Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Howhinwhẹn lẹ 9:1-18

NUHE E BẸHẸN LẸ

  • Oylọ nuyọnẹn nugbo tọn (1-12)

    • “Gbọn yẹn gblamẹ wẹ hiẹ na nọgbẹ̀ dẹn” (11)

  • Oylọ yọnnu nulunọ tọn (13-18)

    • “Osin he yè fìn nọ vivi taun” (17)

9  Nuyọnẹn nugbo ko gbá ohọ̀ etọn; E ko pà dòtin ṣinawe etọn lẹ.   E ko wleawu olàn tọn dai;* E ko wleawuna ovẹn flusọ́; E ko sọ tẹ́ tafo dai.   E ko do deviyọnnu etọn lẹ hlan Yì ofi yiaga tòdaho lọ tọn lẹ nado ylọ gbẹtọ lẹ wá dọmọ:+   “Mẹdepope he yin wunvinọ, mì gbọ e ni wáfi.” E sọ nọ dọna mẹhe zinzin* whèdo dọmọ:   “Wá dù núdùdù he n’ko wleawu etọn dai na we Bo nù ovẹn he n’ko flusọ́ dai na we.   Doalọtena wunvinọ-yinyin* bo nọgbẹ̀;+ Hiẹ nisọ to zọnlinzin zọnmii to aliho nukunnumọjẹnumẹ tọn ji.”+   Mẹhe nọ gbẹnuna mẹṣankotọ to winyan hẹnwa edetiti ji,+ Podọ mẹhe nọ wọhẹ mẹylankan na gbleawuna ede.   A wọhẹ mẹṣankotọ blo, e ma yinmọ ewọ na gbẹwanna we.+ Wọhẹ nuyọnẹntọ, ewọ nasọ yiwanna we.+   Plọnnu nuyọnẹntọ, ewọ nasọ yọnnuin dogọ.+ Plọnnu dodonọ, ewọ nasọ hẹn oyọnẹn etọn jideji. 10  Budisi Jehovah wẹ bẹjẹeji nuyọnẹn tọn,+ Podọ oyọnẹn Omẹ Wiwe Hugan lọ tọn+ wẹ nọ namẹ nukunnumọjẹnumẹ. 11  Na gbọn yẹn gblamẹ wẹ hiẹ na nọgbẹ̀ dẹn,+ Bọ gbẹ̀gaa na yin nina we. 12  Eyin hiẹ lẹzun nuyọnẹntọ, dagbe towe wẹ, Ṣigba, eyin hiẹ yin mẹṣankotọ, hiẹ doponọ wẹ na hẹn agbàn etọn. 13  Yọnnu nulunọ ma yọ́n nudevo hú zingidi.+ Wunvinọ wẹ ewọ bo masọ yọ́n nudepope. 14  E nọ sinai to họntonu ohọ̀ etọn tọn, Yèdọ to aisinnu de ji to ofi yiaga tòdaho lọ tọn lẹ,+ 15  Bo nọ to mẹhe juwajei lẹ ylọ, Yèdọ mẹhe to zọnlinzin tlọlọ to aliji jei lẹ bo nọ dọmọ: 16  “Mẹdepope he yin wunvinọ, mì gbọ e ni wáfi.” E sọ nọ dọna mẹhe zinzin* whèdo lẹ+ dọmọ: 17  “Osin he yè fìn nọ vivi taun, Podọ núdùdù he yin dùdù to nuglọ nọ dotọ́n taun.”+ 18  Ṣigba, yé ma yọnẹn dọ finẹ wẹ mẹhe ko lẹzun madogánnọ to okú mẹ lẹ tin te, Podọ Yọdò* mẹ wẹ mẹhe yọnnu ehe ko basi oylọna lẹ tin te.+

Nudọnamẹ Odò Tọn

To paa mẹ, “E ko hù nuhe e dona hù.”
To paa mẹ, “ahun.”
Kavi “Jo wunvinọ lẹ do.”
To paa mẹ, “ahun.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.