po kanlindugbo etọn lẹ po, Debili+ po kanlindugbo etọn lẹ po, 16  Aini+ po kanlindugbo etọn lẹ po, Juta+ po kanlindugbo etọn lẹ po gọna Bẹti-ṣemẹṣi po kanlindugbo etọn lẹ po—tòdaho ṣinẹnẹ sọn aigba hẹnnu awe ehelẹ tọn mẹ. 17  Podọ sọn aigba hẹnnu Bẹnjamini tọn mẹ: Gibeọni+ po kanlindugbo etọn lẹ po, Geba po kanlindugbo etọn lẹ po,+ 18  Anatọti+ po kanlindugbo etọn lẹ po gọna Almọni po kanlindugbo etọn lẹ po—tòdaho ẹnẹ. 19  Tòdaho lọ lẹpo he yin nina kúnkan Aalọn tọn lẹ, yèdọ yẹwhenọ lẹ, yin tòdaho 13 po kanlindugbo yetọn lẹ po.+ 20  Podọ na whẹndo Kohatinu lẹ tọn he pò to Levinu lẹ mẹ lẹ, tòdaho lẹ yin nina yé gbọn ovò dide dali sọn aigba hẹnnu Eflaimi tọn mẹ. 21  Yé na yé tòdaho fibẹtado tọn he tin na hlọnhutọ lọ,+ yèdọ Ṣekẹmi+ po kanlindugbo etọn lẹ po to lẹdo osó tọn Eflaimi tọn mẹ, Gezẹli+ po kanlindugbo etọn lẹ po, 22  Kibzaimi po kanlindugbo etọn lẹ po gọna Bẹti-holọni+ po kanlindugbo etọn lẹ po—tòdaho ẹnẹ. 23  Podọ sọn aigba hẹnnu Dani tọn mẹ: Ẹlteke po kanlindugbo etọn lẹ po, Gibetọni po kanlindugbo etọn lẹ po, 24  Aijalọni+ po kanlindugbo etọn lẹ po gọna Gati-limọni po kanlindugbo etọn lẹ po—tòdaho ẹnẹ. 25  Podọ sọn aigba mado-awe hẹnnu Manasse tọn mẹ: Taanaki+ po kanlindugbo etọn lẹ po gọna Gati-limọni po kanlindugbo etọn lẹ po—tòdaho awe. 26  Tòdaho he whẹndo Kohatinu lẹ tọn he pò lẹ mọyi lẹpo yin tòdaho ao po kanlindugbo yetọn lẹ po. 27  Podọ na Gẹlṣọninu lẹ,+ sọn whẹndo Levinu lẹ tọn lẹ mẹ, tòdaho fibẹtado tọn he tin na hlọnhutọ lọ yin nina yé sọn aigba mado-awe hẹnnu Manasse tọn mẹ, yèdọ Golani+ he tin to Baṣani po kanlindugbo etọn lẹ po, gọna Beẹṣitela po kanlindugbo etọn lẹ po—tòdaho awe. 28  Podọ sọn aigba hẹnnu Isakali tọn mẹ:+ Kiṣiọni po kanlindugbo etọn lẹ po, Dabelati+ po kanlindugbo etọn lẹ po, 29  Jalmuti po kanlindugbo etọn lẹ po gọna Ẹn-gannimi po kanlindugbo etọn lẹ po—tòdaho ẹnẹ. 30  Podọ sọn aigba hẹnnu Aṣeli tọn mẹ:+ Miṣali po kanlindugbo etọn lẹ po, Abdọni po kanlindugbo etọn lẹ po, 31  Hẹlkati+ po kanlindugbo etọn lẹ po gọna Lehobi+ po kanlindugbo etọn lẹ po—tòdaho ẹnẹ. 32  Podọ sọn aigba hẹnnu Naftali tọn mẹ: tòdaho fibẹtado tọn+ he tin na hlọnhutọ lọ wẹ Kedẹṣi+ he tin to Galili po kanlindugbo etọn lẹ po, Hamọti-dọli po kanlindugbo etọn lẹ po gọna Kaltani po kanlindugbo etọn lẹ po—tòdaho atọ̀n. 33  Tòdaho lọ lẹpo he yin nina Gẹlṣọninu lẹ sọgbe hẹ whẹndo yetọn lẹ yin tòdaho 13 po kanlindugbo yetọn lẹ po. 34  Podọ whẹndo Melalinu lẹ tọn lẹ,+ yèdọ Levinu he pò lẹ, mọ tòdaho ehelẹ yí sọn aigba hẹnnu Zebuluni tọn mẹ:+ Jọkneami+ po kanlindugbo etọn lẹ po, Kalta po kanlindugbo etọn lẹ po, 35  Dimna po kanlindugbo etọn lẹ po gọna Nahalali+ po kanlindugbo etọn lẹ po—tòdaho ẹnẹ. 36  Podọ sọn aigba hẹnnu Leubẹni tọn mẹ: Bezẹli+ po kanlindugbo etọn lẹ po, Jahazi po kanlindugbo etọn lẹ po,+ 37  Kedemọti po kanlindugbo etọn lẹ po gọna Mẹfaati po kanlindugbo etọn lẹ po—tòdaho ẹnẹ. 38  Podọ sọn aigba hẹnnu Gad tọn mẹ:+ tòdaho fibẹtado tọn he tin na hlọnhutọ lọ wẹ Lamọti he tin to Giliadi+ po kanlindugbo etọn lẹ po, Mahanaimi+ po kanlindugbo etọn lẹ po, 39  Hẹṣbọni+ po kanlindugbo etọn lẹ po gọna Jazẹli+ po kanlindugbo etọn lẹ po—tòdaho lọ lẹpo yin ẹnẹ. 40  Tòdaho lọ lẹpo he yin mimá na Melalinu lẹ sọgbe hẹ whẹndo yetọn lẹ, yèdọ whẹndo Levinu lẹ tọn he pò lẹ, wẹ tòdaho 12. 41  Tòdaho he Levinu lẹ mọyi sọn nutindo Islaelivi lẹ tọn mẹ lẹpo yin tòdaho 48 gọna kanlindugbo yetọn lẹ.+ 42  Dopodopo tòdaho ehelẹ tọn wẹ tindo kanlindugbo yetọn lẹ lẹdo yé pé—mọ wẹ e yin do na tòdaho ehe lẹpo. 43  Gbọnmọ dali, Jehovah na Islaeli aigba lọ pete he e ko whlé nado na tọgbo yetọn lẹ,+ bọ yé yí i bo nọ nọ̀ e ji.+ 44  Humọ, Jehovah na yé gbọjẹ lẹdo pé, kẹdẹdile e ko whlé na tọgbo yetọn lẹ do,+ podọ dopo tata to kẹntọ yetọn lẹpo mẹ ma sọgan nọte to nukọn yetọn.+ Kẹntọ yetọn lẹpo wẹ Jehovah jodo alọ yetọn mẹ.+ 45  Opagbe* dopo ma gboawupo to opagbe dagbe he Jehovah ko do na whédo Islaeli tọn lẹpo mẹ; popolẹpo wẹ mọ hẹndi.+

Nudọnamẹ Odò Tọn

Kavi “yin mimá na Levinu he yin kúnkan Aalọn yẹwhenọ lọ tọn lẹ.”
Kavi “yin nina yé gbọn ovò dide dali.”
Kavi “Ohó.”