Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jọṣua 2:1-24

NUHE E BẸHẸN LẸ

  • Jọṣua do amẹ́ hlan Jẹliko (1-3)

  • Lahabi whlá amẹ́ lẹ (4-7)

  • Yé dopà na Lahabi (8-21a)

    • Okàn vẹẹ ṣẹṣẹ di ohia de (18)

  • Amẹ́ lọ lẹ lẹkọwa Jọṣua dè (21b-24)

2  Enẹgodo, Jọṣua visunnu Nuni tọn do sunnu awe hlan sọn Ṣitimi+ to nuglọ taidi amẹ́ lẹ. E sọ dọna yé dọmọ: “Mì yì dindona aigba lọ, titengbe Jẹliko.” Enẹwutu, yé yì bo wá owhé galọtọ de he nọ yin Lahabi+ tọn gbè, yé sọ nọ finẹ.  E sọ yin didọna ahọlu Jẹliko tọn dọmọ: “Pọ́n! Sunnu Islaeli tọn delẹ ko wáfi to ozán ehe mẹ nado bẹ̀ aigba lọ pọ́n.”  Enẹwutu, ahọlu Jẹliko tọn dowẹn hlan Lahabi dọmọ: “De sunnu he wá bo to owhé towe gbè lọ lẹ tọ́njẹgbonu, na aigba lọ pete bẹ̀ pọ́n gbé wẹ yé wá.”  Ṣigba, yọnnu lọ ze sunnu awe lọ lẹ whlá. Enẹgodo, e dọmọ: “Mọwẹ, sunnu lọ lẹ wá dè e nugbo, amọ́ yẹn ma yọ́n fie yé wá sọn.  Podọ ojlẹ vude whẹpo họngbo tòdaho lọ tọn nado yin súsú to zánmẹ, sunnu lọ lẹ tọ́nyi. Yẹn ma yọ́n fie yé yì, ṣigba eyin mì yawu dómọna yé, mì na plá yé.”  (Nalete, ewọ ko plan yé yì họta bo ko whlá yé do getin sekan tọn he yin bibẹ do gọnu-gọnu do họta lẹ ṣẹnṣẹn.)  Enẹwutu, sunnu lọ lẹ dómọna yé dedo Jọdani waji to fie tọ̀sisa lọ ma siso te,+ họngbo tòdaho lọ tọn sọ yin súsú tlolo he mẹhe dómọna yé lọ lẹ ko tọ́njẹgbonu.  Whẹpo sunnu lọ lẹ nido mlọnai, yọnnu lọ hẹji wá yé dè to họta.  E sọ dọna yé dọmọ: “N’yọnẹn dọ Jehovah na na mì aigba lọ+ podọ obu ko jẹ mí ji na mìtọn wutu.+ Mẹhe nọ nọ̀ aigba lọ ji lẹpo wẹ ko jẹflumẹ na mìtọn wutu,+ 10  na mí ko sè lehe Jehovah hẹn osin Ohù Vẹẹ tọn lẹ hú do to nukọn mìtọn to whenue mì tọ́njẹgbonu sọn Egipti,+ podọ nuhe mì wà na ahọlu Amolinu lẹ tọn awe lẹ, yèdọ Sihọni+ po Ogi+ po, mẹhe mì vasudo mlẹnmlẹn to awà awetọ Jọdani tọn ji.* 11  To whenue mí sè ehe, ahun mítọn gbàdo* podọ depope to mí mẹ ma tindo jintli* nado pehẹ mì, na mí mọdọ Jehovah Jiwheyẹwhe mìtọn wẹ Jiwheyẹwhe to olọn mẹ aga podọ to aigba ji to odò.+ 12  Todin, mì jaale bo yí Jehovah do whlé na mi dọ, na yẹn ko do owanyi nugbo hia mì wutu, mìlọsu na do owanyi nugbo hia whédo otọ́ ṣie tọn; mì sọ dona na mi ohia dejidego de. 13  Mì dona pò otọ́ ṣie, onọ̀ ṣie, nọvisunnu ṣie lẹ, nọviyọnnu ṣie lẹ gọna mẹhe gando yé go lẹpo dogbẹ̀, podọ mì dona whlẹn mí* sọn okú si.”