Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jọṣua 16:1-10

NUHE E BẸHẸN LẸ

  • Ogú visunnu Josẹfu tọn lẹ tọn (1-4)

  • Ogú Eflaimi tọn (5-10)

16  Podọ aigba he yin mimá gbọn ovò dide dali+ na* kúnkan Josẹfu+ tọn lẹ bẹsọn Jọdani to Jẹliko yì osin Jẹliko tọn lẹ kọ̀n to whèzẹtẹn-waji bo gbọn danfafa he tọ́n sọn Jẹliko lọ ji yì lẹdo osó tọn lọ mẹ to Bẹtẹli.+  E dlẹnkan sọn Bẹtẹli he to Luzi bo zindonukọn yì dogbó Alkinu lẹ tọn ji to Atalọti,  enẹgodo e jẹte dedo whèyihọ-waji yì dogbó Jafletinu lẹ tọn ji kaka yì dogbó Dòwaji Bẹti-holọni+ po Gezẹli+ po tọn kọ̀n, bo nọte do ohù lọ kọ̀n.  Enẹwutu, kúnkan Josẹfu tọn lẹ,+ yèdọ Manasse po Eflaimi po yí aigba yetọn lẹ.+  Ehe wẹ dogbó kúnkan Eflaimi tọn lẹ tọn sọgbe hẹ whẹndo yetọn lẹ: Dogbó ogú yetọn tọn to whèzẹtẹn-waji wẹ Atalọti-adali+ kaka yì Agawaji Bẹti-holọni tọn,+  dogbó lọ sọ dlẹnkan yì ohù lọ kọ̀n. Mikmẹtati+ tin to agewaji, bọ dogbó lọ lilẹ́ pànta Taanati-ṣilo to whèzẹtẹn-waji bo gbọnmọ yì Janoa to whèzẹtẹn-waji.  Enẹgodo, e jẹte sọn Janoa yì Atalọti po Naala po bo jẹ Jẹliko+ bosọ dlẹnkan yì Jọdani.  Dogbó lọ tọ́n sọn Tapua+ bo pànta Agbàdo Tọ̀sisa tọn Kanahi tọn kọ̀n to whèyihọ-waji bo nọte do ohù lọ kọ̀n.+ Ogú he yin nina hẹnnu Eflaimi tọn sọgbe hẹ whẹndo yetọn lẹ niyẹn;  kúnkan Eflaimi tọn lẹ sọ tindo tòdaho he yin kinklandovo lẹ to ogú Manasse tọn ṣẹnṣẹn,+ yèdọ tòdaho lọ lẹpo po gbétatò yetọn lẹ po. 10  Ṣigba, yé ma yàn Kenaninu he nọ nọ̀ Gezẹli lẹ sẹ̀,+ bọ Kenaninu lọ lẹ gbẹ́ pò to ṣẹnṣẹn Eflaimi tọn kakajẹ egbehe+ bo nọ yin hinhẹn gánnugánnu nado wazọ́n sinsinyẹn.+

Nudọnamẹ Odò Tọn

Kavi “he yin mimá na.”