Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jọṣua 17:1-18

NUHE E BẸHẸN LẸ

  • Ogú Manasse tọn to whèyihọ (1-13)

  • Aigba devo lẹ na visunnu Josẹfu tọn lẹ (14-18)

17  Enẹgodo, mimá+ de yin nina hẹnnu Manasse+ tọn gbọn ovò dide dali, na ewọ wẹ plọnji Josẹfu tọn.+ Na Makili,+ plọnji Manasse tọn podọ otọ́ Giliadi tọn, yin awhànfuntọ de wutu, Giliadi po Baṣani po yin nina ẹn.+  Mimá de sọ yin nina whẹndo kúnkan Manasse tọn he pò lẹ gbọn ovò dide dali, yèdọ na visunnu Abi-ẹzẹli tọn lẹ,+ visunnu Helẹki tọn lẹ, visunnu Asliẹli tọn lẹ, visunnu Ṣekẹmi tọn lẹ, visunnu Hefeli tọn lẹ po visunnu Ṣemida tọn lẹ po. Yewlẹ wẹ sunnu he tin to whẹndo kúnkan Manasse, he yin visunnu Josẹfu tọn mẹ lẹ.+  Ṣigba, Zelofehadi+ visunnu Hefeli tọn, visunnu Giliadi tọn, visunnu Makili tọn, visunnu Manasse tọn, ma tindo visunnu, adavo viyọnnu lẹ, podọ oyín viyọnnu etọn lẹ tọn wẹ: Mahla, Noa, Hogla, Milka po Tilza po.  Yé sọ sọawuhia to Eleazali+ yẹwhenọ lọ, Jọṣua visunnu Nuni tọn po ahọvi lẹ po nukọn bo dọmọ: “Jehovah lọsu wẹ degbena Mose nado na mí ogú de to mẹmẹsunnu mítọn lẹ ṣẹnṣẹn.”+ Enẹwutu, e na ogú de yé to mẹmẹsunnu otọ́ yetọn tọn lẹ ṣẹnṣẹn, dile Jehovah degbe etọn do.+  Manasse sọ mọ adà ao yí gbọn ovò dide dali gbọnvona aigba Giliadi po Baṣani po tọn, ehe tin to awà awetọ* Jọdani tọn ji,+  na viyọnnu hẹnnu Manasse tọn lẹ mọ ogú de yí to visunnu etọn lẹ ṣẹnṣẹn, podọ aigba Giliadi tọn lẹzun nutindo kúnkan Manasse tọn he pò lẹ tọn.  Dogbó Manasse tọn sọ bẹsọn Aṣeli yì Mikmẹtati+ he pannukọn Ṣekẹmi,+ podọ dogbó lọ pànta hùwaji* yì aigba mẹhe nọ nọ̀ Ẹn-Tapua lẹ tọn ji.  Aigba Tapua+ tọn lọ lẹzun Manasse tọn, ṣigba tòdaho Tapua tọn he tin to dogbó Manasse tọn ji yin kúnkan Eflaimi tọn lẹ tọn.  Podọ dogbó lọ jẹte yì Agbàdo Tọ̀sisa tọn Kanahi tọn kọ̀n, bo dedo hùwaji jẹ agbàdo tọ̀sisa tọn lọ kọ̀n. Tòdaho Eflaimi tọn delẹ tin to tòdaho Manasse tọn lẹ ṣẹnṣẹn,+ bọ agewaji agbàdo tọ̀sisa tọn lọ tọn wẹ dogbó Manasse tọn te bo nọte do ohù lọ kọ̀n.