+ 14  Enẹwutu, sunnu lọ lẹ dọna ẹn dọmọ: “Míwlẹ* na kú do otẹn mìtọn mẹ! Eyin mì ma hẹn tito mítọn zun yinyọnẹn na mẹde, to whenue Jehovah na na mí aigba lọ, mílọsu na do owanyi nugbo po nugbonọ-yinyin po hia mì.” 15  Enẹgodo, yọnnu lọ yí okàn de do hẹn yé jẹte gbọn fleṣe nù, na ohọ̀ etọn tin to adó tòdaho lọ tọn go. Na nugbo tọn, adó lọ ji aga wẹ e nọ nọ̀.+ 16  To whenẹnu, yọnnu lọ dọna yé dọmọ: “Mì yì lẹdo osó tọn lọ mẹ bo whlá mìde do finẹ na azán atọ̀n, na mẹhe dómọna mì lẹ ma nado mọ mì. Enẹgodo, whenue mẹhe dómọna mì lọ lẹ na ko lẹkọ, mì sọgan wle ali mìtọn.” 17  Sunnu lọ lẹ sọ gblọnna ẹn dọmọ: “Owhẹ̀ de ma na to okọ̀ na mí na nuhe dù whiwhle he a hẹn mí nado whlé+ ehe 18  adavo hiẹ sìn okàn linlọ̀n vẹẹ ṣẹ́ṣẹ́ he a yí do hẹn mí jẹte ehe do fleṣe lọ nù to whenue míwlẹ na lẹkọwa aigba lọ ji. Hiẹ dona bẹ otọ́ towe, onọ̀ towe, nọvisunnu towe lẹ gọna whédo otọ́ towe tọn lẹpo pli do dè we to ohọ̀ lọ mẹ.+ 19  Whenẹnu, eyin mẹdepope tọ́nyi gbonu ohọ̀ towe tọn, ohùn etọn na tin to okọ̀ na ewọ lọsu, bọ owhẹ̀ de ma na to okọ̀ na mí. Ṣigba, eyin nude wà mẹdepope he gbọṣi dè we* to ohọ̀ lọ mẹ, ohùn etọn na tin to okọ̀ na mí. 20  Amọ́, eyin a hẹn tito mítọn zun yinyọnẹn na mẹde,+ owhẹ̀ de ma na to okọ̀ na mí na nuhe dù whiwhle towe he a hẹn mí nado whlé lọ.” 21  Yọnnu lọ sọ gblọn dọmọ: “Na e ni yì do lehe mì dọ do.” Enẹwutu, e jo yé do bọ yé wle ali yetọn. Enẹgodo, e sìn okàn vẹẹ ṣẹ́ṣẹ́ lọ do fleṣe lọ nù. 22  Yé sọ dedo bo yì lẹdo osó tọn lọ mẹ bosọ gbọṣi finẹ na azán atọ̀n, kakajẹ whenue mẹhe dómọna yé lẹ lẹkọ. Mẹhe dómọna yé lọ lẹ ko dín yé to ali lẹpo ji bo ma mọ yé. 23  Whenẹnu, sunnu awe lọ lẹ lẹkọ sọn lẹdo osó tọn lọ mẹ bo dasá tọ̀sisa lọ bosọ wá Jọṣua visunnu Nuni tọn dè. Yé sọ dọ nuhe ko jọ do yé go lẹpo na ẹn. 24  Enẹgodo, yé dọna Jọṣua dọmọ: “Jehovah ko jo aigba lọ pete do alọ mítọn mẹ.+ Na nugbo tọn, mẹhe tin to aigba lọ ji lẹpo wẹ ko jẹflumẹ na mítọn wutu.”+

Nudọnamẹ Odò Tọn

Enẹ wẹ, whèzẹtẹn-waji Jọdani tọn.
To paa mẹ, “yọ́.”
To paa mẹ, “podọ gbigbọ masọ fọ́n to sunnu de mẹ ba.”
Kavi “alindọn mítọn.”
Kavi “Alindọn mítọn.”
Kavi “eyin alọ jẹ mẹdepope he gbọṣi dè we go.”