+ 10  Hùwaji yin Eflaimi tọn bọ agewaji yin Manasse tọn, podọ ohù wẹ yin dogbó etọn,+ aigba Manasse tọn* yì Aṣeli to agewaji bosọ yì Isakali to whèzẹtẹn-waji. 11  To aigba Isakali po Aṣeli po tọn lẹ ji, tòdaho he yin nina Manasse lẹ die: Bẹti-ṣeani po tòpẹvi he to oglọ na ẹn* lẹ po, Ibleami+ po tòpẹvi he to oglọ na ẹn lẹ po, Dọli+ gọna mẹhe nọ nọ̀ e mẹ lẹ po tòpẹvi he to oglọ na ẹn lẹ po, Ẹn-dọli+ gọna mẹhe nọ nọ̀ e mẹ lẹ po tòpẹvi he to oglọ na ẹn lẹ po, Taanaki+ gọna mẹhe nọ nọ̀ e mẹ lẹ po tòpẹvi he to oglọ na ẹn lẹ po, podọ Mẹgido gọna mẹhe nọ nọ̀ e mẹ lẹ po tòpẹvi he to oglọ na ẹn lẹ po. Atọ̀n to lẹdo okọ́ta tọn lọ lẹ mẹ yin etọn. 12  Ṣigba, kúnkan Manasse tọn lẹ ma penugo nado yí tòdaho ehelẹ; Kenaninu lẹ sọ gbọṣi aigba ehe ji.+ 13  Whenue Islaelivi lẹ lẹzun huhlọnnọ, yé hẹn Kenaninu lẹ gánnugánnu nado nọ wazọ́n sinsinyẹn lẹ,+ ṣigba yé ma yàn yé sẹ̀ pete.+ 14  Kúnkan Josẹfu tọn lẹ dọna Jọṣua dọmọ: “Naegbọn hiẹ do na mí* mimá+ dopo po adà dopo gee po taidi ogú de? Omẹ mítọn lẹ sù, na Jehovah ko dona mí kakajẹ din.”+ 15  Jọṣua sọ gblọnna yé dọmọ: “Eyin omẹ mìtọn lẹ sù sọmọ, mì hẹji yì bo hò zungbo he tin to aigba Pelizinu lẹ+ po Lefaimi lẹ+ po tọn ji nado nọ nọ̀ finẹ, eyin mì mọdọ lẹdo osó tọn Eflaimi tọn+ lọ whè gbau na mì.” 16  Whenẹnu wẹ kúnkan Josẹfu tọn lẹ dọmọ: “Lẹdo osó tọn lọ ma pé mí, podọ Kenaninu he nọ nọ̀ lẹdo agbàdo lọ tọn mẹ lẹpo wẹ tindo osọ́-kẹkẹ awhàn tọn+ lẹ he ohí didá lẹ to afọ yetọn go, yèdọ mẹhe tin to Bẹti-ṣeani+ po tòpẹvi he to oglọ na ẹn* lẹ po gọna mẹhe tin to Agbàdo Jezleẹli tọn+ mẹ lẹ.” 17  Enẹwutu, Jọṣua dọna whédo Josẹfu tọn, yèdọ Eflaimi po Manasse po dọmọ: “Omẹ mìtọn lẹ sù, mì sọ dohuhlọn taun. E ma yin mimá dopo gee wẹ mì na mọyi gba,+ 18  ṣigba lẹdo osó tọn lọ pete ni lẹzun mìtọn ga.+ Dile etlẹ yindọ zungbo de wẹ, mì na hò e, bọ e na lẹzun fie dogbó mìtọn nọte do. Na mìwlẹ na yàn Kenaninu lẹ sẹ̀, dile etlẹ yindọ yé yin huhlọnnọ bo tindo osọ́-kẹkẹ awhàn tọn lẹ he ohí didá lẹ to afọ yetọn go.”+

Nudọnamẹ Odò Tọn

Enẹ wẹ, whèzẹtẹn-waji.
To paa mẹ, “dedo adusiwhé.”
Kavi “omẹ Manasse tọn lẹ tọn.”
Kavi “he lẹdo e pé.”
To paa mẹ, “mi.”
Kavi “he lẹdo e pé.”